|
قصيدة الشاعر / حشر بن جزاع بن لامي في والدته أثناء معاناتها من المرض رحمها الله
قصيدة الشاعر / حشر بن جزاع بن لامي في والدته أثناء معاناتها من المرض رحمها الله
قالوا علامك شاين(ن) يابن جزاع=يا كيف أنا بزين وأمي مريضة أمي أقابلها ليا طلعت شعاع= شعاع فجر الصبح ليا جاء وميضة أمي ليا ونت أنا قلبي أرتاع= يرتاع قلبي في حشاي بنهيضة لعل عين تقبل النوم تنزاع = تنزاع عينه من سواد المبيضة يمه تراني عبدك اليوم مطواع=أسوق كل المال لأمي الحفيضة أنتي الرسول وصى على مثلك يطاع= طاعتك ما تقصر تراها فريضة والله لوندبل لك الصاع بصواع= ما ألحق جزا ليلة ضميتي بقيضة يا رب يا شافي صعيبات الأوجاع= أمي مريضة والشفا منك عيضة يومها عفية والتهجد بالأهجاع=تسجد وتركع تبي جنة عريضة دايم تهلل والتسبح مع أركاع=وتناجي المولى بصوت(ن) خفيضة دايم أحني الراس وأمشي بالاخضاع= وحدر مواطيها جنان(ن) بفيضة وليا دخلت أمشي على روس الأصباع=أخاف أكدر نومها أمشي بريضة وسلامتكم |
صح لساان ابو بدر
الله يرحمهاا ويرحم امواات المسلمين يعطيك العافيه يالنداوي على النقل الاكثر من رائع |
صح السان ابوبدر
والله يرحم ام دليبح ويبيحها ويحللهاا ويسكنها فسيح جنااته ومشكور النداوي على النقل الرائع |
القعيمي
ولد الجبلان أشكركم على المرور الجميل والله يرحم جميع أموات المسلمين |
وليا دخلت أمشي على روس الأصباعأخاف أكدر نومها أمشـي بريضـة
بيض الله وجهك . . لاهنت علي نقلك لنا للقصيده . . . والله يرحمها ويسكنها فسيح جناتهاا لاخلا ولاعدم |
صح لسانك يا أبو بدر................
والله يرحم جميع المسلمين.............. وهذه قصيدة عن الأم: القلب يحزن والمدامـع غزيـره في جوفي ناراً من لهبها تباكيـت والدارظلما كانـت أمـي تنيـره يايمه وينك من دونك خلا البيـت قلبي تفطرعلـى الفرقاءالمريـره أمنـت بالله وباأقـداره ترضيـت الموت حقٍ وكلـن لـه مصيـره وبموت النبي قبلك يايمه تعزيـت هذاجلالك وريحـك فـي عبيـره كل يوم أشمـه ولاشفتـه تغنيـت صوتـك يايمـه يامحـلا أثيـره حنانـك يمـه يخلينـي تدفـيـت يايمـه منهوأجيلـه وأستشـيـره يعدلني لاشفت الصواب وتلحيـت يايمـه كلـن يناظرنـي بحيـره من يوم رحتي وأنا اللي ماتواسيت ياكم اتعلم مـن معانـي غزيـره يامنهـل التعليـم منـك تربيـت كم قصةٍ قلتي وللماضـي نسيـره ولاجيت عندك بسواليفك تسليـت اااه يايمـه لنظراتـي الإخـيـره مليت كفـي ترابـاً ثـم حتيـت أبشـري يمـه بدعـواةٍ كثـيـره كل ماذكرتك وللرحمـن صليـت |
تقبلوا خالص تحياتي
أخوكمالسلام عليكم ورحمة الله وبركاته «®°·.¸.•°°·.¸¸.•°°·.¸.•°®»صح السان ابو بدر والله يرحم ام دليبح«®°·.¸.•°°·.¸¸.•°°·.¸.•°®» |
صــح اللسان أبــوبــدر وتسلم النداوووي على النقل وتسلم يمينك |
الله يرحمها ويرحم كل اموات المسلمين
|
صح السان شاعرهاا
ويعطيك العافيه اخوى النداوى على النقل |
عساك علي القوه اخوي
وصح السان ابوبدر وتسلملي يمناك وشكرا |
وليا دخلت أمشي على روس الأصباع -أخاف أكدر نومها أمشـي بريضـة
ماشاء للله على بره لوالدته اسأل الله ان يجازيه الجنه على مافعل وان يرحم امه ويسكنها فسيح جناته -اسجل اعجابي بهذه القصيده وصح الله السان بوبدروسلم يمناك اخوي في نقلهااااا |
صح لسانك ولسان القائل
والله يرحم والدة ابو بدر ويدخلها فسيح جناته ويعطيك الف عافيه وبيض الله وجهك |
صح السان@ابو بدر@ والله يرحم اموات المسلمين اجمعين@ عزالله انه بار بالوالدين@ ومشكور على النقل
|
مشكور على الموضوع الجميل
ولاهنت اخوي النداوي |
اخي الكريم
قصيده جزله تسلم يمينك وصح لسان شاعرهااا تقبل مروري اختك/ الجبلـــــيه |
يارب ترحم والده حشر بن جزاع وجميع امهات المسلمين وتكتبنا من البارين بالوالدين :
|
الله يرحمها ويرحم أموات المسلمين
صح لسان الشاعر حشر بن لامي ولاهنت ياعبد الله على النقل |
| الساعة الآن 06:53 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
