|
رفعت كفي ماقدرت ارفع الصوت !!]
رفعت كفي .. ماقدرت ارفـع الصـوت
لـو كـان فالخاطـر .. كـلام ٍ كتمتـه لحظـه وداع / وكنهـا سكـرة المـوت ضاع الطريق .. اللي مـن اول رسمتـه ضاع الطريق وصرت في الدرب مبهوت مدري وش اللي فاتنـي مـا اغتنمتـه ! العمر مرّ .. وراح مـع فايـت الفـوت صحيح ضعت .. وضاع حلـم ٍ حلمتـه الا انت ياللي قربـك لروحـي القـوت لو غبت / يبقى وسمـك اللـي وسمتـه يبقى كما نقش ٍ على الصخـر منحـوت حفظتـه .. بشكلـه ولونـه وسمـتّـه مهما الفـراق اوجـاع والبعـد ممقـوت اصبح مصير ٍ من غـلاك / احترمتـه دمع النصر لو طاح من ( عين جالوت ) ( عين العقل ) دمـع ٍ تكنّـه / حشمتـه ذخرت لك يافرحـة العمـر .. تابـوت فيـه الغـرام اللـي بديتـه / ختمـتـه يبقى الغصن لو مابقى فالغصـن تـوت تحـرك انسـام الذعاذيـع .. صمـتـه سكّت .. وانـا مـن موادعـك مكبـوت شـي ٍ تجاهلتـه .. وشـي ٍ فهمـتـه ! حبل الرجاء من جـور الايـام مفلـوت ياليـت قلبـي عـن غرامـك عصمتـه ياما .. بنيت بيـوت وبيـوت وبيـوت اليوم .. كـم بيـت ٍ بنيتـه .. هدمتـه وسلامتــكم |
صح لسانك
والله يعطيك العافيـــــــــــــــــه على القصيده بانتظار جديدك تحياتي لك |
الحر النداوي
بيض الله وجهك عالنقل الرائع وانا عجبني هالبيتين لحظـه وداع / وكنهـا سكـرة المـوت ضاع الطريق .. اللي مـن اول رسمتـه ضاع الطريق وصرت في الدرب مبهوت مدري وش اللي فاتنـي مـا اغتنمتـه ! طاب منقولك وفي انتظار جديدك الرائع تقبل تحياتي الملعبي |
الامبراطوره
الـمـلـعـبــي شكرا على مروركم وتقبلوو تحياتي |
صح إختيارك قصيده رائعه ,, على إنها حزينه :( يعطيك العافيه |
سلمت يمينك ياذوق ياراقي.
اختياراتك ولاأروع. كل الشكر لك اخوي العزيز. |
ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه الله واكبـــــــــــــــــر على المعاني وعلى القصيده بشكل عــــــــــــــام تسلم اخوي / الحــــــر النـــــداوي امتعتنا وستمتعنا بالقصايد الجزله التي وضعتها بين ايدي اعضاء منتدى الجبلان شكراً تقبل مروري / فـــــلاح الــــحـــصــــيــــنــــي ،،،،،، |
بيض الله
وجهك اخوي لا هنت على الاختيار الجميل تحياتي وتقديري لك |
حر النداوي ..
صح اختيارك .. وصح لسان شاعرها تقبلي مروري .. هشام الظويفري |
صح لساانك والله يعطيك العافيه على القصيده
|
روووعه
صح السآن قايلهاا وتسسسسلم يمنآك ابدعت .. ربي يعطيك العافيه |
يعطيكم العافيه للجميع وشكرا لكم على هذا المرور المتواصل
اخوكم// الحر النداوي |
| الساعة الآن 07:30 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
