|
" بركان " شعري .. ما هدى وخايف مع المُده يثور !
. . . . . . . . . . . . في غيبتك .. شفتي الشعر وشلون فيني ينغلي ؟ |
 تدْري وشْ معْنى غيابكْ ؟ يعْني : أسْوَءْ شيْ شفْتَهْـ طولْ عمري !! تبْدي ضحْكاتي هلابكْ وفي وداعكْ ما ينامْ الجَرحْ بدْري وإنتْ كيفكْ شوفْ وشْ ناوي عليـه هاكْ قلبي وهاكْ سيفكْ وسوْ فيني اللــي تبيه! لا تحاتيْ صفّحْ بكيفكْ جروحي وإشْطبْ آمالي وطموحي وإعْتبرْ قلبي كتابكْ !! |
 تدري وشْ حطّم غيابكْ مرْكَبْ بداخلْ شعوري منْ نسى قلبكْ .. حضوره قلبي ما واجَهْ / شعوره عندي ما بـه شي ضروري فاقد إحساسْ الأماني لا مراسي لا مواني وصارتْ الدنيـا / قسى !! وصار دوري.. أعشق أنواعْ الأَرَقْ .. وألفظ أنفاسْ الغَرَقْ وصوت معناه الخَطَر وقلبْ ميّتْ / يحتضر منْ غيابكْ السلامه فيها قلبي ما رسى لا صباحي هو صباحي ولا مسا قلبي / مسا يا حبيبي في .. غيابكْ إختلفْ شكلي ولوني صرتْ أنا إنسان / ثاني والسَهَر تعّبْ عيوني والسؤال اللي ذبحني : - صج اهو فعلاً نسى ؟ راح وأهداني الأسى! وما وصلتْ إلا لـ حقيقهـ : الجفـا أسْهَلْ طريقـهـ للقسى..! |
 تدري لو ينطق غيابك؟ بس أبسأل وين كنت؟ ووين رحت بغيبتي؟ وبسأله عن وضع قلبك! هنت عنده أو ما هنت؟ ياللي مِن غيرك حياتي/ ما لها داعي ومعنى ! صار قلبي ما يحاتي: بعد ما تخليت عنـه ! إيه كل الناس عندي بس مابيهـم بدونك ..!! تدري يا عمري بأنك.. عندي كل الناس إنت ! ومهما تجرحني / مسامح وكِل طعناتي / عوافي عشت وافي لدنيتك وبموت وافي .. ما اخونك لو تجافي ما هو آنا اللي إن ضاقت علي الدنيا / خنت . |
 تدري وش سوَّى غيابك ؟! مـوَّت غيابك سوالف ..! ما يخوِّفني زماني بس من فرقاك خايف ..! فجأه أصحـى ومـا أشوفك .. لا تهددني ... ظروفك إعتبرني .. حلم / واقع وإلاَّ ظلٍ ما يطوفـك ضاميٍ عطشان .. جيتك لا يعشمني سرابك ..! تسمح بكلمه ؟! بغيتك قبل لا تبدي غيابك ..! |
 تدري وش صار بغيابك..؟ غاب [ شاعر ] أحتريه الوطن : يبكي عليه والورق : مسكين ضاق والقلم : يفقد إيديه عاجز التفكير فيني يلقى حلٍ للفراق الزمن مثله زماني والدقايق هي دقايق والسؤال اللي جرحني وين فايق وين فايق وين فايق..؟ ليه ما يكتب قصايد وين فايق..؟ ما نشوفه بالجرايد وين فايق..؟ نفقده بالحيل / وايد صج هو راح العراق..؟ وش يسوِّي ليه راح..؟ وين فايق..؟ ما تعب صوتي ينادي صرت مُزعج صرت هادي وفجأه قلت: بصوت صارخ " فاااااااايق " وأسمع جراح راح صوتي والصدى يرجع .. سكات مَنْ تُنادي ؟؟ لا حياة كم أسيرٍ جو رفات مات.... ومات.... مات.... ومات... لحظه لحظه منهو مات..؟ صرت أحس الإختناق يعني فايق ما رجع؟ ليه يا حظي وجع قلبي دقاته سباق مِن خبر موته فجع وهذا آخر شي صار مات فايق في العراق !! . |
 غيبِتِك [ قسمه ونصيب ] خلْني أشرَه عـ ( الزمن ) يا حبيبي .. ما هو عيب إن بكى فينـي .. الوزن ( يا تصيب و يا تخيب ) [ فكره ] .. في بالي تزن إنتَ [ أكثر ] مِنْ حبيب إنتَ لي .. معنى ( وطن ) ..!! يعني مِنْ غيرك " غريب " ما أساوي .. أي ثمن ..!! وإنتَ أقرب مِنْ / قريب [ رمش ] وشعوري جفن ولما عَن عيني .. تغيب لا مدينـه .. ولا سكن..!! مااااتــ .. إحساسي العجيب وصرت أبحَث عَن كفن.!! ما هو كل جرحٍ يطيب وما هو كل حزنٍ : " حزن " ..!! . |
 تدري وش ناتج غيابك ؟ زادت بـ قلبي الهموم ! [ الفَرَح ].. عنِّي مسافر وحزني ضيفي كل يوم صرت أسأل صرت " ضايع " حلم هذا أو حقيقه ؟! كنت شاري وإنت / بايع به مثل هـ الضيق ضيقه ؟! عطني من وقتك / دقايق شوف وش فيني و روح ! يا حبيبي حيل ضايق حس مرَّه بـ الجروح يعني جرحي ما يهمِّك ..!؟ وعادي عندك لو [ أضيق ] إنسى إنَّ إسمك .. حبيبي صير لي عون وصديق ليه قلبك .. ما يبالي ..؟ وقلبي " محتاجك " يبيك إنتَ عندي شخص غالي تكفى لا تصدمني فيك ما بقى لي شخص / غيرك وإعتيازي لك .. تعب إيه محتاجك وشوقي نار وغيابك " حطبــ " ! . |
 عليك شلون ما أزعل؟ وتسوِّي أشياء تجرحني ! تضايقني بـ أفعالك .. وتظن إنِّك مفرحني ؟ تسوِّد وجهي بـ طعونك .. وتبيِّض ( وجه ) أحزاني ..! [ ياليت ] اللِّي حصل منِّك .. حصل من واحدٍ ثاني ! مثل غيرك ومنتَ غير .. جرحت جروح ما طابتــ ..! هقيته فيك يطلـع خير .. ولكن هقوتي " خاااابت " صدمني الكل .. ومو ناقص ! بعد منِّك تجي صدمه تحطْها بذمِّتك ( عادي ) وسيعهـ صارت الذمه ! بسيطه كانت أحلامي .. توقعتك تحب لي الخير وتدوِّر .. راحة أيَّامي ! وأشوف إن الحقيقه غير .. تحب الخير لـ جروحي ؟ حبيبي الوقت ما قصَّر وكلمة حق .. يا روحي : ( جميع الناس تتغيَّر ) !!! |
 |
 ما أبي من زود حُبي / أربكك ! لمَّا تسألني أحبك ؟! قلت " أموت " !! إنت مثل " الحلم " ولمَّا أمسكك أدري إنِّك واقع / وتطري البيوت يا عيون الريم وشلون أشبكك ؟! من يشوفك قال : ما شا الله توت ..! إنت فكره و ماني قادر أحبكك فوت في قلبي / بلا إستئذان فوت ! في حياتي , صرت دايم ( أدركك ) ! أشبعك وأجوع لك وأعطيك " قوت " لو طريقك يتعِب القلب أسلكك بعد صوتك ما يعوِّض أيّ صوت !! |
 جديده لعبتك , هذي ! رجُوعك ليه أبي أفهم ؟! ترى ما جيت في وقتِك ,/ أنا مُو حاسِب حسابك نسيتك أو تناسيتك ! .. ( دخيل الله ) لا تهتم وأبشرك ! وجه أحزاني ضحك لي . . . . . . . . , وإنقفل بابك . . وبسيطه } جات مِن صالح حياتي / طعنتك , للعلم قريتك وإستفد قلبي مِن المضمون .. بكتابك |
 تغيَّر وجْهَي !! مِنْ أوَّل غيابكْ و / إبْتِدَى التأثير حبيبي . . مِنْ التَّعَبْ كافي ! خذيتْ اللِّي " يكفيني " يا أغلى مِنْ رَحَل عنِّي , / يا كِلْ الحُبْ والتقديـر تعَالْ : إنْ كان لِي عِندِكْ مَعَزَّه ~ وكان تغلينـي ! تعَالْ : إنْ كِنتْ تعشقني ~ وإذا فِعلاً تبي لي خيـر ! تعَالْ : ومِدْ لِي كَفْ الوَصِلْ ~ وآمِدْ كَفينـي ! إذا كانْ الجِفا واجِبْ . . ( بدى ) مِنْ قلبي التقصيـر , أبيكْ الحِينْ / تِرجَعْ لِي ولا تِرجَعْ . . . تخليني ! أنا ما أقولْ اللِّي صَار فِيني . . , ما هقيته يصير لأنِّي كِنتْ , ( مِتأكِدْ ) : بأنْ البُعد ينهينـي ! |
 |
في كلامك , يستلج فيني السكات
ومن جهل طبعك يظنِّك ( مخْرِزَه ) ..!! واثق الخطوه .. وأمشي في ثبات ويوم شفتك الخطاوي [ مهَزْهِزَه ] ..! مو بـ كيفي هي كذا واللـه جات قلبي كرسي " صعب " غيرك يحْجِزَه عيشتي دونك .. يساويها .. الممات !! وإنتي عيشي .. في حياتي " معَزِّزَه " يعني قبلك .. كنت أنا , كلِّي شتات وصرت أجمعلك شتاتي .. و .. أكنِزَه ..! وشي طبيعي .. لو يغارون البنات للجمال [ أخبار ] .. وإنتي " مُوجزَه " .. ومن يشوفك .. اللِّي يتكلَّم لغات قام يخربط والـ ( إذا ) صارت ( إزَه ) ..!! والثقيل اللي يسولف في سكات من يشوفك عاش حالة / لعوَزَه ..!! ولو تبوسي إنسان له أيَّام مات قام يركض !! حَس قلبه ينْغِزَه ..! وقلبي اللي نام في عز وسبات غيرك إنتي .. ما أظن ( يفزِّزَه ) واللِّي قالوا لما جت : " الحلوه جات " جنبك إنتي ..؟ صارت أكبر [ مَطْنَزَه ] لا تغاري .. من كلام المعجبات ماني مثل اللِّي .. يحب " الرَزْرِزَه " ياما قالوا ( الحُب ) يصنع معجزات .. وإنتي [ حُبك ].. في حياتي " مُعْجِزَه " .. |
رحتْ عَنِّــي وقلبي ما كَمَّلْ كلامه
سَاعتِكْ .. ما عِندَهَا تقدير وذوق بـ السلامه .. وأدري ما فِيها سلامه مِنْ يفارقْ عينكْ ( الحِلوَه ) ويروق !! |
يا رفيقي يا مواني رحلتي , جيـدْ السمـاع
المسافـه لا تقدّرهـا ويخـون إقياسَـهَـا داخلك أدري مشاكل ضايعه بيـن الصـراع بينك وبينـك مآسـي يلعـنْ الله ساسَهَـا لكن إصبر في رزانه ولا يغـرّك الإندفـاع الفَرَجْ بالصبر يأتـي / والمدامـع واسَهَـا دنيتك كاسٍ جرعته سـمْ ودّانـي الضيـاع وما أبيك تصير مثلي وتنخدع فـي كاسَهَـا |
اخوي سلطان الهوى الله الله عليك .. ابدعت..
اسايرها تعاندني= اعاندها ولا اقوى اضحكها وانا ابكي= وهي ترسم لي البلوى دنيا دنيا= دنيا دنيا |
مـــن ذووقكــ اخــــــت القمـــر
يسلموووو على هيكــ حضوووور انـــيق أرق تحيهـ لسمـــوك الكـــريمـــــ |
إبداااااااااااااع
يامبدع أتعبتنا بهالمشاعر ووالإحساس ثاااار شوي كلمت روعه على هالإبداع شكرا سلطاااان من القلب شكرا |
جمــــــــرهـ
مـــرحبا بالحضــور الــراقي حـــروفك تنيــر الهمـــس شكــرً لكــي ســيدتي |
؟
؟ ؟ ؟ ؟ ؟ تعجبني / الكلمه .. إذا جت .. من شفاك.......وأجلس أفكر ؟! كيف أخليك .. تحكين ؟ أموت في حكــــيك.. ( أويلآآآه ) يا حكاك.......أحيان أحسك لا نطقتـي .. تغنيـن إلا على طاري الغنا ؟ غنّي .. [ اهواك ]........باغفى على صوتك .. قبل .. لا تناميـن |
http://www.up.00op.com/data/visitors...1953970474.gif
قل للعيون اللي شكت بعد الأحباب=وقل للدموع اللي من الشوق هلت وقل للشعور اللي من الهم منصاب=وقل للجروح اللي بالاحساس حلت وقل للخفوق اللي عجز عنه الأطباب=ترى المشاعر من عنا البعد " ملت " |
صــباح الهمــــــس
لكــــــــل من مـــر من هنـــا |
ليه وحدك ريف ..؟! .. وأحلامي نهر ..!!
ليه وحدك نور ..؟!! .. والباقي فتيل ..!!! ( طفلة الروح ) .. وعطائي .. ياكريمه .. سولفتني كذبة إبريل اللئيمه .. .. خوف بحر(ن) ماحضن روح السفينه .. وأفترقنا ..!!! أفترقنا .. والأمل أدري ضئيل .. والوصل : حلم الكرم عند البخيل .. أفترقنا .. وصرت أغني من غيابك .. صرت أغني : ( مو حزن .. لكن حــــــــــزين ) *2*.. وبي سؤال(ن) يبس أرياق السنين ..!! .. ليه غبتي ..؟ ليه غبتي ..؟ ليه غبتــ.. ليه غبــ.. ليه غـ.. ليه .. ليـ .. لـ .. .. .. __________ |
ياليلتـن ماهـى بليـلـة حـراسـه=يزفنـى شوقـى بهـا زف عرّيـس لملثمـه جتنـى بحـب وحمـاسـه=تمشـى بتيـه وأبّهـات الطواويـس رنّـات خلخـال وكعبهـا مـداسـه=على الثرا وفضامرى له تضاريـس هنـا علـى قلبـى بكامـل حواسـه=بلقيس تمشى بى الى عرش بلقيـس الموت خمر الموت شفّيـت كاسـه=يوم اوقفت لى بالعيـون النواعيـس ترخـى عبايتهـا وتظهـر لبـاسـه=الجنز من تكساس والشيرت من نيس ويفوح فيرساشـى ويلعـن أساسـه=عطرن يصير حصان وان شمّه التيس وانا رجل شاعـر وعنـدى فراسـه=اقرا واشوف الخافيـات المحابيـس لكـن بحلـم وفطنتـى والكيـاسـه=خبيـت عنهـا لهفتـى والاحاسيـس |
شخبار جرحي معاك وآخر طعوني ..?
عطني جديدك .. وعلِّمني عن " أفكارك " مجنون خِلقهـ وإنت .. تزوِّد جنوني ! محروق قلبي وإنت .. تزيد في نارك !! |
قلت:أنا لي سؤال؟
أعرب جملة "أحبك موت والله" ضحك وقال: ضمير منفصل من قلب خله قلت:أنا اعرابي لها عكس الكلام هي:ضمير متصل تقديره انت الكون كله |
اخـــت القمـــر
تواصل رائع وأبيات اروعه شكــرً لك |
أبتنهّد إلين ألقاك .. وأعانق روحك وأبكيك تعكّر صبري يا حبي .. وبانت بي مواريّه عجزت أكذب على نفسي .. على رجوى أنا أرجيك أردد .. آه وآهاتي .. تنّطر حزت الجيّه |
يارضوخي / يا هواني في وصالك
ولاّ تِدْخلني حروب إبلا هـواده ..! عِدّ شريط الماضي مع قلبٍ وفالـك شف تفاصيلي ودقّـق بالإعـاده..! كنت أقدّر طول بعـدك وإنشغالـك وآتنفس وحدتي لجلـك زيـاده ..! ياضميري خف ّ من كثر إرتحالـك بين أحاسيس التخـاذل والإراده..! من بداية مولديّ ..حتى..[ أنا لك] مارس إحساسك معي مبدا الإباده..! تغرس أضغاث الغثا في قلب هالـك كم تجاهلت إحتياجي وإرتعـاده ..! حتى حظي من عرف إني حلالـك أزرع الأحلام و يَقْطِفْها عنـاده ..! كل ضد ٍ شـد كلـي عنـد جالـك أشربك وأشرق مراره فيك ساده..! ياغبائك ليه تجـرح مـن عطالـك قلب سيّر لـك قوافـل إنقيـاده..! ما أتمنى غير سعـد الحـظ فالـك مات في قلبي الغلا بعلن حـداده..! لا تحنّ ولا تجـي مابـي سؤالـك كيف أرضخلك وأنا تاج الرياده ..! إنسنـي لاعـاد يطرينـي خيالـك إحترقت ومابقـى إلا هالرمـاده..! |
 |
والله شاعر ! داخلـي خافـق ٍ ذاب !
..... أدور اللي ... يستحقه ... ويغليـه ! تعبت ادور بين الاحباب .. أحبـاب .... !تعبت أنادي " ياترى وينهـم فيـه " !! الحظ عوّدني على .. قفلـة البـاب ...... !والعمر يجري بي ولااقـدر أجاريـه ! قالوا : ولايسوى الأمل حفنة تـراب ! ..... هو فيه أمل جاني وانا قلت : مابيه !؟ . |
.
. عقبك غدت كل الليالي .. حزينه .. ـــ ومافيه عقبك ... من يسد بمكـااانك .. روحي غدت للياس منّك رهينه .. ـــ وخان الزمن فيني ... وخـانك زمانك .. مثل الغريق اللي يتحرا سفينه .. ـــ ظليت انا اتحرى يجيني ...... حنانك .. شاعرك ياخلي .. تفجّر حنينه .. ــــ لاجلك وكل الليل ... يسهر .. عشانك .. ماغير اقلّب ذكريات ٍ .. دفينه .. ــــ يوم الهوى عايش ..... بدنيا جنانك .. !!! |
يامُهْرتي ياللي عن الخيل بك فرق:
إِن السحاب لْغرّتِك فـي عْيُونـي إِلْيَا بغيتي حرف نَوَّضْت لك بـرق ولا ناض برق الشوق هَلَّت مْزوني حتى القصايد فيك يَحْلاَ لها الطَّرْق مالومها لو تِحترِق شـوق دونـي |
*
* ماجيت حتى تعلمني وش هي اطباعي او تشرح ابعاد حلمن طال تفسيره جيتك من اقصاي لا غافي ولا واعي اشيل حمل الزمان بشره وخيره جيتك وكلي امل لو تفهم اوضاعي يرضيك نخسر بعضنا سبة الغيره * * |
*
* ماشكيت من الوله بين المحاني ماجزعت من الفراغ وكبر غله ماتحس انك فقدت انسان غالي ؟؟ مايمل القرب منك وماتمله كان تذكرني مع الخلوه ثواني انت في بالي تراك العمر كله * * |
وصباحكـمـ شعـر
. . .ياكيف ابهرب وابتعـد عـن .. / جهاتـك ــــــ وانتي عيونك ... / لارحلتي / جهاتـي ... هـذي عيونـي قبـل لاقـول ../ جاتـك ــــــ تبكي المسافة / والصبـح / وامنياتـي .. يالهف حال اللـي .. حيابـك ! وماتـك ! ــــــ فرقاك .. كلمة / مختصرها : .. مماتي ..! ياقـو قلبـك .. لاا .! ...... يـاقـو ذاتــك ــــــ من غاب طيفك .. والحصيلة : رفاتـي ..! رحلة حزن ../ عنونتها ../ من غلاتك .! ـــــ عادي ! لو إن البحر هادر ...... وعاتـي ... حبيبتي وإن جيـت ../ الملـم شتاتـك !؟ ــــ كذاب ..! يعني .. لملميلـي شتاتـي ..!! وشهي حياتي .. لاخلـت مـن حياتـك !؟ ــــ أطلع غبي لو قلت ../ عايش حياتـي ..!! . . . |
قلت ياناس صعبة أوصف =غلا اللي عن غلا الروح مغليه.. سعادتي لو هي دقايق بقربه =تسوى العمر كله مع كل ماضيه |
مــا أغــفـــر الــــزلـة ,, أنــا مـثــــلـك إنــــســـان ..
لــو مـــت ,, مــا حــّـرك فــراقــــك عـــنـــــادي مــــــــانــــي مــن الــي ينحـــني بالســــهولــه .. لـــي هـــامــة يخــضــع لها الــعــز ويــلـــيـن يـــنــجــــرح قــــلــب ولـــكــن تــــرتــفــع هــــــامــة .. والله إنــي أمـــــوت ولا انــحــــنــى راســـي |
| الساعة الآن 10:10 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
