|
تـسـابــيــح الــمــطــر
السلام عليكم
حبيت ان اضع اول قصيده في المنتدى وان شاء الله اجد منكم النقد وابداء الاراء
توها افـراحي لفتني بس يا حيـف القـدر=ما رضى الا اتذوق من كؤوسـه الف آه يوم شافك صرت عندي ضي عيني والنظر=قام يسعى بالسبايب كن افـراحي شقاه كـن ما في حد غيري يبتليه بها البشر=والشقا كنه توثق بإسمـي انا يا عـزاه ما اعتـرض على اقـدار ربي لو سقاني العمر مـر=امنت بالله ربي ما لي احـدا سـواه ان تبلانـي بحياتي طال عمري او قصـر=او تلطـّف في عـذابي شاكرا ربـي عطـاه لا تلومـون المشاعـر شاعـر بجرحـه شعـر=ايتعلل بالقصايد كلما جـرحن شكـاه وان لجمة الشعـر ساعه غصـب على اشفاهي ظهـر=وان نشرته ياعـذابي قالوا الناس اشبـلاه ما يهـم مثلي كلامن مواجهن او فـظّهـر=ما يهمني غير بعـدك يا جـرح قلبي ودواه اه يا من خانه وقتـه في وسـط دربه وغـدر=ما تهنى بالسعاده ولا التصبر قـد شفـاه يا ذعاذيـع الجنوبي يا ترانيم السهـر=كيف يسلى قلب حبـك وانت فالدنيا رجـاه انت شمـسن في نهاري وان بـدى ليلي قمـر=كيف اسلى يا حياتي وانت لي اغلى حياه دونك ايامي محيله يا تسابيح المطـر=انت لي احلى قصيده واحلى ما قيل بشفاه كل شين هان بعدك يا شعاشيع العصـر=وين القى مثل قلبك قلب اصفـى مالصفاه ما يعوضني ياعشقي غيرك في البشر=ولو لقيت اللي يعـوض حـد غيرك ما ابـاه استعيـض الله فيكـم ويا هنا من بك ظفـر=كلها الدنيا حـواها كلها الدنيا معـاه هذه اخباري وهـذا تصريف القـدر=احمـد الله على التصبر وذكـرك مع كـل آه ووسلامتكم واعتذر عن الخربطه الي حصلت |
نمر بن جبلان
حياك الله اخوي ولاهنت صح السانك وجزلة من جزل ننتظر جديد فلا تحرمنا ............ من ابداعك وياليت التنسيق يدوي لوجود عطل ....... تقديري وتحياتي اخوكــــــــــــــــ سلطان الجبلي |
صح السانك قصيده ممتازه في المعاني ولاكن يوجد هناك كسر في القصيده مثل
كن ما فـي حـد غيـري يبتليـه بهـا البشـر+ والشقا كنـه توثـق بإسمـي انـا يـا عـزاه وغيرها من بيوت ولاكن لايمنع ان تستمر في طريقك الشعري وانا واثق من ان لك مستقبل شعري قوي وانا اراهن عليك لان الابيات الي بالقصيده لا يكتبها شاعر مبتدى تقبل نقدي البناء ومروري / فلاح الحصيني |
صح لسانك يانمر وعساك تطلع اطيب من نمر بن عدوان دامك من الجبلان :)
اوافق كلام أخي فلاح |
صح ابدانكم جميعا واشكركم على مروركم
وبالنسبه لأخوي فلاح تعليقه .. وغيرها من بيوت ولاكن لايمنع ان تستمر في طريقك الشعري وانا واثق من ان لك مستقبل شعري قوي وانا اراهن عليك لان الابيات الي بالقصيده لا يكتبها شاعر مبتدى وجهة نظر احترمها وبالنسبه للتعليق ياليت توضح لي البيوت الباقيه لان كلامك يقول انك مو شاعر مبتدى وبأول كلامك تقول لك مستقبل شعري؟ اتمنى التوضيح بالكسر وارد واقولك وجهة نظر وانا احترمها والله |
نمر ابن جبلان
صح السانك ولاهنت واتمنا لك التطور تقبل مروري وخالص تحياتي// |
ما اعترض على اقدار ربي لو سقاني العمر مـر...امنـت بالله ربـي مـا لـي احــدا ســواه
ان تبلانـي بحياتـي طـال عمـري او قصـر...او تلطّف فـي عذابـي شاكـرا ربـي عطـاه الله درك يا اخوي نمر ............. وصح لسانك مليون انت شمسن في نهاري وان بـدى ليلـي قمـر...كيف اسلى يا حياتي وانـت لـي اغلـى حيـاه دونـك ايامـي محيلـه يـا تسابيـح المـطـر...انت لي احلى قصيده واحلـى مـا قيـل بشفـاه ابداع وفي غاية الروعه نمر بن جبلان ... سلمت الايادي ودمت بحفظ الرحمن |
اخوي نمر انا اقول انك شاعر مبتدى بس غير الشعار المبتدئين لان فيه معاني جميله في القصيده يعجز عنها بعض الشعار الذين لهم باع طويل بالشعر !!! هذا قصدي
- اما عن القصيده فا انا اشوف فيها كسور واجد ولاكن اتمنى من اخواني الشعار التعقيب عليها وذلك لارضائك واقتناعك بأن القصيده يوجد بها اكثر من كسر ؟ وشكراً |
محمد الحصيني // صح بدنك ولا انت طال عمرك
قوتشي // صح بدنج ومن قال فلاح // اشكرك على التعليق واشكرك على الانتقاد |
قصيده جميله بجمال مشاعر شاعرها الرائع .
|
صح لسانك وماقصرت على هالقصيده وأتمنى لك التوفيق والتقدم لك تقديري |
السنافيه ،، كل الشكر على المرور والتعقيب
بن مسلم .. صح بدنك واشكر مرورك |
| الساعة الآن 10:30 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
