واعزتي للي حياته تكاسيف=يصبر على الدنيا وشاف العجايب
حكم القدر واقع ولافيه تحريف=مقسوم له بالوقت هم ومصايب
تبلاه بقعا في كثير الصواديف=واصبح شبيه الريش وسط الهبايب
ولظلم عليه الليل ليله تحاسيف=وتغارق عيونه بليا سبايب
يذكر حبيبن رحلته باول الصيف=من روحته قفا وللحين غايب
ويجر صوته فوق عالي المشاريف=ويشكي لخلق الله فراق الحبايب
اصبح شبيه اللي بتر ساقه السيف=وقت الطلب ماهو من القوم هايب
رجل(ن) شجاع ويكرم اللي لفا ضيف=وان كانها شانت يفك النشايب
والحين به ربعه تسوي المعاريف=وكلن يقول وش عرضك لطلايب
حالي كما حاله وانا اقول يامنيف= حذراك من ناسن تعد الكذايب

ولظلم عليه الليـل ليلـه تحاسيـف = وتغـارق عيونـه بليـا سبـايـب
يذكر حبيبن رحلته بـاول الصيـف = من روحتـه قفـا وللحيـن غايـب