|
عروس المدائح .... !!!!!!!!!!! ابن سمدان
السلام عليكم ورحمة الله وبركاته قصيدة مدح في عميد عائلة السمدان والذي يرجع له الراي الاول والاخير في جميع الامور وصاحب الحكمه والراي السديد والشور المبارك .. تاج راسي ابو عبدي ( محمد بن سمدان المطيري ) .. القيتها في حفل زفاف ابن عمي العزيز نواف صاهود بن لامي الصيف الماضي اثناء الامسية الشعرية ... وهي اقل بكثير من ان توفي لابو عبدي حقه ... ابيات القصيده جاوزت السبعه والستون بيتاً.. لذلك اخترت منها هذه الابيات التي اضعها بين ايديكم ... وارجو ان تنال الرضا والقبول... . . . .
ابتديت بكل بيت(ن) اذكر المولى الرحيم=واستعيذ بقدرته من كل شيطان(ن) رجيم وسلامتكمـياسميع(ن) يابصير(ن) ياغفور(ن) ياحليم= ياودود(ن) ياكريم(ن) كاسي اللحم العظام كاف هاء(ن) ياء عين (ن) صاد معنى(ن) محكمات=فيها عبرة معتبر من جيل عصر الآفلات التعيس اللي غرق في بحر وزر الموبقات=والسعيد اللي على الدرب اهتدى ثم استقام هل ترى من قوم عادٍ من ارم ذات العماد=مضحكات(ن) مبكيات(ن) مفسدات(ن) في البلاد ارسل الريح المصرصر والمصبصب كالجياد=مصبحات(ن) ممسيات(ن)والغضب جام(ن) وجام ياإلهي يارجائي حين تبعث هالقبور=هوّن الموقف عليْ يوم الصحف طارت نشور وانظر بعين العطوف العادل اللي مايجور=هذي نار وهذي جنّه والبشر صف ازدحام بين مومن بين كافر بين اصحاب النفاق=هايب الموقف جلل والوضع لايمكن يطاق يهرب الرجال فينا من هله حان الفراق= نفسي نفسي والقلوب الوالفه صارت خصام وانبرى بين الجموع الغارقه بهم ودموع=رجل تعرفه المساجد والمآذن والخشوع فيه من تقوى عمَر يوم البشر كلها هجوع= الكريم اللي تسلسل من نسل قوم(ن) كرام ذاك ابو عبدي على روس المراجل لايزال=حيّر بيوت المثايل والفرايد والجزال كيف نجزي بالرجال ونمدح اسياد الرجال=من فضل ربي علينا انخلق بين الانام لاهو جن ولا هوأنس ولاهو من كل هالوجود=العريب اللي عريب(ن) من خواله والجدود ياملاك(ن) مرسل(ن) والجود من جودك يجود=ودام طيب الطيب من طيبك على الطيبه وسام فيك من خلق النبي استغفر الله لو أقول=باعثك رب السما للمرجله واهل العقول ماخذن بيد الضعيف وحامل(ن) كل الحمول=والمراجل تنحني قدام فعلك باحترام فيك من وصف العرندس الأرندس والزئير=فيك من هيبة ملوك و بالتواضع كالفقير من فعل جدّانك اللي مالهم غيرك نظير=بالشدايد سيف قرم وبالرخى برد وسلام مو غريب(ن) وانت حادر من نسل كْرم العباد= ربعي الجبلان قوم(ن) ياتقود وماتقاد مابنا شخص(ن) رديّ ولا يسير بنا النقاد=اصغر الاقران فينا بغيرنا قايد همام ياهوى لكل عروس وياشذى عطر النفوس=ويادهن عود(ن) مبخر والنقي من كل دنوس المشاعر مستلجة بين هجْس و عيطموس=شاعر(ن) خاض البحور وعن هزيل القاف صام ياحقيقة من سراب ويا براد ويا عذاب=وياهدوْ ويا فتوْ وياحضور(ن) بالغياب مستحيل اوفي مثيلك ثامن العجب العجاب=والشعر تبطي حروفه والسلام اجمل ختام انتهى جزل الفرايد والمثايل من بديع=والصلاة الواجبه صلوا على طه الشفيع ابعدد رمل الصحاري والسوافي من جميع=ماهطل فوق المداين من وبل مزن وغمام ملاحظه بسيطه ومهمه : تعمدت نظم ابيات القصيده على بحر يسميه عامة الناس بحر الفراعنه ( نسبة الى الشاعر ناصر الفراعنه ) وهذا من الاخطاء الشائعه لدى العموم ... فهذا البحر ماهو الا بحر الرمل رباعي التفعيله وتدخل على اخر تفعيلة في كل شطر علة تسمى علة القطع ودخل على البحر شكلا فنيا يسمى المروبع ... فهذا ليس من الاعجاز الشعري ولا من عجائب الجن كما يظن الكثير من العامه ... وانا هنا لا اقلد الشاعر ناصر الفراعنه وانما الموسيقى الشعرية المصاحبه لهذا النوع من البحور الشعرية الصافيه هي نفسها في جميع القصائد المشابهه لهذا الطاروق وتفرض جرسها الموسيقي عليه ... ابـن سـمـدان |
اولا يشرفني ان اكون اول عضوه تمر في متصفح الاخ العزيز والشاعر ابن سمدان
ثانيا انا لا املك الا ان اقول صح الله السانك وبوحك وقوافيك على هالرائعه الجزله وانا ماراح اسميها الا (تاج عروس المدائح) ويابخت الممدوح فيها واكيد يستاهل ابتديت بذكر الله ومن ثم اذكرت اسماء الله الحسنى ومن ثم مفاتيح القرءان ومن ثم قصه من قصص القرءان ومن ثم قدمت مشهد حي لليوم البعث ومن ثم انتقلت الا المدح وبذكر الخصال الي يتميز بها الممدوح تسلسل رائع وتسلسل مهيب دمت يبن سمدان للشعر ودام للشعر هيبته بوجودك |
مو غريب(ن) وانت حادر من نسل كْـرم العبـاد
ربعـي الجبـلان قـوم(ن) ياتـقـود وماتـقـاد مابنـا شخـص(ن) رديّ ولا يسيـر بنـا النقـاد اصغـر الاقـران فينـا بغيرنـا قـايـد هـمـام والنعم والله صج لساانك ابن سمدااان وداام بووحك وحسك ودمت بهالجمااال اخوووي |
ابن سمدااان
لله دركـ كم انت رائع قصيدهـ رائعه من شاعر مُبدع صح لسانك ونبض حرفك ويستاهل الثناء محمد بن سمدان المطيري مودتي وتقديري |
هنا الأبداع هنا الجزاله هنا التحدي بالحرفنه الشعريه هنا تلاطمت أمواج الأبداع عـلى شاطئ القصيد ياسلام عليك يارااااااااااااااااااااااااائع قصيده رائعه والممدوح بلا شك يستاهل المدح ونعم في ابوعبدي أشهد أنه يستاهل المدح وهو أهل للمدح صح لسانك ودمت مبدع يامبدع تحيتي جزاع |
|
ابن سـمـدان مـا شـأء الله عـليك وصـح لـسانكـ
قـصيده ممـيزه مـن شـاعر اكـثر تـميز :) |
( ابـــن سمــــدان )
صــــــــووووووح لـــــــساااانـــك قـــــصـــيدهـ فــــي قمــــة الـــروعــــهـ دمــــــت بهــالتمــــيز ارجــــوا ان تقــــــبل المـــروري المتـــــواضــــــع عــــــ الجبـــــلي ـــــزوز |
حيه وحي ماجاب
:) صح والله السانك مليون ولاهنت انت كفو والممدوح " كفو " !! قصيده وااافيه وانت رجال ٍ وافي . |
صح لسانك \ ابيات جميله ويستاهل الممدووح لا هنت |
صح السانك وابو عبدي يستاهل كل خير
لاهنت فلاح الحصيني |
الله الله
ياولد قررت بنشركك بشاعر المليون 000والله اني اقوله صادق ماشالله عليك والله يكملك بموهبتك واتقانك للابيات 000اشهد بالله انك مصيبه ياخلف ماعلي من الهرج تبارك الرحمن والله يستر عليك ومافيك حيله سبعين مره قصيدتك ماشالله تبهر قارئها 00يقرأ ابيات فتأخذه الحيره ايهما ينتقي ليفضل تحياتي لك ويستاهل المدح ولاتحرمنا ابداعك ياذيبان بن معرقب |
ياسلام عليك
صح كلك يالغالي وابدعت جعل ربي يحييك وتعليق على الاخت هنايا البحر هذا يكتب عليه الكثير من الشعراء وليس كل من يكتب عليه يعتبر تقليدي لاسلوب ناصر الفراعنه لان ناصر يكتب على اسلوب من سبقوه في هذا البحـر وليس محتكر على شاعر دون اخـر صح كلك يالجزل وابدع انت غير وتبقى غير لك تراتيل الاحترام |
الاخت دمعة ناقة \ صح بدنج .. ولاهنتي على المنطوق الطيب والمشاركه والوافيه .. تقبلي تحياتي يالغلا \ ابن سمدان |
الاخت جمرة مطير \ صح بدنج .. والله لايهينج على المرور والمشاركه المشرفه .. دمتي بهذه الاطلاله الجميله .. تقبلي تحياتي \ ابن سمدان |
استاذي العزيز تركي المنديل \ صح بدنك .. ولاهنت تستاهل الطيب وبيض الله وجهك على المرور ياالامير .. تقبل تحياتي \ اخوك ابن سمدان |
استاذي الشاعر جزاع بن كويعب \ صح بدنك ولاتهون على هالمشاركه الوافيه .. ماعليك زود وانت اهل للطيب ياابو خالد تقبل تحياتي يالقرم \ اخوك ابن سمدان |
الاخت هنايا \ صح بدنج .. ولا هنتي على المرور والمشاركه استفدت من كلامج ونصيحتج ومشكوره ماقصرتي :) تقبل تحياتي \ ابن سمدان |
استاذي الكريم فهد التوم \ صح بدنك ولا تهون طال عمرك عل المرور والمشاركه والتواصل الذي عودتنا عليه في المنتدى من خلال مشاركاتك الجميله ... تقبل تحياتي \ اخوك ابن سمدان |
استاذي الكريم عزوز الجبلي \ صح بدنك ولا هنت على المرور والمشاركه لاخلا من هالمرور ولا عدم من مشاركاتك تقبل تحياتي \ اخوك ابن سمدان |
استاذي الشاعر المبدع فهد الجبلي \ صح بدنك ولا تهون طال عمرك.. مميز بقصائدك ومميز بردودك الوافيه... ماعليك زود وبيض الله وجهك.. تقبل تحياتي يالقرم \ اخوك ابن سمدان |
استاذي امير الشعر الغزلي في منتدى الجبلان \ الشاعر شجاع الهيت صح بدنك... تستاهل الطيب ياابو جاسر ... ولاتهون على المرور والمشاركه .. تقبل تحياتي واحترامي \ اخوك ابن سمدان |
استاذي الحبيب الشاعر \ فلاح الحصيني صح بدنك ولاهنت على المشاركه الطيبه ... وللامانه تراني محمل سلام من ابو عبدي لك " العود كل ماشفته وصاني يقول : سلم على ولد ابن حصيني .." تقبل تحياتي يالقرم \ اخوك ابن سمدان |
استاذي العزيز والشاعر الجزل ابن معرقب الجبلي \ ياهلا ويامرحبا مليون ياابن معرقب :) والله اني منتظر ردك على القصيده ومحتريه .. استاذي ابن معرقب \ الابداع هو انت ياخوي بكل كلمة تصوغها في المنتدى سواء بمشاركاتك او بردودك المحرجه والوافيه .. بيض الله وجهك على هالمشاركه الجميله والرائعه واللي ماهي بغريبه على ابن معرقب هالمشاركات المتميزه ... اما مسالة مافيك حيله ===> هذي مخصوصه لك وانت خابر رأيي عدل يالذيب :) تقبل تحياتي ومودتي \ اخوك المحب ابن سمدان |
اخوي واستاذي شاعر منتدى الجبلان فارس الجبلي \ صح بدنك ... وبيض الله وجهك على المرور والمشاركه ياابو جاعد ... الله يبقيك ياالامير للشعر راس وللشعار نبراس .. تقبل تحياتي ومودتي \ اخوك المحب ابن سمدان |
صح لسانك والله ماتكفي
صح كلك أنت وكفو وأبو عبدي كفو الله يذكره بالخير ويمسيه بالخير |
استاذي الكريم عود الليل \ صح بدنك وبيض الله وجهك مرورك تشريف لي وردك دليل على نقاوة معدنك واصالته ياالامير ... ابو عبدي يستاهل وانت تستاهل يالقرم ولا عليك قصور كفيت ووفيت بمرورك .. تقبل تحياتي واحترامي \ اخوك ابن سمدان |
خلف .. قلتلك سابقآ عندما سمعت القصيده صح لسانك ..
والان أقولك .. بيض الله وجهك |
اخوي العزيز والحبيب سعود بن لامي \ صح بدنك ياابو عزيز ... طلتك على متصفحي الالكتروني شرف لي.. ويعلم الله ان شوفتك اسعدتني فلكم منزله خاصه بقلوبنا... وانت تعرف ياابوعزيز وش كثر غلاكم .... فانتم من الروح ... لاتحرمنا من هالمرور والمشاركه وبلغ سلطان سلامي .. لك مودتي وتحياتي ياالامير \ اخوك ابن سمدان |
ابن سمدان صح لسانك وعلأ شانك يالذيب
|
استاذي الشاعر احمد ابو سعيده \ صح بدنك والله لايهينك ياابوسند على هالمشاركه اللي اسعدتني كثيرا ... لا خلا من مرورك ولا عدم من مشاركاتك ... تقبل تحياتي يالقرم \ اخوك ابن سمدان |
| الساعة الآن 08:17 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
