الراس شـاش وشوشتـه المقاديـر = وان شاش راس العبدلي جاب الابيات
ابيات تصرف مثل صرف الدنانيـر = من هاجسٍ فيـه الحميـه علامـات
يشوش لامن جيبله طـاري مطيـر = ويبني من بيوت الفخر له عمـارات
فالمركـز الاول ولا فيـه تغيـيـر = وحنا لها منـذ العصـور القديمـات
ورثٍ لنا في شـر ولا علـى خيـر = وحنا لها من وين ماراحـت وجـات
الفـوز قسـمٍ لرجـال المغـاويـر = ولا هو مهيـا بالمنـى والسلامـات
يحتاج مـن لايحسبـون المخاسيـر = اللي لهم بالطيب صولـه وجـولات
شروا ندى بين الرجـال المناعيـر = راع الوفا والطيب شيـخ العبيـات
شيخٍ مقـدر بيـن كـل المشاهيـر = لا قيل ابن عشوان يكفيـه بالـذات
معـاه صفـرٍ كأنهـن البواخـيـر = منقيـةٍ مـا دوجـت بالـمـزادات
سبحانه الخالق يميّـز عـن الغيـر = والناس حسب العرف قدر ومقامـات
اتقولهـا اللجنـه وكـل الجماهيـر = يستاهل النومـاس راع الجميـلات
واليوم كل مطيـر جاتـك طوابيـر = مهنيـه مـا دام للـفـوز لــذات
علوى رجـالٍ يبعـدون المشاويـر = يفخر بها التاريخ في كـل الاوقـات
اشيوخنـا عنهـا تعجـز التعابيـر = ما دام لتاريـخ منهـج وصفحـات
وبريه درعٍ مثـل سنجـار والنيـر = اهل القنا واهل السيوف الصقيـلات
صحيبهم عايـش بحشمـه وتقديـر = وعدوهم يسقونـه المـر جرعـات
وان جات عبدلـه تجيـك التباشيـر = زبن الدخيل مطوعيـن الصعيبـات
يسوقهـا فالـراس عـز وسعاطيـر = وان وقفت مثـل الجبـال المنيفـات
عبـادلٍ مثـل السيـوف البواتيـر = اهل النقـا يـوم اللقـا والمهمـات
روّح يا ابن عشوان قود المظاهيـر = وحنا معك عشرات والاف وميـات
وكل القبايل مـا عليهـم تقاصيـر = يستاهلون المدح وازكـى التحيـات