أقفيت عني وأقفت الـروح ويـاك=هـذا هـو الواقـع ولاتسألـونـي
وش هي حياتـي ياحياتـي بليـاك=يكفيني إن الناس فيـك احسدونـي
ماهمنـي هــذا ولاهمـنـي ذاك=عطيتني قلبك وهـم وش عطونـي
ماتدري إني أشربك وارجع أظمـاك=ومن الظما يبس الورق في غصوني
لولاك أنا ماصغت الأشعـار لـولاك=لولاك شعري ماأعتبرتـه جنونـي
اسمع لشعري داخل الصدر نـاداك=رفعت صوتي والبشـر يسمعونـي
علم(ن)يجيـك وياصلـك ويتعـداك=إن رحت وإلا جيت تسكن عيونـي
إن غبت عني في عيونـي أبلقـاك=وإن غبت أنا داخل عيونك لقونـي
بالحالتين يعني أنا اعشقك وأهواك=وأبعشـقـك إلينـهـم يدفنـونـي

ياللي سكنت أجمل زوايا كياني=.ياماعلى نفسي لجلك تحاملت
مرات.. أحس انك معي شخص ثاني=ومره.. أحس انك حبيبي ولازلت
عشان عشرتنا الطويله وعشاني=حاول تشيل من الوفا ربع ماشلت

لاضاقت الدنيا علي قلت وينك..؟=ياللي تسلي وحشتي كل ماضيق
ان كان إنعقد حبل الوصل في يمينك=من يسقي الضامي وهو ناشف الريق
عذرك معك وإن شنت الشين مايشينك=وإن زنت فإنت الزين من دون تعليق

روحي شربـت مـن حزنهـا ماكفاهـا=.حدّ الثمالة شاربه حـزن.... الأزمـان
حتـى الهمـوم تقـول بأنّـي ضنـاهـا=..تضّمني وتحكي عليّ كـان ....ماكـان
أنـا أنــا قـصـة ألــم محتـواهـا=..شاعر على كتاب الحزن صار عنـوان
أنـا أنــا وجــه اللّـيـال وشقـاهـا=..لا والله إلاّ الحزن في صورة....إنسان
هـذا أنـا شمعـة حـزن مـن وفـاهـا=..شويّـه شويّـه تحتـرق دون دخّــان

أتعبت قلبي من جفاك وتغليك=وتاهت بي الشرهه ولا أحد ذكرها
المشكله قلبي حلف مايخليك=ومدري متى ظروفك توقف ضررها
قلبي وعقلي والمشاعر تباريك=وروحي هوت روحك وحبك سحرها
الذنب ذنب الحب ماهو خطا فيك =هذا خطا نفسي وهذا قدرها

اسألك بالله وش مـعـنى الـصـمـود =لاغـدى (ماي البحر) جـمر بيدي
واسألك بالله وش مـعـنى الـصدود =لاغـدى مـوتي يـساوي مـولـدي

ياسعود لاتشكي من الهـم والضيـق=إفٌرَح وخلّ االضيـق ياسعـود ليّـه
شفت الهموم اللي تجـي للمخاليـق=البارحـة هــمٌ المخالـيـق فـيّـه
ياسعـود همّـي يجتـوّل بالمعاليـق=لاراح منّـي هـم وصّـى خـويّـه
أغيب أنا ياسعـود ساعـات وأفيـق=أصبحـت لهمـوم اللّيالـي ضِحيّـه
لازاد همّي جبت بعـض الطواريـق=جرّيت أنـا المسحـوب والسامريّـه
شاعـر ومالـي بالسعـاده توافيـق=دايـم حظوظـي بالسعـاده رديّــه

أدري انك صرت ضمن المستحيل=بس قلبي رغم بعدك مانساك
وأدري اني منك ضيعت الدليل=والسبب لاشك هو كثر غلاك
وأدري اني من سبب بعدك عليل=الله واكبر صار حبي لك هلاك
وادري اني ممكن القى لك بديل=بس وين الي يساويك بحلاك

كيف أصبروأتصبرفي غياب أغلى الحبايب=وكيف أداري دمعتي وحسرةالروح وقهرها
آه يانفسي وياجرحي ويادنيا الغرايب=جمعتي لي سحاب الهم لين أغرقني مطرها
ياحبيبي ياحياتي يابعد كل القرايب=لاتخليني وترحل ياعيوني ويانظرها

خذني جريح شعور يعشق وصالك=ينزف جروح العشق وايامه شهود
خذني غريق أحلام عانق خيالك=يرجي سحاب ايديك والشوق موجود
خذني بقايا إنسان كلي حلالك=وأسكن عروق القلب والعشق موجود

على كيفك تذكرني على كيفك تناساني=و انا طاريك ولا في يوم في قلبي تناسيته
زرعتك وردتن حمرا تزين كل بستاني=دفنت القلب في تربة مشاعرنا وخليته

مهما تصداعشقك .. واهواك .. واغليك=ماهمني رفضك ولاابغى ردودك
كيفك اذا بتحن في حال هاويك=وكيفك اذا تبغاني اعاني صدودك
تصد تبعد تبيع شاريك شاريك=اصلا حياتي بس مجرد وجودك

إن كان هواك ضيع خطاه....=والا نشف فيك الشعور...
حول هموم قلبك شموع..=وارجع وطير ويا الطيور...
طبع الحياة حزن وفرح..=وطبع الورود شوك وزهور..

يمرالليل في وقتي وشوقي كسرالاضلاع=وعيني ساهره تبكي وكل الناس هجاعه
الاياشوقي السامرتطوع وارسل الاوجاع=الامن هو برمش العين ساكن الحاله
انا مليت من فرقا حبايب ذكرهم ماضاع=وشوفتهم بتشفي قلب ضامي زادة اوجاعه

كنت سالي بس قلبي انتفض كيانه =قلت ياقلبي علامك قمت تلعب في كياني
قالي قلبي أتذكرت حبيبك هذا مكانه =كان يجرحني بلطفه وكان يغمرني بحنانه
احبه وما صار لي غير ذكرى حبه =وأدعي كل يوم ربي لا يطول غيابه

اعذريني ماوصفتك بالعمر=العمر وان طال نعرف منتهاه
واعذريني ماوصفتك بالقمر=القمر له يوم يفقد به ضياه
واعذريني ماوصفتك بالزهر=الزهر له يوم يفقد به شذاه
انتي أكبر من حروفي والشعر=انتي وصف مالقيته بالحياه