|
انواع الحـــــــــــــــــــب
حبٍ يشيّب صاحبه ما بعـد شاب /////// وحبٍ يشيب وصاحبه في شبابه
وحبٍ يغيب وصاحبه ما بعـد غاب /////// وحبٍ يدوم وصاحبه في غيابه وحب يذوّب خافقٍ ما بعد ذاب /////// وحبٍ يداوي صاحبه من عذابه وحبٍ يتوّب خافقٍ ما بعـد تاب /////// وحبٍ يزيدك رغبةٍ في الكتابه وحبٍ حياته كلّها لوم وعتاب /////// وحبٍ حقيقي ما يضرّك عتابه وحبٍ بلا معنى وحبٍ بلا اسباب /////// يبدا غريب وينتهي في غرابه وحبٍ ضعيفٍ مثل حبرٍ على كتاب /////// تمحيه دمعه في ثواني كآبه وحبٍ قويٍ مثل قصرٍ له ابواب /////// لو هبّ عاتي الريح ما اهتز بابه وحبٍ بداية رحلته نظرة اعجاب /////// واخر مطافه مثل يومٍ بدا به وحبٍ يعيش بداخل قلوب الاحباب /////// وحبٍ يشيع وكل حَيٍ درى به وحبٍ مقامه في ضلوع الصدر طاب ////// وحبٍ يعدّي مثل مرّ السحابه وحبٍ على قبره نعق بوم وغراب ////// وحبٍ تغنّى به لحون الربابه وحبٍ بمقدارٍ وحبٍ بلا حساب /////// وحبٍ بمعروفٍ وحبٍ نهابه وحبٍ يعيش أهله وسط داره اغراب /////// ويموت قهر ويندفن في ترابه وحبٍ غدا سرّه سوالف للاجناب /////// وحبٍ يموت وصاحبه ما حكى به وحبٍ يشيب وصاحبه ما بعـد شاب ////// وحبٍ يشيب صاحبه في شبابه |
صح لسان شاعرها
ولا هنت على النقل خيوو |
مشكوره اختي عذاري
على الحضور الجميل ويعطيك العافيه |
حبٍ يشيّب صاحبه ما بعـد شاب /////// وحبٍ يشيب وصاحبه في شبابه
وحبٍ يغيب وصاحبه ما بعـد غاب /////// وحبٍ يدوم وصاحبه في غيابه وحب يذوّب خافقٍ ما بعد ذاب /////// وحبٍ يداوي صاحبه من عذابه وحبٍ يتوّب خافقٍ ما بعـد تاب /////// وحبٍ يزيدك رغبةٍ في الكتابه وحبٍ حياته كلّها لوم وعتاب /////// وحبٍ حقيقي ما يضرّك عتابه وحبٍ بلا معنى وحبٍ بلا اسباب /////// يبدا غريب وينتهي في غرابه وحبٍ ضعيفٍ مثل حبرٍ على كتاب /////// تمحيه دمعه في ثواني كآبه وحبٍ قويٍ مثل قصرٍ له ابواب /////// لو هبّ عاتي الريح ما اهتز بابه وحبٍ بداية رحلته نظرة اعجاب /////// واخر مطافه مثل يومٍ بدا به وحبٍ يعيش بداخل قلوب الاحباب /////// وحبٍ يشيع وكل حَيٍ درى به وحبٍ مقامه في ضلوع الصدر طاب ////// وحبٍ يعدّي مثل مرّ السحابه وحبٍ على قبره نعق بوم وغراب ////// وحبٍ تغنّى به لحون الربابه وحبٍ بمقدارٍ وحبٍ بلا حساب /////// وحبٍ بمعروفٍ وحبٍ نهابه وحبٍ يعيش أهله وسط داره اغراب /////// ويموت قهر ويندفن في ترابه وحبٍ غدا سرّه سوالف للاجناب /////// وحبٍ يموت وصاحبه ما حكى به وحبٍ يشيب وصاحبه ما بعـد شاب ////// وحبٍ يشيب صاحبه في شبابه صح ألسانك يا عزيزي سعود777 وصراحة أعجبتني الأبيات كلها ويعطيك العافيه وتقبل مروري أخوك:المستشار:e: |
مشكور على الحضور
اخوي المستشار واللي تبيه سوه حلالك تعدل تضيف حتى لو تبي تحذف بعد ويعطيك العافيه |
لاخلا ولاعدم يالغالي
لاكن حبيت اشارك فيها في قسم الاسلامي وشوفها ان شاء الله هناك ولاهنت ويعطيك العافية اخوك /المستشار:e: |
لا يرد الا لسانك
تامر امر الغالي اذا تبي شي لا تشاور سعود ولي مشاركه انا بالقسم الاسلامي بعنوان ياصاحبي مر عليها |
الله يطول لي عمرك يالغالي
ولازم نشاورك (العين ما تعلى على الحاجب) بس العين ماتشوف من دونها وأنا ألحين رايح أشوفها وتقبل تحياتي اخوك\ المستشار |
يعطيك العافية اخوي سعود على النقل الرااائع
احاول انتقي من الأبيات بيت ولكن كل بيت اجمل من البيت الآخر دمت كما تحب اخي سعوووووووود وسلمت يمناك على النقل |
هلا وغلا اخوي المستشار
مره ثانيه ويعطيك العافيه |
مشكوره اختي بنت مطير
الاجمل مرورك ويعطيك العافيه |
| الساعة الآن 08:17 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
