عندما يغيب انسان عزيز عليك
وتمر ذكراه في مخيلتك تبدأ الذكريات تتحرك بداخلك
لتجدد جرح الفراق الذي لم تختاره
وانما القدر حال بينك وبين من تحب
فراق اجباري .....
اتمني ان تنال اعجابكم



حـل الفـراق ومـر الافـراق ذقنـاه
وانـا مـن الفرقـى كثيـر الحسـوفـي

فارقـت مـن قلبـي يــوده ويـهـواه
الصاحـب الـلـي كـامـل بالوصـوفـي

ودعـتـه بـونـات قـلــب تـمـنـاه
اللـي هـواه وعـاف كـل الخشـوفـي

قلـب علـى الفرقـى عايـش بـذكـراه
ومعاهـده إلـى يـوم حشـر الصفوفـي

قــال الــوداع وحبـنـا لا تنـاسـاه
وبالـك تخونـه لـو حدتـك الظـروفـي

قلـت إعتمـد والله محـد (ن )بيمـحـاه
لـو عارضنـي فـي حياتـي صـدوفـي

وآخــر دقايقـنـا تصافـحـت ويــاه
وأنـا أكايـد عـبـرة لــي بجـوفـي

ثـم رجـع عنـي ودنـق مـن ابـكـاه
وانـا تمـش أدمـوع عينـي كفـوفـي

وأقفـى وانـا أخيلـه وقلبـي بعمـيـاه
ومـن الجنـون العقـل يلحقـه خـوفـي

قــام يتـهـزع يـوقـفـ ا بمـمـشـاه
حـلا العبايـر مثـل وبــل القنـوفـي

خلـي جـرح قلـبـي بحـبـه وخــلاه
ليتـه علـى قلـب المـولـع يـروفـي

لعـل عيـن مـا بكـت يــوم فـرقـاه
تعطي العمى فـي اصبيهـا مـا تشوفـي

ولعـل قلـب مـا خفـق عنـد طـريـاه
يضربـه مـا يعطبـه بـيـن الكتـوفـي

هـم بقلبـي عـذب القـلـب واشـقـاه
خـلاه يرقـع مـثـل رقــع الدفـوفـي

لـو ينشكـي همـي علـى الليـل جـلاه
أصبـح نـهـار والخـلايـق أوقـوفـي

ولـو ينشكـي هــم بقلـبـي كتمـنـاه
علـى القمـر بيـن بوسـط الخسـوفـي

ولـو ينشكـي للـي كفـر وسـط دنيـاه
صلـى وصـام وحـول مكـه يطـوفـي

لا شـك أبـي أشكـي مــا جــرى لله
إللـي علـى كـل الخـلايـق عطـوفـي

أنـه يــرد إلـلـي تمنـيـت لامــاه
الصاحب اللي هو غاية شفوقي