|
دقت علي العصر في تالي الليل
حــتــى وردنـي تالـي الـليـل جــوال
وانا على شاهي وبسكـوت ديمـة الرقم بايخ لكـن الــصــوت قــتـال كنــه مثل صـوت المذيعـة حليمـة قــالت مساء الخير يـا طيّـب الفـال قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال واجـبـك يا بنت الأصـول الكريمـة وردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال مــن فجعتي كنـي مسـوي جريمـة قلت ارفعي صوتك ترى مابه ارسال كـــذاب لــكـنّ المصيبـة عظيمـة قالت أقول اسمع ترى هرجنـا طـال مــمكـن تصاحبنـي ترانـي وسيمـة واسمي الحقيقي أول حروفـه الـدال لــكـــن يسمّونـي البنـات الزعيمـة صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا( لعب جهّـال ) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفــقـــر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والــديـن بـالآلاف والبنـك شغّـال يــاكـل فـلـوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـــــم شــي إن النوايـا سليـمـة لابــد تـفـهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة يا بـنــت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقتفى عرضها بيد الأنـذال والله مــا يــبـقـى لهـا أي قيـمـة قالت تبي ولاّ فـ خـلّك علـى جـال مهوب ناقصـني نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حــتـى يـعـلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة |
اللــــه اللــــه ؛؛؛
قصيـده في قمـة الروعـه .. لاعدمنــا نقلك المميـز يـآذووق .. تقبل مروري :) |
وارسل علي الحين خمسميـة ريـال
أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة <<< ههههههه طلعت نواياها بعيد الهقاوي ابدعت في طرحك الجميل صح لسان شاعرها ولا هنت عالنقل طبت وطاب منقولك لك مني ودي وحسن ردي بنت مطير |
يا لعنبو اللي مـا يسطّـرك بنعـال
حــتـى يـعـلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة خوووش اسلوووووب عليهاا :) يعطيك العااااافيه اخوي على هالأبيااات الجميله لك شكري وجل تقديري اختك : بنت شيوخ |
الله الله عليك يابعيد
ابداع روعه جمال قمه حلوه اتجنن ألخ ألخ ألخ دائما مبدع في طرحك تقبل مروري |
ختييييييييرـآ بالمرـآ إأعجبتني ..
عوـآفي يـ ذووق .. لأإعدمنـآ روووعة اختيـآرـآتك .. |
اقتباس:
المشاركة الأصلية كتبت بواسطة خفـوق الشـوق http://www.aljblan.com/vb/gitexteam-...s/viewpost.gif اللــــه اللــــه ؛؛؛ قصيـده في قمـة الروعـه .. لاعدمنــا نقلك المميـز يـآذووق .. تقبل مروري :) شكرا على مرورك ياخفوق الشووووووووووق |
( تفو ) عليك وصكّت الخط في الحال
مدري ( تفو ) هي مدح ولاّ شتيمـة ^ _ ^ صراحه قصيده غريبه بس تحكي وااقع وتنتقد ظااهره ابدع شاعرهااا بتسلسل الابيااااات وعيشنااا القصه لين صكه التلفوون بوجهه شكرااا اخووي بعيد |
إوب يا دلال .. عليها اسلوب
لاهنت قصيده توضح لنا مدا لعب [ ؟ ] شكرا لك |
اقتباس:
المشاركة الأصلية كتبت بواسطة بنت مطير http://www.aljblan.net/vb/images/sty...s/viewpost.gif وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة <<< ههههههه طلعت نواياها بعيد الهقاوي ابدعت في طرحك الجميل صح لسان شاعرها ولا هنت عالنقل طبت وطاب منقولك لك مني ودي وحسن ردي بنت مطير بنت مطير مشكورة على هذا المرورر الراائع. |
| الساعة الآن 12:44 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
