|
الـــمــرجــلـــــه
السلام عليكم ورحمة الله وبركاته قصيدة اعجبتني .. اتمنى ان تنال على اعجابكم قصيده جيده تستاهل الواحد يعطيها من وقته شوي عنوانها : المرجله إذا المراجل لبسة شماغ وعقال قل للعذارى يلبسنّ العمايم ما عاد يفرق زول حرمه ورجال دام الفعايل تشبه البعض دايم المرجله ما هيب كلمه وتنقال وتروح ما راحت هبوب النسايم وإلا خشونة صوت أو رفع الأثقال أو رزة صدور وفعل الزلايم ولا هي بعد مفتاح موتر وجوال وإلا ردى لسانن حديثه شتايم المرجله شيمه عن القيل والقال رفيع نفس (ن ) حر بالجو حايم المرجله عقلٍ وزن وزنه جبال ودون العقل وش فرقنا والبهايم يا مسندي لو مايل الوقت بي مال يا ولد أبويه يا عظيم العزايم يا معرب الجدين من العم والخال يا نخوة المفزوع وقت الهزايم المرجله يا خوي هي طولة البال هي العزم هي الصبر فالظلايم فيها الكرم عزه دله وفنجال فيها الكرامه عن ردى الطبع شايم والدين لامنه خذا القلب منزال مشى طريق الحق وابليس نايم ومن لا عرف ربه في طيب الحال لابد وقت الضيق بالهم هايم حتى صلاتك مع جماعات ورجال في خيرها يا خوي نعم الغنايم ولامن نصف ليلك قم صفي البال يا عظم أجرك بين ساجد وقايم ولا من رفع ربي له كل الأعمال حسن الذكر لا قالو فلان صايم وخلك شريف القصد يا طيب الفال سوء المقاصد فالبيوت الهدايم واحذر تبيع النفس في دب الأنذال وتتبع خوي إبليس راع النمايم النفس خيل لك إذا كنت خيّال ومن لا قوى نفسه قوته الهزايم ولا صرت ما تدري لو يش أنت رجال والله خسارة فيك ذبح التمايم اتمنى تكون مو مكرره وتنال اعجابكم تحيااااااااااااااااااااتي |
واحذر تبيع النفس في دب الأنذال
وتتبع خوي إبليس راع النمايم صح لسسسسسسسسانج ولاهنتي |
عــــذب المشاعــــــــر يسلمووووووووووو خيوووووووو ع المروووووووووووور وصح بدنك |
ولا صرت ما تدري لو يش أنت رجال
والله خسارة فيك ذبح التمايم فزولهاا جميل مااخترتيه اختي صح لساان شااعرهاا وذووقك دمتي بهالجمال |
لا صرت ما تدري لو يش أنت رجال
والله خسارة فيك ذبح التمايم هالله الله الله الله :) شكرا ً الف ! |
الله الله
صح السـآنج يالغلأ جد روعه ايدعتي ماننحرم من اختيـآرـآتك .. |
شكرا على الابداع في النقل |
صح لساان الشاعر.....
وهو صاج....... يعطيك العافية .... لاهنتي |
المرجله شيمه عن القيل والقال رفيع نفس (ن ) حر بالجو حايم المرجله عقلٍ وزن وزنه جبال ودون العقل وش فرقنا والبهايم آنــــشــــهد :) صح ذوقج واختيآآرج لاهنتي يالغلا لاعدمنآآج تحيآتي.. آخت القمر |
صح لسان شاعرها وتسلم يمين ناقلتها
يعطيج العافيه حبوبه على هيك نقل |
| الساعة الآن 02:17 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
