تثيّـر بـي الجنـون وانتثرلـك شـوق ياجـدي=تشب بي المحاني واحتـرق كلـي علـى شانـك
على زند الرجولـه واقفـه ياشيـخ مـن قـدي؟=زهيت بميزةٍ ذلـت شموخـك لـي وعصيانـك"
ابـا اصـوغ القصايـد لـك بـلاحـد ولاردي=وابا اسوق الركايب لك تهـز ركـاب وجدانـك
سيوفـك كلهـا( حكلـى) واناعيونـي لهاحـدي=ورى ماتسنن سيوفك وتطلق صهوة حصانـك ؟
ابتحـداك ياجـدي وابيـك الـيـوم متـحـدي=على جمع الملا ف ظنك من اللي يكسب رهانك ؟
انـا غنـدورة ماللغـرور فداخـلـي حــدي =وعلى عرش العناد اطلـب تمرجحنـي بميزانـك
انا جامح ولا صخيـت لأطلـق فـارس سـدي=ولازعزع شعاع النفـس يالمجنـون هجرانـك ii!!
انااسمي "الراسيه" ياللي علـى السـادات متعـدي=ولو طرفي دنا لمثلـك يحطـم شامـل اركانـك
انا اسمي الراسيه غصبا على من كان هو ضدي؟؟=وابي تعرف ترى ساسي يزعزع ساس جدرانـك
نثرت اغلى سيوف الموت تسجد لك على خـدي=ابي ترفع لي الهامـه واعلّـي ف المـلا شانـك
انـا ودي اسـوق الهجـن لعيونـك ومـا ودي=اخاف ضعونهم تشغـل عـن الشعّـار شيطانـك
انا من جدي احيا بك واحيـا فيـك مـن جـدي=واموت ان ولعـت ذروة جنانـي ذروة جنانـك
ابا اسرّح جنون العشـق اشـد خطامهـا شـدّي=واشب اقصا ضلوعي لك وابحرقهم على شانـك