|
قصيدة شاب فقير خطب بنت عمه المليونير
شاب فقير خطب بنت عمه المليونير وزود عمه طلباته عليه فقال القصيده: منقول سبحان من يرزق بتوع الملاييـن------------ ------ ------------ ------ الرازق اللي ما يخيب الرجـا بـه لي عم عنده معـرضٍ للصواليـن------------ ------- ------------ -------أموت واعرف بس من وين جابـه وإذا سألته قـال بعـت الدكاكيـن------------ -------- ------------ ------ما يدري إني ما هضمت الإجابـه الشاهد إني رحت له قبـل يوميـن ------------ ------- ------------ ---------في قصره العامـر ودقيـت بابـه قال ارحب ارحب عدّ ورد البساتين ------------ ---- ------------ ---------يا مرحبا باللـي لفـا يـا هلابـه قلت البقا عـدّ النفـل والرياحيـن------------ -------- ------------ -----يا شيخ شمل اهل الكرم والذرابـه قال اسلم الله يحفظك لي من العين ------------ ----- ------------ -----وآمر أوامر حضرتـك مستجابـه قلت الصراحة طالبٍ قرب غاليـن------------ ------ ------------ -------ودي تزوجنـي كريمتـك يـابـه ثنّى وقال اهليـن والله وسهليـن ------------ ------- ------------ ----والكون ترخص لجل عينك رقابـه لكن ترا عندي شـروط وقوانيـن------------ ------ ------------ ----قلت اشرط اشرط يا حبيب الغلابـه قال أولاً مهر العروسـة ثمانيـن------------ ------ ------------ ----غير الرسوم وغير حق العصابـه والثانية عمك يبي منـك سبعيـن------------ ------ ------------ ------رسم الأبـوّة والنسـب والقرابـه وام العروسة حقها منـك ستيـن ------------ ------ ------------ -----عشانها ست الحسـن والمهابـه واخوانها كلن يبي منـك خمسيـن------------ ----- ------------ ------عداً ونقـداً تنـدرج فـي حسابـه وخواتها الخمس اعطهن من ثلاثين------------ -- ------------ -----عشان تتوثـق عـروق النسابـه وتجيب طقم عيار واحد وعشريـن ------------ --- ------------ ---وخاتم من الماس المصفى ترابـه واكياس متروسة كعوب وفساتيـن------------ --- ------------ -----ألوانهـا واشكالهـا مـا تشابـه وموتر بسواقـه وفيـلا بدوريـن ------------ ------ ------------ ------أثاثهـا مـن بطرتـه ينحكـابـه واحجز لنا قاعة بقصر السلاطيـن------------ --- ------------ ---واحجز بهـا رقاصتيـن وربابـه وامنع دخول اهل اللحى والبزارين------------ -- ------------ ----واعزم أميـر المنطقـة بالنيابـه هذي الشروط اللي على بالي الحين------------ -- ------------ ---وذكرني اللي ما حسبنـا حسابـه قلت اذكر الله يا عـدو المساكيـن------------ ---- ------------ ------واستغفـره لا يبتلـيـك بعـذابـه الظاهر إنك منت عارف أنا ميـن ------------ ----- ------------ ----أنا لو ارقا فـوق متـن السحابـه ما جبت حتى نص درزن مواعيـن------------ ---- ------------ --واضحك بكيفك واعتبرهـا دعابـه شروطكم هذي شـروط المجانيـن------------ ----- ------------ ---شروطكم شغـل ابتـزاز ونهابـه شروطكم تقصم ظهـور البعاريـن------------ ----- ------------ -----شروطكـم همّـن وغـم وكآبـه شروطكم والله سيوف وسكاكيـن------------ ---- ------------ --تذبح بنات المجتمع مـع شبابـه وين الرضا والعطف واليسر واللين------------ -- ------------ ----اللي ذكرهـا الله بمحكـم كتابـه وين الصفات اللي أمرنا بها الديـن ------------ --- ------------ وين اختفى نهج النبي والصحابـه يا عم جعل اللي خلقنا من الطيـن------------ ---- ------------ ----يرد عقلك مـن خطـاه لصوابـه ويجعل نصيبي عند غيرك قل آمين------------ --- ------------ويحسن عزا الصابر ويجزل ثوابه قال انت لو فكرت تفكير صاحيـن ------------ ---- ------------ -ما شفت في مجمل شروطي غرابه حنا بعصـر العولمـة والمزاييـن ------------ ------ ------------ ماهوب عصر الفلسفة والخطابـه الناس تسعى للرتـب والنياشيـن------------ ----- ------------ ---وانت اهتمامك بالشعـر والكتابـه والشعر ما ينفعك لو هو دواويـن ------------ --- ------------ ----ما دام جيبك مثـل بيـت الخرابـه يا بوك لا تسمع كلام المصاخيـن------------ --- ------------واسأل مجرب عاش في وسط غابه قلت الله اكبر يا محـرر فلسطيـن ------------ ----- ------------ --من يسمعك يحسبك ذيـب الذيابـه تراك شايب راس مالـك رياليـن ------------ ----- ------------ - والبنت ما تسوى جنـاح الذبابـه قال انقلع مالت على وجهك الشين------------ --- ------------ ----لا عاد اشوفـك عندنـا يالزلابـه قلت ابشر ابشر لكن الباب من وين------------ --- ------------ -واقفيت من عنده على صوت بابـه |
اشــهد انهــا طلــبااات تعجــــيزيه .. هذا هو عمه بعد اجـل لو مايقـربله.. شنو بـيطلب...؟؟!!
صــح لســان الشــاعر قصيـدتـه من الـقلب ولاهنــت يابدر على المــوضـوع ونقل القـصيده |
هذا شكل مايبي ولد أخوه قال أبي اعطيه شروط تعجزه
صح لسان شاعرها مليون وتسلم يمينك يابدر تقبل مروري أخوك هشام الظويفري |
|
صـــــــووووح لـــــــــسان الـــــــشاعر انــا اشــــــهد انهاا مــــن طالعــــه
ربــــــي يعـــــــافــــيك ع الــــــطرح الجمــــــيل خــــيوو |
فهد التوم ولا انت يالغالي مشكور على التواجد يا فهد شكراً لك تحياتي |
هشام الظويفري ههههههههه عز الله صدقت اللي يحط هالشروط اظن ماله نيه يعطيه مرحبا يا هشام لما نكتب وحياك الله يا الغالي تحياتي |
هنايا حياج الله يا هنايا صحيح البنت مالها الا بنت عمها لكن اللي اعرفه ان العم ما يطلب من بن اخيه هالشروط اللي تقص الظهر قص خخخخخخخخ على العموم مرحبا بج يا هنايا تحياتي |
عزوز الجبلي هلا بك يا عزوز مرورك مما يسعدني شكراً لك خيوووووووووو |
بدر شكرا على القصيده والله يكون بعون الولد..
|
الله يعطيك العافيه, وهذا مو غريب عليك يا بدر ابو عجرى أنت ذوق
وتنقل المفيد لنا وللمنتدى , القصيده حكت عن أمر فعلآ موجود في المجتمع وتعتبر ظاهره لان انتشرت بشكل مو طبيعي, خاصه في مجتمعنا الخليجي وهذه الظاهره تسبب مشاكل عده و نحن الشباب خاصه نراء هذه الظاهره التي تعتبر حاجز بيننا وبين استكمال ديننا بالزواج , يا جماعه هذي مشكله جدآ خطيره وعواقبها وخيمه ولا تحمد عقباها..!! وقال خير البشر الرسول صلى الله عليه وسلم (( إذا أتاكم من ترضون دينه وخلقه فزوجوه إلا تفعلوه تكن فتنة وفساد كبير)) أو في ما معنى الحديث. مشكور بدر ابو عجرى :p: |
مرفوع الهامه حياك الله يا الغالي في ما نكتب مرورك وسام على صدري تحيتي |
جزاع يا مرحبا يا جزاع الذوق مرورك يا الغالي نحن جميعاً يداً واحدة لأرتقاء وتطور هذا الصرخ الشامخ جزاع شكراً لك على المرور الذي اسعدني وشكراً على الاضافه والتعليق اكرر شكري تحيتي |
هههههههههههههههههه
ياقرادة حظه يوم الله قطه على عمه يبيه عون وصار فرعون بس ماعليه هذا كله لزوم توثيق عروق النسابه ههههههههههههه قصيده قمة فالروعه اعجبتني بصراحه شكرا يا ابا عجرااااااااء عالقصيده المضحكه والمبكيه بنفس الوقت |
تعقيبا على بناخي جزاع
ياجزاع بالعكس ترى بنات اليوم مايطلبون شي كله 8 الاف ولاتكفي بعد وصاله وطقاقه ام طلال وخلاص انتهت القصه ههههههههههههه |
دمعه عزالله ما طلبوو شي؟خخخخخخخخ مرحبا بج يا دمعه مرورج اسعدني شكراً شكراً تحيتي |
لاهــــنت خـــــيوو بدر ع القصـــيدهـ
لاحنـــا ابشـــــرك قـــادريـــن ع بنــاتنا بنــات السعـــوديـه مايطلبون كثير تقـــــبل مــــــروري واحتــــــرامـىى |
| الساعة الآن 04:49 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
