|
خلف المشعان يسب الكويت !!!!
مشكلة شاعر المليون أنه يسلط الضوء بشدة على البارزين فيه وذلك سلاح ذو حدين
فإما أن يحترق الشاعر من شدة الأضواء أو يتوهج بما أعطاه الله من موهبة وذلك مما يجعل الناس تدقق وتمحص في قصائد الشاعر وتستعرض ماضية وجميع تجريته الشعرية وقد وجدت هذه القصيدة لخلف التي يتعدى فيها على الشعب الكويتي ويؤيد فيها الغزو العراقي على الكويت وهي مستغربة من شاعر سعودي بارز وتحتاج لتوضيح عاجل !! يقول فيها : ماكنت ابكتب لين شفت التلاويص// خثرت وكثرت للحصاني فرصها والنيص عاد وعودت عادة النيص// واهل البرص قام يتفصخ برصها حاولت اعممها وجت نص تخصيص// وقلت اخبصها يوم ما نع خبصها ودام الغراب اصبح رفيق القوانيص// واخيبتك ياللى ترجي قنصها ينبح سلوقينا وراى كبري خريص// وتجاوب جراو الكويت بهصصها بلاش افلص للمخاليق تفليص// خل العلوم الخافيات بقفصها قل قيس وما فادهم ردها قيس// هم نقص خلقه كيف لو تنتقصه ا لا يخدعك شوف الشوارب معاليص// مبدا رجلهم رقصته لا رقصها كل البلا من قوم سوق المقاصيص// مالوم ابو عداي يومه هقصها وللاستماع لها صوتيا http://file5.9q9q.net/Download/33392...-----.amr.html اتمنى كل واحد يقول رايه وشنو الهدف من هذي القصيده ؟؟؟ |
والله مدري وش سالفته . .
بس انا ملاحظ ان اقوى المتنافسين على البيرق ناصر وخلف عليهم هجوم . . لا هنت يا صافي على النقل وفالك البيرق . . ^_^ |
ههههههههههههههههههههه
انا والله كنت معجب فيه قبل بس ليش يسب خلق الله ؟؟؟ يعني لانه بدون وماعطوه جنسيه ؟؟؟ نترك الراي لباقي الاعضاء ولا انت يالصدقي |
لا يخدعك شوف الشوارب معاليص// مبدا رجلهم رقصته لا رقصها
المعنى في بطن الشاعر اخ صافي وخلف المشعان من الشعراء المنافسين الاقوياء بشاعر المليون وانا اعتقد ان الشاعر يقصد من ابياته هو التحذير من بعض الرجاجيل وان ليس كل من له شارب له افعال الرجاجيل يعطيك العافيه اخ صافي الاحساس والى الامام دائما تقبل مروري المتواضع اختك ملاك الجبلان |
الله يعافيج نورتي الصفحه بتواجدج
بس القصيده واضحه وخصوصا هالبيت ينبح سلوقينا وراى كبري خريص// وتجاوب جراو الكويت بهصصها بلاش افلص للمخاليق تفليص// خل العلوم الخافيات بقفصها والبيت الاخير بعد اعماها بالمره |
اخي
صافي الاحساس لاهنت وبيض الله وجهك ولا نقول الا كل اناء ينضح بما فية ولا يجلى لطريق السب الا شخص صغير و ..... يبحث عن الشهرة وتسليط الضوء علية ............. ومني ك تحياتي لا يشاهد شارع المليون ما عندة قنوات عربية |
ووجهك ياسلطان
ونورت الصفحه بتواجدك فيها وتقدر تشوف حلقات شاعر المليون في موقع يوتيوب او في مواقع القصيد المتنوعه ترى اغلب مواقع القصيد تنقل الحلقه من ثاني يوم وشكرا .... |
عودة
لاهنت اخوي صافي الاحساس على المعلومات واريح يحمل يبي يشوف وتقبل مروري وسلامي |
أنا أستغرب كيف حذفت مشاركتي وهي أول رد على موضوعك أخوي صافي الإحساس.
هالشاعر لو عنده وطنيه كان موقفه مع بلده السعوديه لمّا دخلت القوات العراقيه الخفجي ..فما هي غريبه يتطاول على الكويتيين والكويت |
اااافااااا عاد كلش ولا الاهانات :mad: ... المصيبه لا جت من ورع .. يالله العفو والعافيه ...
المثل يقول امشي بالصفوف وكل معروف و رجال الكويت رجال وافعولهم سابقه صيتهم كلام السفهاء ابد ماراح ينقص من قدرهم و صدقني الكلام هذا جاي من شخص حاقد و سبب الحقد لانه بدون يا حرام... مسكين ... او يمكن انه ناقص ... ترى انا ما اشوف شاعر المليون وكان عندي نيه اشوفه بس ما دام هو فيه اترفع عن هالاشكال .... و بالاخير اشكر لك موقفك اخوي صافي و الكلام اللي قلته انا نتيجة غضب واستغراب لان الكويت والسعوديه واحد ... و قبل لا انهي و النعم في كل البلدان الخليجيه وفي رجالها .. وبكلامي اللي ذكرته ما اقصد اي تنقيص في اي بلد واعتقد لكل بلد رجالها و عيب على الشخص انه يشوف عيوب الناس وما يشوف عيوبه ... تقبل مروري ودمت بخير ... |
| الساعة الآن 04:19 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
