الحزن .. ماهو شـي عـادي وعابـر=به حزن يكبر يـوم ذكـرى مـروره
حتـى الحـزن مستوطنـن بالمحـابـر=بين القصيـد وبيـن باقـي سطـوره
[[عمره سنه والكل .. عارف .. وخابر=سيطر على نبض الخفوق .. وشعوره]]
يالدمع .. ماقـدر فـي فراقـه أكابـر=أبكي .. ويبكيه القصيـد .. وبحـوره
عقبه غدى هالوقت.. والكـون غابـر=وأسدل ظلامه .. عقب ضيّه .. ونوره

يستفز الصمـت بيبـان الكـلام=يستفز الشـوق غيبـات وجفـا
لاتقول شلـون ودعنـي ونـام=قلبك اللـي ممتلـي كلـه وفـا
عاش في دنيـاه وبحالـة سـلام=مكتفي مـن هـالاوادم وإكتفـا
وأنت من عقب المفارق والخصـام=ماعلى لسانك سوى كلمـة أفـا
ويش جابك وأنت قايل قبل عـام=الغـلا جمـره تلاشـى وإنطفـا
وقلت لك لو رحت من بين الزحام=لاتجي وتقـول جـوي ماصفـا
ياسقـى الله ياسواليـف الغـرام=عن عذاب البرد كنتي لـي دفـا
عَلَّمي منهو بغى مسـك الختـام=الغلا والشـوق ولّـى وإختفـا

اليوم ماتنفع دموعه ورجـواي=اليوم تفصل عن حياتـي حياتـه
اليـوم يعطينـي بقايـا بقايـاي=وأعطيه أنا ماشلت من ذكرياتـه
اليوم بابـدّل مشاعـر حنايـاي=يصبح من أخواني وأنا من خواته
اليوم يتركنـي لحالـي بدنيـاي=مجبور يقفـي لويزيـد التفاتـه
اليوم يخلف عن مماشيه ممشاي=والله ماضمن من عذابه نجاتـه
لو أتعلق فيـه ماينفـع بكـاي=خلاص فات الوقت وأعلن فواته
اليوم بعطيه العزا عقب فرقـاي=عندي خبر وش قيمتي في حياته
وانا العزا مابيه من كبر بلـواي=ماينفع اللي عاش وأعلن وفاته
يارحمة الله ساعديهم بسلـواي=يعوضـه الله بانكسـار امنياتـه
اليوم ياهمي وياطـول مسـراي=ويافرحة العذال وأهل الشماتـه

يارحمة الله ساعديهم بسلـواي =يعوضـه الله بانكسـار امنياتـه
اليوم ياهمي وياطـول مسـراي =ويافرحة العذال وأهل الشماتـه