مرثية في الشيخ عبدالرحمن بن مزيد الدويش رحمة الله

من الشاعر سعود بن ناصر بن هولان

تكسـرت جنحـان قلـب المعنـا = ومات الدويش اللي رفع راية أمطير
صقر الصقور اللي خصيمـه تثنـا = ونصر الضعيف اللي وطاله مسامير
يامير حمرا أمطيـر عقبـك تونـا = وصاحوا على فرقاك يافاعل الخير
جونا جمـوع أمطيـر منـا ومنـا = كلن على خـده دموعـه شخاتيـر
حتى جبال أطويـق عقبـك بكنـا = والصلب والصمان وجبال كشميـر
وجبال صبحاء بالعـزاء شاركنـا = وجبال سلمى من وراهن طوابيـر
مرحوم ياشيخ رحـل عـن وطنـا = عساه فـي جنـات خلـدٍ مسافيـر
سود الليالي عقـب موتـك كونـا = والله يعوض أمطير في سالم الزير
عزيت واجـب والدمـوع اذرفنـا = وخبر وفاتك كسر القلـب تكسيـر
بالموت ماتنفـع دكاتـر ( فينـا ) = ولا طب واشنطن ولا علاج تخدير
وعيالك اللي شالـوا الضيـم عنـا =ابن الاسد اسد ولو تـوه أصغيـر
ان قلـت يامحمـد قفـز ماتـونـا = وان قلت يانايف زبـون المناعيـر
وان قلت ياماجـد يقـول اسفرنـا = انا ذراكم عن سمـوم المعاصيـر
اخوان جوزاء فـي ليالـي مضنـا = مانجحد افعال الرجـال المشاهيـر
وختامهـا يـارب تحسـن عملنـا = ياخلقن خلقـه ويـارازق الطيـر
وصـلاة ربـي عـد غيـث تبنـا = على رسول فسر الوحـي تفسيـر