|
مانقول الا الله يوفقهم ونشوفهم بالمجلس ويمثلون مطير
|
سلام عليكم كثر الكلام عن طرقي وعن المصداقيه للاسف كثره الاشاعات عنه من الحين هل احد سمع ان طرقي قال انه ماراح ينزل الطرقي له حق مثل ما الجبلان الاخرين لهم حق ارجو عدم التجريح والتقويل على عيال عمكم الى نبيه احنى تنضيم صفوفنا وارجو عدم بث الاشاعات الكل يعرف طرقي سعود وانه شخص صادق مع الجميع وشخص واضح والدليل على ذلك انظر الى الانتخابات السابقه لم يرد على الاشاعات الى بعد سقوطه وللعلم اتصلت بباللجنه وسألتهم هل طرقي وعد بعدم النزول مرى اخرى فأجابوني كلا انما هي اشاعه من ناس ضعفاء للأسف بدأت الأشاعات مرى أخرى وأرجو من الأداره عدم كتابت المواضيع عن المرشحين الا بعد الرجوع الى لجنه الجبلان وأظن ان الارقام الكل يعرفها لان هذا الكلام يؤثر جدا بالمرشح والدليل طرقي الانتخابات السابقه كانت الاشاعات سبب رئيسي بالسقووط وشكر لكم |
الله يوفق الجميع وهذا رد طرقي سعود على الاشاعات (بعد الانتخابات) السابقه واتمنا من الجميع ان يرا طرقي سعود على حقيقته وحقيقة الاشاعات وتقبلوا مرورى http://www.youtube.com/watch?v=1OLVysj3U6Q |
هذي مشكلتنا
ان طرقي سعود في كل مره يجد مبررات لمحاربته وحجج ونداء من بعض شواذ ال جبلان ومن فخوذ اخرى بعدم التصويت له والبحث عن مبررات تبرر عدم استحقاقيته للترشيح اليوم صار العذر دسم انهم تنازلو له طيب يوم تنازلو له هل التصويت جاء من الجميع؟؟؟؟؟؟؟؟ هل توجد مبررات؟؟؟؟ اذن نريد شيء من شخصية طرقي سعود التي جعلت يشن عليه كل هذا الهجوم بالادلة البراهين الرادعة حتى نقتنع بأن طرقي سعود ليس كفؤ وليس مؤهلا بدلا من التجول بالمنتديات والصراخ بأعلى الصوت بأن لانصوت لطرقي سعود لانه سبق وان تنازلو له؟ الأمر الآخر يجب ترشيح الأكفأ والأفضل وليس ابن العم القريب. ملاحظــــــــة أنا لااعرف طرقي سعود ولم التقي به في حياتي فقط اسمع فيه من خلال سمعته الطيبة . |
بيض الله وجهك يا بعيد علي كلمة الحق و العقل و المنطق
|
ياجماعه
كلنا جبلان وبأيده وحده والايد الوحده ماتصفق ولا نجح جبلي كلنا نبي نوقف معه مانبي نوقف ضده بس لو نرد ورا شوي ونسمع كلمة طرقي سعود لمه قال السنه هذي لي وسنه الجايه لواحد غيري وجربت حضي وسقطت وموجوده لا الحين تصوير وباليوتوب لنه سالم القريني عطاها سنه الي طافت لطرقي المفروض طرقي يعطي الفرصه لغيره وكلنا عيال عم وبأسم واحد بأسم الجبلان وياليت يا الجبلان تبعدون عنكم الحسد ونميمه ترا والله مالها داعي بين العيال عم خلكم مثل الفخوذ الباقيه وقفتهم وحده والتزام بينهم وحميه رجال عن الف رجال فايليت يا جماعه اثالثه واقفه ونبي نشوف جبلي بمجلس الامه ونفرح فيه |
بسم الله الرحمن الرحيم
اخذو الكلام الي يجمد علي الشارب طرقي سعود قال اذا الجبلان يبون يزكون واحد فانا معهم ومزكيه قبلهم وااوقف معاه بس الوضع تغير الجبلان اللحين يبون يسوون تشاوريه ويطلعون اثنين مو وااحد وثق وامن لو ان الجبلان يبون يزكون لاتلقي طرقي امزكيه قبل لايزكونه افهم ياجماعه التصوير الي باليوتيوب طرقي قاله لانه يحسبهم راح يزكون واحد المره الجايه بس اللحين الوضع تغير رااح يطلعون الجبلان اثنين مو وااحد وراح يسوون تشاوريه مو تزكيه فا من حق طرقي انه ينزل والمفروض منا ان نوقف معاه قال تعالي ((اذا جاءكم فاسقون بنبا فتبينو ان تصيبو قوما بجهاله فتصبحو علي مافعلتم نادمين)) |
ياطرقي يابن سعود مافيك ميلات
انت الذي بالطيب تلبس حلاهــــا |
الله يهدي الجميع و أتركوا الامور اللي تفرق ما تجمع
المفروض و المفروض دامها تشاورية ماهي لواحد دون غيره فللجميع حق الدخول فيها و النهاية الجميع مع اللي يخرج منها سواء واحد او أكثر و بعدها اكتبوا لين تطيب خطركم أما هذا التناحر لمصلحة من ثم ليش المستهدف فقط واحد دون سواه رجاء حار يا اخوان من محب للجميع أتركوا هالنقاشات اللي تزعل و تزرع الحقد بين أبناء العمومة و تفرح بنا من يكرهوننا و ربما تكون هالضغينة و الزعل و الكره هي حصيلتنا الوحيدة بالانتخابات أرجوا أن لا يتحسس الجميع مما ذكر و لكن و الله أشفاقا علي وحدة الجبلان و تكاتفهم و اسمهم يعني ماشاء الله كل ما أدخل منتدي أنتخابي قبلي أو سياسي كويتي إلا و ألقي هالمسلسل المكسيكي السامج و اللي مليناه ثم اننا يا أخوان مكبورين هناك لجنة و هناك كبار سن حكماء بالجبلان سيكون لهم دور مهم لحسم مثل هذه الأمور فلنترك لهؤلاء الوقت ليعملوا ما هو لصالح الجميع كما برز دور ابو بدر و اللجنة في الانتخابات السابقة تحياتي للجميع |
ياحلو كلمتك يابن جريان فعلا ليش الهجوم على رجل واحد والمستهدف شخص واحد رغم ان اللي مرشحين انفسهم اكثرمن واحد
تدرورن ليش؟؟؟؟؟؟؟؟؟؟ هذا اكبر دليل ان اللي صاير اراء عامه صائبه يتفق عليها العاقل والمجنون تقول بالخط العريض من كرر نفسه على حساب بني عمه عسى الله يسااااااااامحه |
| الساعة الآن 10:53 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
