|
(سالفه وقصيدة)
السلام عليكم ورحمة الله وبركاته . . . . سالفه وقصيده : . . . . يقولون والسالفه على ذمة الراوي... كان في اثنين في السجن محكوم عليهم مؤبد وكلهم في زنزانه وحده , وفي يوم من الايام ... وهم في الزنزانه , قال : واحدهم لثاني وش تمنى من الدنيا قال : اتمنى اني اطلع من السجن وعندي ملايين واهاجر للغرب ( يقصد امريكا ) وافتك من العرب.. واشوف الحريه على اصولها.. سكت السائل ولم يرد عليه... فقال اللي يتمنى انه يهاجر ومعه ملايين... وانت ماذا تتمنى ؟ فقال : اللي اتمناه راح تعرفه من القصيده اللي بقولها.. فقــــــــــــال...... . . . . . . . . . ابي اتمنى عنـدي الفيـن مليـون وبيت مسوبـع راكـزه بالحمـادي وابي شقاق البيـت حريـر ويكـون مخيوط في سلك الذهب خيط عـادي والفيـن دلـه والاباريـق مليـون وبالليل ما يطري عليـك الرقـادي وخمسة بنـوز مجهـزات بتليفـون والاجهـزة دايـم عليهـا تـنـادي وخمسين جمس فوق خمسين صالون من الحفيز وكـل ابوهـن جـدادي والفين خلفه والحرس مـا ينامـون واربع رعايا وضح شـيء وكـادي واربع عيالٍٍ لأدمس الليل يمشووون علي أحمر الكبوت وقـت البـرادي وابي اتمنى سخيف العنـق مزيـون اللي عليه دمـوع عينـي عـوادي وابي اسد الدين عـن كـل مديـون واصبر على الشدات صبر المهـادي ( طبعا فرق كبير بين امنية كل واحد فيهم ) . . . . . . . . . . تحياتي للجميع : . . . بدر ابو عجرى |
ياسلام على هالاماني
ومانيل المطالب بالتمني***ولكن تؤخذ الدنيا غلابا اقول يالغالي بيض الله وجهك000على هالسالفه والعلوم الطيبه00وزانت علومك ياأباعجرى المحب بن معرقب |
الله يعطيك العافيه
وعساك علي القوه وشكرا لك |
هههههههههههههه
يقول شاعرنا ميخائيل ولد نعيمه رحمة الله عليه نتمنى وفي التمني شقاء ونناادي ياليت كانو وكنا غير اني وان كرهت التمني اتمنى لو انني لا اتمنى <<<< حافظتها من كنت باول ثانوي الله يذكرج بالخير يا ابلة صفاء طلعت القصيده من عيونا ياكثر ماتمنينا ولاحصلنا لاحتي ولافتي ولابدها بالصيف تشتي ههههههههههه بس القصيده حلوه يا ابا عجرى على قولة بن معرقب وصح الله السان الشاعر وطبت وطاب منقولك وامتعنا بمثل هذي القصص الي معاها قصيده |
يا سلام عليك
ومشكور على القصه والقصيده تحياتي |
يعطيكـ العافيهـ يابدر عالقصه والقصيده
الثاني شكله راعي طرب يدور الوضح :) وحلالاه تحصل الامنيه بسـ شاكر لكـ على هالقصه الجميله &%&%&%&%&%&%& |
بن معرقب مشكور وبيض الله وجهك مرورك اسعدني تحياتي |
دمعة ناقه ما شاء الله عليج لها الحين حافظة الابيات لا وحتى اسم الابله ههههههههههههههه اجل لاحتي ولا فتي ولابدها بالصيف تشتي هههههههههههههههههههههههههههههههههههههه والله مت من الضحك دمعه الله يسعدك في الدنيا والاخره مرورك وتعليقك اسعدني شاكرلج |
امير الذوق الله لا يهينك يا اخي العزيز على المرور المشرف شاكرلك |
راعي الوضحا
يا مرحبا فيك يا الذيب عز الله انه تمنى وان كان عندك شي من الوضح تراه يدور وضح هههههههههههه الله لا يهينك على مرورك المميز شاكرلك |
تــــــــرى يمدحون المجاهيـــــم :)
<<<<< ملقوفه هالبنت يمال الصلاح |
ياسلام عليك يابوعجري
والله امتعتنا بموضوعك سالفه حلوه وقصيده طيبه بيض الله وجهك وجعل والدينك بالجنه تقبل تحياتي الملعبي |
الملعبي ووالديك انشا الله يا القرم مرورك اسعدني والله لا يهينك شاكرلك |
وهذا بيت لي . .
لو " التمني " فاد منهو " تمنا " ما كان تلقى بين الاحباب فرقا !! بدر .. الله لا يهينك على القصه والقصيده . . شكراً لك وشكراً لعطائك . . استمر !! |
ماشاءالله
سلمت يمينك يابدر على نقلك لهذه القصة, بس ماشاءالله عليهم محكوم عليهم مؤبد وعندهم طموح يتمنون جنات, هههههههههههههههههههه ياخوك انا وانا ماني مسجون ماعمري تمنيت ولاحتى قرنبع جيب حوض حتى مافيه لوحات. عموما سلمت يمينك, والله اني اشتاق لكتاباتك يابدر. وعلى فكرة لاتنسى توصل سلامي لفصووولي. |
الله يجزاك خير يا بدر على القصه و القصيده أطربتنا ... وأسمحلي أطلب منك طلب أبي في الحلقه القادمه قصه ابن عباااااد اللي في الشام ........ :) تقبل مروري
|
| الساعة الآن 06:05 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
