|
حتـى اللـي حبيتهـا ؟ وحبيـت ( ضحكتهـا )
..............................بأقسى طريقه ! ,, وبأعمـق جـرح ( خانتنـي ) حسيت الارض اختفـت مـن هـول صدمتهـا .................................... !كــن الامـانـي ! بنتـنـي ثــم هـدتـنـي الكلمـه اللـي ! قــدرت اقــول : حزتـهـا ....................................ليـت الليالـي ! .. فـي دنيـاهـا ماجابتـنـي كنت اهتوي (( نارها )) عشـان !! (( جنتهـا )) .........................................واحـقـق احـلامـهـا بـالـلـي تمنـتـنـي لاجـيـت ابـرقـد .. تلحـفـنـي عبايـتـهـا ........................................وانــا ضلـوعـي .. تلحفـهـا لا ضمتـنـي تـبٌــدل الـحــال بالـدنـيـا ورمـتـهـا ....................................حتـى الخلايـق مـع ظـروفـي تحدتـنـي ؟؟ الله يااشجااع حلووه هالابااااات من شااعرهاااا |
دنياك هذي كلها دمعتيني
...................دمعه لقا والثانيه دمعه فراق |
اول حياة الفتى عاله على ناسه
لعبه وكل يزينها ويدلعها وثاني حياة الفتى علم ملا راسه وفعال شي يوطي النفس ويرفعها واخر حياة الفتى خلوه جلاسه مصاحب امراض يا مكثر مواجعها |
.
رجعت كالعاده بلا قلب واصحــاب من معركة فيها النهاية حزينة فيها الفرح عنوان في مطلع كتــاب وأما البقى يا وقت ... يشكي الغبينه . |
لقيت نفسي في همس القوافي
ابين اللي بين الاضلاع مخفيه الناس تحسبني سليم متعافي والقلب زلات الرفاقه تدميه والموت لا جت طعنة من خلافي طعنة عدوِِِِِِِِ بخنجر منصح فيه واللي يبي ياخذ علي اعترافي يكتب جزا الاحسان نكران راعيه |
من ركض صوب غايه مايسى عجول
ومن تمهل في مشيته ماضمن له محل دنيتك ماهي دايم تمشي حسب الاصول جل منهو خلقنا بين.... خوف.... وامل! |
حضرة جناب الحظ مدري علامه
مبطي ولا ادري ليه مازن وياي كل مالمحت وشفت منه ابتسامه اثره يهيئ للشقا اللي بعد جاي!! |
.
انخى القوافي كل ماضـاق بالـي وافضي لها وانسى بعض مانعانيه واليوم جيته من همـوم جزالـي حمله كسرني وانتخيت بقوافيـه . |
.
أي والله انـي ضايـق ومرهـق ومخنـوق وحـزيـن وإما بمـوت مـن الولـه ولا بمـوت مـن القهـر .. واللـي لعـب فـي حسبـة ايامـي وخلاّهـا سنيـن إني على ذا الحال يا شعري لي اكثـر مـن شهـر !! بعت ( المدينه ) لجل ( عين ) وقالـوا الخافـي يبيـن ودفنتك ( بجوفي ) وقالـوا وش بقابـك مـا ظهـر !! . |
لاجتمع جرح ومسا وسط الطريق
كيف اميز ذا عدوي من رفيقي ولا تسلل في الصدر في غفله ضيق من يسلي خاطري ويفك ضييييييقي!! |
من يعزك يلزمك دايم مجيه
روح يمه لو على الرجلين حافي وان منعك الظرف ارسل له هديه الهديه تعني ان الود صاااااااافي |
هاك العهد مني وهات المواثيـق
وان ضقت لاتخلف لسابق وعدنا الصاحب اللي ماوفاء حزة الضيق يسد عنه من الاصاحيب الادنـى |
.
صحيح بعض البوح يبان مشروح بس الحقيقة صعب يقراهـ قـاري . |
.
ليت صدري كلما ضاق..ينبت لي جنـاح تلْتـه لاضقـت بالقاع..ترفعني,,سـمـا. أتهقًـى بـه مـع الجو..للعـد الـقـراح وارده ميراد ضامي..على العـد ارتمـا. طالت الرجوى ونا بين..مقعـاد ومـراح كني اللى مايبـا الما..وحاديـه الضمـا . |
انا مزاجي حمس بن بمحماس
لا شربه المعموس يجلي عماسه في ربعة فيها النشاما والاوناس وفي هرجهم كل الحكم والفراسه |
هلا بلي لفى عطره مابين حروفه يفوحي
معاني الطيب تنعشني وتشبعني وتسقيني تطيب النفس للطيبه وتسمع امرها وتوحي ومنهو طابت افعاله على السكه يلاقيني يانسمه احملي ردي على(....)وله روحي عسى رب السما يجزيه باحسانه ويجزيني |
مســـائكم ودر جوووري ..
لاهنتوا الجميع ...
لو تغيب سنين ما ينقص غلاك=الغلا ماهوب سهل ينسى مرت أحلى ذكريات لي معاك=تجتمع فيها المسره والأسى في النهار أقول بسلى عن هواك=وأبتلي بالهم لاحل المسى إرتكى حبك على قلب بغاك=كالجبل في الأرض من ثقله رسى |
راجع حساباتك بلحظة.. سكونك؟ =وخذها نصيحه جعل ربي يعافيك مافيه أجمل من حبيب يصونك =ولافيه أقسى من قريب يعاديك أكبر خطأ نسيان من يذكرونك =وأعظم وفا ذكر شخص ناسيك وأكبر قهر لاصار ناس يبونك =وأنت تبيهم بس حظك لعب فيك؟ |
قلت: أحبـــك..وأنت قلت: البيت بيتك! =قلت: نــــار.. وقلت لي: برد..وسلام! وراحت سنيني وأنا.. علك وليتك! =بالغـــرام انك تبادلني الغـــرام! مابقى رجوة لي مارجيتك! =ومن ورى ظهرك رميت.. الاهتمام! جيت لك ميت واحسب.. اني حييتك! =واثر حبي مرك امرور الكرام!! |
أيه أفتخر بالمعجزات المعآسيـــر=أيه أفتخر بأمجآدها اللي بنتــــها وأيه أفتخر لاقلت واحد من مطير=قبيلتن حتى الدول حآربتـــــــــهآ يوم الملاقي ويوم ذييك الطوابير=ويوم الأصآيل عجعجت بأغبــرتها ويوم إن في الميدآن صيآح ومغير=ظني تعرف الناس وش منزلتهااا (حمر النواظر)والمعآلي مشـاوير=تدحم حيآظ الموت مازعزعتهاااا كم لحيـتـــــن صآلت وراحت مخآسير=وكم من شوآرب (فتلت) وأنتفتهــــآ |
الله خلقنا للمعــــآدي ذهـــآبــــــــه=نمسح وجود اللي نوانا علي الشين يسلم محالفنا ويحشم جنـــــــآبـــه=ويبقـــــون بحمآنآ مـدآمـــو مقيميــن يذري ذرآنـــــــآ لكــــــل حـــــي لجآبـه=زبــــــن الدخيل وللعـــــــوآني بسآتين وعز الصديق ليا شكىى كـــل مآبـــــه=يلقى الحشيمه عن ربعـــن حشيميـــن الضيــــــــف لآمنــــــــــه لفــــآنآ هلابـــه=مبـــّركيـــــن الحيل وسط الدواويـــــــــن هـــــذي فعآيل لآبتــــــــي والقـــــــــرآبه=وأنا أحمـــــــد الله ماانخلقنـــــآ ضعيفيــن |
حنا مطير ليا انحدرنا كما السيل=والسيل كل اللي بوجهه يشيله حنا الليالي الماضيه والمقابيل=وحنا الحلوم المفزعه كل ليله وحنا هل النخوه وحنا هل الخيل=وحنا كمآ الشجره عليكم ضليله حنا نعدل الميل لاصار بـه ميــل=بحـــد السيوف المرهفآت الصقيله حنا نشيل الحمل ونشيل ونشيــل=حتى الزمن لآمن شكى نرتكيــلـــه حنا العقـــول الرآسيــــــه والمهــآبيـل=للعقــل(عقل)وللهبيله هبيــــــــــله حنا ورثنـــــــا المجد جيــــل(ن)بعد جيل=ونحمي من العدوان حدود القبيلـــــه |
مساء الخير اخت للقمر
وصح لسانك وبنانك وتقبلي مروري واعجابي بنقلك واختيارك |
من شرى ثوب قبل لاهو يقيسه
عندنا لا هو فهيم ولا حكيم الاصاله والقيم ثروه نفيسه والتقدم ما هو بهدم القديم!!! |
^
^ ^ مساء النور والسرور صح بدنك ياخوي مصفي المرح سعيده بنقل مايرتقي لذائقتكم ...
ياهل الردات والذود المفلي =ياسيوف النصر وحصون المهابه في المواقف مانكل ولانملي= من قرى الحره الى شرق اللهابه المطيري لا زهمني جيت كلي=قالها اصغر ورع فينا غير آبه |
صح منطوقك اختي
اخت القمر ولو تستاهلين الاشاده بالتميز اخوك ( مصفي المرح ) |
درب الرفاقه افرشه دوم بورود
ونور رصيفه من لظى الشوق باسراج الوقت يسري والاجل حد محدود والطيب لا منه كبر صار لك تاج والمال يبنى يابن الاجواد بالجود ابذل ولاتخشى العطايا والاخراج |
من قرآني فكر ولاّ شعر واحتـاج الهويه=بنت شيخٍ دون ربعه ماذخر مـآل وعيـآل قد غذآني(سلّمه ربي) على كسـب العذيـه=وقد نهاني عن طمآن الهرج والجرف الهيآل لين صرت الكبريآء بكـل مآتعنيـه فيـه=في قصيدي في حديثي في الحقيقه والخيآل لي طرف لو دِيِِس والله لأنقلب (ذنب وخطيه)=ولي خفوق لو تهادى ذوب *نجوم* الليـال |
إن قلت هانت خالف الوقت ظني ... وإن قلت زانت عادلتني بلاوي
|
ان طاحت العبرة على انسان شرواك .. ماهي خسارة لو بها ذل عيني
|
أصحاب انا والهم وأحباب ونمون .. ماهي صداقة يوم هي عشرة أعوام
الهم سجيني وانا فيه مسجون .. إن قام حظي طاح وإن طاح ماقام |
عل المهلي ما يولي
بسم الله الرحمن فوقك وحولك الشوق داعيني وانا جيت كلي سلامة عرضك وبالمثل طولك |
تـ ع ـب قلبي من اسباب الجفا والبعد والهجران ,, وتوفت كل آمالي بعد مابانت مواريها
وألا ياقلبي تصبر لاتشكي لوعة الحرمان ,, واذا بانت بحور الـ ع ـشق لاتقرب موانيها ولاتندم على حبك ولا تندم على الأحسان ,, مصير الباخره ترجع بعد مدهـ لشاطيها |
لواني ابحث عن قصيد العشاشيق
حطيت لي في كل دار محبوبه لكني ابحث جزال الطواريق ام المعاني حبكها بالصعوبه! |
وفر كلامك ورني عرض الاكتاف
قلبي كره هرجك ولاهوب مجبور ترى القلوب بطبعها شي شفاف الكسر فيها صعب تلقى له جبور ولا تحسب اني من الهجر بخاف ياشيخ خذ حبك وقلبك ومشكوور |
في (( ضحكة عيونهـا )) .. اشـوف دمعتهـا ..
...................... !ويمكن ! لو أني ( ضحكـت شـوي ) !! لمتنـي |
أنا لاجيت أقول أنّي جفيتـك يا مجافيني
...............تذوب بصدري الكلمه قبل لا توصل لساني ولاّمني بغيت أنسى ذكرتـك وانت ناسيني ...............أنا وشلون أبنسى لا تعاطف معك نسياني ؟ ولامنّي زعلت أرضى ! ولا ادري وش يرضّيني ................أكيد ان نصفي الأول يعاتب نصفي الثاني |
شفت القمر وشلون عالي عن الناس
هذا ترى قدرك مع الناس عندي الله يعزك دايم عالي الراس يا صاحبي ويدوم ودك وودي |
من منطلق دمع وعيون ونواظر
وآهات في صدري اذا حل طاريك ابسألك دامك على الرد قادر لاشتقت لك قل لي أنا وين الاقيك |
اذا ,,تفارقنا ابي , منك شيين
............................مابيك تكرهني ولا ,,تحب غيري |
| الساعة الآن 04:49 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
