تدري وش احلى شيء في عمر الانسان؟=لاصار مـن كـل المخاليـق محبـوب

مطعون؟ عاااادي ،، جفا الأقراب؟ داويته =تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتـه =مقرود؟ خِلقه ،، وإذا حرمـان؟ عدانـي
مـا فـاح هـمّ ٍ لـك الله مـا تقهويتـه =ما مرّ حـزن ٍ بغيـري مـا تبلاّنـي!
ياما ويامـا مـن الخـذلان .. عديتـه =إلا بصاحبْ .. بعد عِشـره تناسانـي!!
أزريـت لأنسـى غيابـه ليـن ناديتـه =والمـوت لامـن تجاهلنـي وجافـانـي
وينه يجينـي .. وكـل عْتـاب كنّيتـه =ياليت يدري بعـد فرقـاه وش جانـي!!
من كنت طفل ٍ وانا أرجـاه فـي بيتـه =شيّبت.. واثره علـى هالحـال خلانـي
[ياويل..ويلي] وانا لـي قلـب ٍ أشقيتـه =لا صار مجني عليه.. وصمتي الجانـي
ياقلب صبرك .. تشوف الحال؟ حسيته؟ =ماكان أفضل من اللـي كـان بإمكانـي
لو بيّ قـوه علـى الهجـران؟ خليتـه =لو بـيّ ذره مـن النكـران؟ يفداااانـي
الجرح أرحم .. إذا يرجع مـن أغليتـه =مجروح؟ فِدوه .. ولكن صعب وحدانـي