|
اهداء للجبـــــــــــــــــــلان ....
السلام عليكم ورحمة الله وبركاته اخواني واخواتي افراد قبيلة الجبلان يشرفني ان اهدي لكم هذه الابيات المتواضعه واتمنى ان تنال على اعجابكم وانتم تستاهلون اكثر.. هي ليست قصيده ولكنها مجرد ابيات تعبر عن حبي لكم فأ انا لست من قبيلتكم ولكني افتخر انني من قبيلة مطير الي تنتمون لها ..
سلام مني على الجبلان= ساس الطويلات وركونه تاريخهم في ماضي الازمان = كل القبايل يعرفونه للضيف ريف وللعدو شجعان = عدوهم في الحرب ياهونه اهل القنا والقب والأكوان = فعلاً جميع الناس يطرونه اليا حدرو سيلاً على وديان = واليا رقو الحر يدنونه من لامني في حبهم غلطان = عسى المقاريد يبلونه وصلاة ربي عدد مابان = نور القمر والي يشوفونه على رسول الحق والايمان = الي جميع الخلق يفدونه وسلامتكم اخوكم عبدالله الخثل |
صح السانك قصيده جميله
شكرا لك وانت واحد منا وفينا وانا اخوك والساعة المباركه طال عمرك |
أخونا عبدالله الخثل
الله يحييك ابرك السعات انضمامك لنا ونشكرك على اهداءك هذه الأبيات الأكثر من جميله. والتي تعبر عن طيب اصلك ومعدنك . ومن عنا الينا وجب حبه علينا. سعيدين بانضمامك وبنضمام جميع الوجيه الطيبه شرواك. |
صح الله السانك وصح قوافيك لاهنت يالطيب
قصيده رائعه من روعتك ويستاهلون الجبلان بس فضول مني طال عمرك من اي مطير انت؟ |
صح لسانك يالخثل
ويشرفنا انضمامك للمنتدى وانت منا وفينا ومااعليـــــــــــــــــك زود |
صح لسانك ياعبدالله الخثل
وعز الله انك كفيت ووفيت والله ونعم في الجبلان ويستاهلون بني عمنا منا وفينا ويستاهلونالثناء الله يبيض وجهك |
مرحبا اخوي بعيد الهقاوي بيض الله وجهك على هالكلام الطيب وانا الي سعيد بوجودي بينكم وشرواك الطيب وانا اخوك تقبل تقديري واحترامي |
اختي دمعة ناقه صح بدنك والروعه مرورك يا الغاليه معليش انا الي بكون فضولي شوي وبسئلك ليش اخترتي هالنك نيم ؟؟؟ :) |
اخوي فلاح صح بدنك وانت الأجمل فعلآ انا بين اهلي وربعي وشرابة الهوا يستاهلون الي اطيب من القصيد وانتو القصيده الي صعب نكتبها تشرفت بمرورك |
صح لسانك وبوحك وقوافيك أخي عبدالله
قصيده جزله بجزالة صاحبها, ونعم فيك وبربعنا اللي أنت منهم, مشكور على الأهداء ويعطيك الف عافيه. |
اخوي راعي الوضحا صح بدنك شرفني مرورك |
صـــح لسانك ولاهنت ياشوووق البنت |
ياهلا بعاشق المستحيل صح بدنك و وجهك ابيض انت والله الي كفيت و وفيت لاهنت يا الغالي |
مرحبا بأخوي فهد صح بدنك الجزله انت منبعها والدليل هالأسلوب الراقي ماعليك زود ولاهنت على مرورك يابعدي |
والله يالغالي مدري وش اسمك لكن هقوتي انه مرمر صح بدنك بس نفسي اعرف من هي البنت الي انا شوقها ؟؟ :) لأني بصراحه ماقد صرت شوق لبنت البنات مايدانون شوفي هههههه امزح طبعآ نورت يالغالي |
صح لسانك مليووون .. يالخثل وما قصرت
ومدحك للجبلان هذا يدل على طيب اصلك لا هنت على القصيدة الاكثر من روعه .. بالفعل قصيدة جزلة واكرر شكري واعجابي بأبياتك الجميله ... تقبل مروري ودمت بود ... |
ياهلا بأخت القمر صح بدنك مشكوره اختي على الأطراء |
أخووي العزيز
عبدالله الخثل نحن نفتخر فيك كما تفتخر فينا وأنت أخ وولد عم تسلم يمينك على الأبيات الجميله تقبل مروري المتواضع أخوك جزاع بن كويعب الجبلي |
ههههههههههههههههه
بصراحه نكي استنباط من قصيدة نجاح المساعيد يوم قالت انا مثل الخلوج الي رياح البو رققها ماتدري انه غدى ميت وجلده بالحشا لاوي من اهنيــــــــه جت فكرة دمعة ناقه ودمعة ناقة غالية وماتنزلها الا على شي غالي |
صح السانك اخوي عبدالله قصيده جزله من جزل حياك الله بين بني عمك |
يامرحبا بأخوي جزاع كلام طيب من وجه طيب وانا افتخر فيكم ويعلم الله اني احبكم يا الجبلان لأن علومكم وعلوم شيخكم صاهود بن لامي تطلق الوجه لاهنت على مرورك العطر |
استنباط جيد هههههه الله لاينزل لك دمعه قولي آمين |
صح لسانك يالخثل ويشرفنا انضمامك للمنتدى لك تقديري |
اليا حدرو سيلاً على وديان
واليا رقـو الحـر يدنونـه صح لسانك وقصيده جزله مثل راعيها ............ تقبل مروري : علي الحصينــــــــــــــــــــــــــــــــــــــــــــ ي ~ ................ |
عبدالله الخثـل,,
صـح لسـآنـك علـي القصـيـده ,,, بيـض الله وٍجهـك,,, وٍحيآك الله بين رٍبعك وٍعيآل عمـك,,, |
| الساعة الآن 09:52 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
