شفني من الفرقا ولا الحال يخفاك =مثل المريض انهض ولا نيب ثاير
من فقد طفل للمعاليق مساك= الجادل اللي ما يدوس الوزاير
كامل تواصيفه ولا هوب حشاك= الا ولا يوم لقيته مكاير
ومهذب ذرب ولا هوب دكاك= بالشين حاشا ما سمع شور شاير
من صلب شغموم ضحى الكون سفاك= لا دما العدا يوم اشتعال الذخاير

ليل ياليل .. يوم النـاس سمّـوك ليـل=هو عشان السهر وإلا عشان المنام ..؟
شف عيوني وشف وشلون جسمي نحيل=لعنبو هالغرام إن كان هذا الغـرام ..!
آه ياقلبـي اللـي مابقـى فيـك حيـل=من كثر ماطواك الشوق ولـد الحـرام
قلت لك لاتميـل إن طعتنـي لاتميـل=بس هذا أنت ملت وماسمعـت الكـلام

يامل عين الى أبطت منك يالغالي=عيا العجب يازريف الطول يعجبها
إلى طريتو على بالي وأنا سالي=قامت عيوني دموع الوجد تسكبها
لا تحسب إني مريح داله البالي=لا والذي نسمة الغربي يهببها
ما غير قلب به الهاجوس يجتالي=ونفس على شوفكم ربي معذبها

ودي أبادلك الفرح والحنيني=وأرسم لشوفك بين الأهداب ميعاد
ودي أريح في يدينك يديني=وأطلق خطاوي غربتي رحلة أعياد
ودي ولكن لي رجا سامحيني =ما عاد في قلبي للأشواق ميلاد

يـا اللي بعينــك نظرة ٍ.. لو تمنعت =تنقش على عرش السلاطين.. دولـــه
باكتب على صدر الزمن.. وين ما كنت =غصن الجمال فروع ..منك أصولـــه

مشتاق لك باحزان بدوٍ شـدت زهاب.. ارحالها =عيـت تـنوخ ركـبها لو كانت اللحظه ..مقـيل
مشتاق لك شيمة بدو حفيـت اقـدام ..اطفالها =ما ترتجى وقـتٍ غنى فى مدتـه أصبح ..بخـيل
مشتاق لك غيمة مطر ومـزنه مشت.. بخيالها =ارمى بجودى حدرها ودلوى وخرجى والصميل
مشتاق لك حـرٍ شلـع رووس المعالى.. نالها =من هيبته الباشق لـبد فى ماكـره خايف ..ذلـيل
مشتاق لك خيل وابل وطـفله تبـعت.. حلالـها =بعـيونها تـرسم رجا ما خـلفـه ذاك ..المسيـل
مشتاق لك ظبـيه جفـلت خاف حراك.. ظلالـها =شافت على مـد الـنظر قنـاص يجدح ..بالفـتيل
مشتاق لك مهرة غـزو بـيدى سرجت.. اجلالها =تشيل حملى اليا عجزت رجلى عن ..المسرى الطويل
مشتاق لك عـذرا رمت من فـوق راسه.. شالها =وقامت حـدر ضو القمر تلـفح ويزهاها ..الجـديل
مشتاق لك ارض حـنون تضمنى ..فى جــالها= مثل العرب لا زبنت فى ارضـها ..شخـصٍ دخـيل
مشتاق لك سيوف ٍ علت تبرق بـيدين ..ارجالها =ترفـض تسلم مجدها ليـدين ما تقـوى.. تشـيل
مشتاق لك كلمه مدحت ربعى بطــيب ..افعالها =فى ساعة ٍ صـوت الفـشق عانـق بها ..صوت الصهيـل
مشتاق لك رمث وحطب ونارٍ عليــها.. دلالـها =ونجـرٍ ودله مبهره مسمار وهيـل ..وزنـجبـيل
مشتاق لك بيوت ٍ شعر حدر الضلع ..منزالــها =عربان حلت ورحلـت وسهيل بالقـمرا ..دلـيـل
مشتاق لك طعوس ٍ حمر وفيضه ما بين.. ارمالها =وخبارىٍ فـيـها كـثرت يحفظـها ظل.. النخيل
مشتاق لك احلى عروس عمامها.. خوالها =بنـتٍ اصيله معربه ما ياخذه.. كـود الاصيـل

لحظة وداعـك كنهـا سكـرة المـوت=ضاع الطريق اللـي مـن اول رسمتـه
ضاع الطريق وصرت في الدرب مبهوت=مـدري وش اللـي فاتنـي ماغتنمتـه
العمر مـر وراح مـع فايـت الفـوت=صحيح ضعـت وضـاع حلـم حلمتـه

دام الزمـن عقـد علينـا حجاجـه=كل ما يسوي لازم نقوول مسمـووح
ماينفـع المشتـاق كثـر احتجاجـه=دام الجفا في شرعكم صار مبيووح
كل ما هقيت انّـا قريـب انتواجـه=القاك يا خلّي على البعـد مشفـووح
وكل ما ضويت الشوق تطفي سراجه=وتترك شعووري بين حي ومذبووح

للصبر آخر وتدري بي صبـرت=ولا بقى عندي من الصبر إشعره
لاتقول انك على همـي قـدرت=من متى تقوى حبيبك تقهـره؟
اصعب الاشياء لامنـك شعـرت=صاحبك يَجْبِرْكْ بإنـك تهجـره

تمر السنيـن وياقـف العمر...وتعديـه=وقلبي تعب من كثر مـا يفقـد احبابـه
تمنى يحب..وأحترت,يمديـه مايمديـه؟=هقـاويـه ماصابت,وأمانـيـه كـذابـه
ياقلبـي كـمْ انـوّه!ولا ينفـع التنويـه=وشوف النتيجه..صاب الإحساس ماصابه
خذا جفن يرقد به...وجفن يتلحف فيـه=رخصت العمر ماهو بـداري ولا آبـه
تطرّق لموضوع الفـراق ويـدي بيديـه=وقلت المفارق,لارحم بطن مـن جابـه
طلبته لاشقنا بعض,هالشـي لا يطريـه=ولا يطري اللـي فيـه غيبه..وماشابـه
دعيته!وانا يخنقني الدمع..يـوم ادعيـه=ومنعني الوفا والعز,مـن مسكـة ثيابـه
نشدته عن اسبابه؟وقال انت عارف ليـه=وقفا وانـا للحين؟معـرف وش اسبابـه

.








فيــني من ,’الــــمـلكـ’, {,هــيـــبـــهـ,}
وفيـني من ,/ القـوهـ /, "ع.ــــــنااادي"

وفيني من ×أنـــواع× [| الجـــاذبيهـ |]
,‘الـمـلـح‘, و"الــزيـن" والسكر ‘زيــادي‘

وفيـني من +الأخــلاق+ :| طـيـبـهـ |:
عــذبــة ‘الأوصــاف‘ والــطبع "هـــادي"

الحمدالله ما فيني من العذاريب .:[عيبهـ]:.
شيـهـانـتن تعــلت صـــقور "الهدادي







:)

لجيتك أسال وادوّر فيـك ضحكاتـي ,,=كنك تعمد بيديـك اليـوم .. تقتلهـا ’’
لا تترك الظـن يلعـب باحتمالاتـي ,,=الكلمه اللي تحزّ بخاطـرك .. قلهـا ’’
تعال شفني وحـس بحـال لوعاتـي ,,=كن الدقايق بدونـك عـام مطولهـا ’’
متى التباشر بقدوم ( الغـلا ) تاتـي ,,=فرحة زماني بشوفـك مـا تخيلهـا ’’

يكفيني إن انت لا من قلـت وشلونـك=تطيب كل الجـروح ويختلـف لونـي
وإن كان منتب مصدقني علـى هونـك=تعال وطالـع دروبـي ويـن ودونـي
أصبحت أجامل عداي اللـي يحبونـك=وأكره مشاهد عـداك اللـي يحبونـي
ومن كثر ما احب واكره عنك واصونك=أصبحت دفتر مشاعر وأنت مضمونـي
إن غبت عني شعـرت بلـذة طعونـك=وإن شفت زولك شعرت بقيمه عيونـي

ياصاحبـي لاتجـي وتقولـي قـالـوا=لو قلـت ماقلـت غيـر الله يجازيهـم
لاشفت بعـض الأوادم للـردى مالـوا=نفضتهـم مـن عيونـي قبـل اخليهـم
يكفينـي القـدر نلتـه يـوم مانـالـوا=الا .. او اقول مابغى اجيـب طاريهـم
ماقول غير انت لامن حطـوا وشالـوا=تعـوذ برحمـه الله مــن اساميـهـم
وذكرهم ان الاعمار ان طالت وطالـوا=الخالـد الذكـر والا المـوت قافيهـم
اما انت ياقلب لو صالوا بـك وجالـوا=خلك مثل ماانت لاتشره علـى ايديهـم
الناس مـن خلقـت الدنيـا ومازالـوا=عيـال رجّـال لكـن فيهـم وفيـهـم
وذولاك من عرض ناس ٍ مالي ان مالوا=الا اني اسكت ,, واقول : الله يجازيهم