يــاطريق الشوق والحظ الكسيـر=هـاك علمـي والمفــارق ماينام
بيـن فكري وبين هاجوسي اسير=حيرتي يـــا نــاس مافيها ملام
ولي ما اهتنــا بالشوق والحب الكبير=عيشـته في ذا الزمن والله حــرام

أشوف الزين ما يسأل=ولا كني على باله !!
ولا كنه تذكرني =وتذكر ماضي أيامي
أشوف دروبه أقفت به =ولا أدري وش هي أحواله
أقول أحيان في نفسي=أنا مالي وهو ماله ؟!!
وأقول أحيان لا والله =حبيبي وقبلة أحلامي

ما يتوب القلب عنك لو يذوب=ياعجيب الحسن عشقي لك عجيب
لو نهو روحي عنك ما تتوب=إنت غيرك ما بهالدنيا حبيب
كل عمري من شروقه للغروب=فدوة لك من شبابه للمشيب
كان حبك عيب مرحبا بالعيوب =ليت نفسي من عيوبك ما تطيب

صاحبك مشتاق لك احساس وشعور=واحتياجي لك شي مو باختياري
في غياب الشمس وش ذنب الزهور=والمطر لا شح وش ذنب الصحاري
اللقى لحظات والغيبة شهور=تقصر الخطوات ويطول انتظاري

دقت نغمة رسالة وقلت يالله عسى خير=وأنا ثلاث أيام محد ذكرني
فتحتها بلهفة ، من الفرح بطير=وأقول : ياااي الله من افتكرني"
أثره الجوال يرسل فواتير=هو الوحيد اللي أبد ما هجرني

يا مرحبا ترحيب ينشر فالاخبـار=ترحيب من عضو تحرك شعوره
يامرحبا ترحيب يكتب بالانـوار=والنور عمـ المنتدى مع حظـوره
اسمك مثل برق يبشر بالامطـار=والقلب بوجودك تزايد سـروره
الطيب بين الناس ماهو بمنكور=واللي يزور الناس لازم تـزوره
هذا محلك وابتدى معك مشـوار=على الوفا والطيب تكتب سطوره
من الفرح رحبت بك نثر واشعار=يامرحبا باللي يشرف حظـوره

لا تحاول بالهوى تظهر غلاك=انطوى حب جمعنا وانتهيت.....!

كان هالدنيا خذت مني وجودك=بتتعب الدنيا لجل تاخذ غلاك

ياقوافي الشعر يا أبيات القصيد =خبري مظنون عيني وش جرى
خبريه إني أهوجس به وحيد =بلوعتي في غربتي محدن درا
خبريه إن كان عن عيني بعيد=غير زوله في خيالي ما طرى
خبريه إني على وصله أكيد=لين جسمي يندفن تحت الثرى

دورت لك بين الرسايل رسالة =تليق في حضرة جنابك وتسوى
لا اخترت بيت رحت أدور بداله=واشطب على هالبيت وأدور أقوى
وأقول أصلا" ما تساوي الرسالة=جيتك بكبري بس عساني أسوى؟!!

تذكرتك وهاج الشعر يالغافي بوجداني=ذكرتك يابعد هالدار حاظرها وغايبها
زهت خيل القوافي سرجها والفكر ميداني=وبنات الفكر زانت لي وفلت لي ذوايبها
ذكرتك ما نسيتك يوم تعشقني وتنساني=ذكرتك يوم كلٍٍ بالوفا تذكر حبايبها

يالوعة المشتاق تصفق كفوفه =لين التفت ماشاف بالدار غاليه
كن العيون بكل شين محذوفه=والقلب كن جموح الايام ترميه

كيف احبك بعد غدرك من جديد =إنت حبك مات في قلبي أكيد
سهم غدرك صابني بوسط الوريد =وتركت النار تسعر بقلبي وتقيد
قبر حبك اندفن وغطاه الجليد=وقع غدرك كان على قلبي شديد
لازم ترحلي عني وعن قلبي بعيد=مستحيل الماضي يرجع ما يفيد
كم مرة رجيتك وقلبك الظالم عنيد=والحين بعدك وفراقك عندي عيد

بالهون ضمه يالطيف الهبوبي=لاتزعج عيون شكت طول الاهداب
تلقاه واقف بين هاك الدروبي=في هضبة ياما تناجا بها أحبــــــاب

نفسي اقول:اني حزين اني سجين =~ لكل ذكرى لك معي ~
وابغي اقول:اني أنا أشكي العنا=~ وأقول للذكرى ارجعي ~
وارجع أقول:ليت الهوى يجمع سوى=~ أهل القلوب اللي تعي ~
ونسيت أقول:من الفراق الصدر ضاق =~ والعين هلّت مدمعي ~

راح الحبيب وصار شوفه محالي=ومن بعد وصله بقضي الوقت شلـــون
اشكي عليك الحال مماجرالي=انت الحـبيــب اللي صفى لي به الكـون

(((خلك معا الويتنج)))و سلملي عليها..=الله يسهل دروبك وتنساني
و المعاذير تكفى لاتطريها..=خذ رسايلك عطها لواحد ثاني
الرسايل بليااااااااا نفس...=ماابيهـــــــــــا,,,!!!

نفسي مثل باقي الاجواد طماعه =أبي أجدد على الفرحه لياليها
لاشك الايام للفرحات مناعه = لو نورت ليلة عشرين تطفيها

أنا لا شفتك بضيقة =أحس أني أنا الغلطان..
أعاتب نفسي بنفسي= ولو ما كنت أنا الجاني..
"طلبتك كان لي خاطر"=تبعد عنك الأحزان..
فديت عيونك الحلوة =تبسم لو على شاني..
تصدق بسمتك والله..= تفرح خاطري الولهان..

نشى غيظي..سحاب..اسود..في موسم الدخان=ترزم وامطر بجمر..غدى له بالحشا صالي
غضبت ومادريت ان الغضب..ياصاحبي انسان=وسيم ..مثل ..سلة سيف...وقلبه اسود بالي

حاولت احط لغيبتك عدة اسباب=مستبعده منها (غرور)و(تجافي)
طول غيابك واصبح القلب منصاب=مدري علامك امرك اليوم خافي
من عادتك(ت ش ت ا ق) والشوق غلا ب=الله حسيبك طول البعد كـــــافـــــي

همّي وهوجاسي وحبي وغيرتي =للي بوسط القلب ناصبٍ بيارقه
وعوّدت للمطلاع حزينٍ ملتجي =والقلب مّني طارق الهم طارقه

هذا أنت و الا حمرت الشمس واليم =ريح المطر والا نسايم حنينك

ألا ياطفل لاتكبر= ..كذا أجمل كذا أطهر
كذا لاهم يتراكم =كذا لاضغط لاسكر ..
ترى أكبر كذبه عشناها..=»يالله متى نكبر«
احلم قد ماتقدر ..واذا خفت !=خب أحلامك بدفتر ..
ترى الأيام سراقه ..=والأحلام .. تتبخر !!

عــزفــت لك الحـــان الافـــراح بالناي=وأصــرخ وصوتــي صار في مسمعك همس
يامعذبي وان قلـــت في موعدك جاي= انا نسيت اذكـــرك مع مولـــد الشمس