بعد ماحان القصيد وزان كيفي وتعبيره=ولبت الدعوه جماهيرن تشرف في وعدها
ياهجوس الشعر طارلي طوارين كثيره=باللحن والطرق والقيفان مايحصى عددها
وكل ماجا هاجسن في قاف جا هاجس بغيره=ودي اقدم قوافين من اوحاها حمدها
في كريمين السبال اهل الوجيه المستنيره=في صواريم الحرار اللي تنومس في هددها
قاف لامني صخرته لاق لوجيه العشيره=ماجيبه كسر ولا هزل والجمه وردها
مرحبا بلي لفو من كل دار وكل ديره=مرحبا ترحيبتن يسبقبها الماطر رعدها
مرحبا باللابه اللي ما يمانيهم قصيره=كاسبين الطيب وللي يزرع الجزله حصدها
مرحبا نقولها بالجهر ماهو بالسريره=بالرجال الي تعنت من بلدها في بلدها
قالها صاهود بن لامي وانا الليله سفيره=قالها واقولها من قلب صافي واعتمدها
ياعصابة روسنا ياسيوفنا الجرد الشطيره=يامقابيس الظلام اللي تقدي من رصدها
اجتمعنا والهدف من جمعنا خيرن وخيره=جمعنا يالابتي عزه ولا عزه بعدها
في تجمعنا ترا عين العدو دايم ضريره=عل عين اللي يبا الفرقا يزيد ابها رمدها
والله انا لو نسوي المستحيلات الكثيره=قدمنا قومن بتتعبنا ولاناصل امدها
اسلافنا هم متعبين الهجن والخيل المغيره=وهم مرملت النسا وللي ترجى من ولدها
اسلافنا وفعالهم تذكر مع العالم شهيره=يذكر التاريخ فعل اجدادنا لامن سردها
يوم صقلات السيوف ويوم روجات الذخيره=في زمانن فات يوم الهجن والخيل وجلدها
فعل ينومس ونفخربه مع جموعن غفيره=مبعدين الغزو في غزواتهم كلن شهدها
قدمو فعلن ينومسنا وحنا في ستيره=نحمد الله بالامان ونعمتن زايد رغدها
اتبعو درب السلف والكل يمشي في مسيره=من يبا الناموس والطولات والعليا عمدها
مرحبا عند ابو جاسر قايد الركب واميره=وجمعكم يالابتي عزه ولا عزه بعدها
مرحبا عند ابو جاسر قايد الركب واميره=وشوفكم يالابتي عزه ولا عزه بعدها