ضيقة عصير
 

ضيقة عصير

هذه الابيات رائعة من روائع
محمد بن حمد بن فطيس المري .... وهي ابيات تشعر بحال قائلها عندما تسمعها .. نعم لا تملك الا ان تشعر بحالته .. وهي قمة في تجسيد المعاناة وخلجات النفس .. اعتبرها لوحه فنية رائعه وراقيه .
اهديها للجميع ..

الضيقه اللي دايم تالـي عصيـر ..... وش حيلتـي واردهـا لاتجينـي
لاطال ظل الفي حزة عشا الطيـر ..... كنها على سجن الحديد تحدينـي
يضيق صدري كل ما جات واسير ..... ولا يخفف سوج رجلـي حنينـي
والعبرة اللي تاصل الحلق واتحير ..... ياقربها لوقيـل لـي ياعوينـي
لاحولنا مشراف ولا اقدر اطيـر ..... يالله قسمـة خيـر لاتبتليـنـي

تقبلوا تحياتي
الدكتور

كم هوو رائع حمد بن فطيس المري وكم هوا شاعر بكل معنى الكلمه---- اختصر كل المعانات بهذه القصيده الرائعه------ انا بقولك يالدكتور قصيده وابي رايك فيهااا---الدمع عندي يطلع من القلب--ماهوب دمعن مثل هالناس بالعين-ولو قلت اببكي اعرف اني ماكذب- لاتقول لي وشلون والدمع ذا وين-احس مخلوقه عشان اتعذب-حتى البكى عندي مضيع عنواين--------------------------------------------------وصح الله لسان وقوافي حمد المري وسلميت يمين ناقلهاااا----0تقبل مروري 0

مرورك دائما رائع ........ وعطر " ويهمني"

دمعه .. هل الشعر اللي قلتيه لج ؟!
ان كان لج فانت شاعره بكل تأكيد .. يالله شدي حيلج واكتبي فيني قصيده :) مدح طبعا

لج كل التقدير على طلاتك الرائعه

تقبلي تحياتي
الدكتور

اقتباس: لاحولنا مشراف ولا اقدر اطيـر ..... يالله قسمـة خيـر لاتبتليـنـي

:a: رائع جدا يا "الدكتــــــــــور":a:

اهنيك على هذا الاختيار الموفق:e:

بالفعل .... حمد بن فطيس شاعر رائع ومبدع بكل ما تحمله الكلمه من معنى:)

ابيات رائعه :e:

وفقك الله

الدكتور هذي الابيات لي ------------- بس تراني مو شاعره على قولتهم شويعره----------------ونت تستاهل معلقه ههههههههه وقصيدتي اول مره اكتبها <حصريا في منتدى الجبلان> ويستاهلون---------اتمنى انها عجبتكم هذي تعتبر محاوله مني بس--------------0 ودمت بود 0

آسف على التأخير في الرد يا الجبلية

تسلمين على المرور

والله دائما مشغول والعشرة ايام اللي فاتت والله بالعافية احصللي وقت واجلس على النت ... السموحه على التأخير مره أخرى

لا خلا ولا عدم يا بنت عمي

ولا تحرمينا من مرورك يالغالية

تقبلي تحياتي

الدكتور

دمعة

تستاهلين الطيب .. وما عليج زود


لا انتي شاعرة ولستي شويعره ... الى الامام

ويشرف منتدى الجبلان هالنص الحصري منك


....... انا ادري اني تأخرت بالرد ..........

السموحه والله هالايام مشغول جدا بالامتحانات والواجبات والاشغال اللي ما تخلص


تسلمين يا دمعه على المشاعر الطيبه ....... ونبي منك محاولات شعرية جديدة

تقبلي تحياتي

الدكتور

الدكتور. . .

ممبروك فوز محمد ابن فطيس يستاهل والله . . .

وقصيده جزله

<- سامعها علي صوت ربابه ^_^

لاهنت علي نقل القصيده

مرحبا يا سعود

اسعدتني بمرورك

اي والله ابن فطيس يستاهل

تقبل تحياتي

مشكووووره يا جوود

وتسلمين