|
الشاعر الكبير / فلاح بن عريج المطيري
بعض النساء تجلب على بيتك الخير ** والبعض منهن لك تجيب النكـاده
والبعض منهن مثل وصف النواوير ** ومع العقل والزين فيها الركـاده والبعض منهن يستر الحال تستير ** لوهي تعيش العمر صبـر وجـلاده والبعض منهن عقلها يوزن النير ** ومعها على تـاج الرزانـه شهـاده وبعضهن احلى من حليب المغاتير ** واحلى من الطايف ونفحـة بـراده وفي مجتمعها تمشي ابحسن تدبير ** عقلٍٍ رزين وفـي حلاهـا زيـاده وبعضهن اينومسك عنـد المساييـر ** والبْـن فالدلـه اتظبـط اقنـاده وبعض اللسنتهن مثل وصف المناشير ** والبعض منهن طايشٍٍ في عناده والبعض منهن فكرها بالدنانيـر ** قشـرا وشوشتهـا سـواة العـراده والبعض منهن مايكب المشاوير ** وفيها التغطـرس والغبـاء والبـلاده وهذي هي اللي تستحق البواكير ** حيث انهـا للسـوق فيهـا عبـاده والبعض منهن عايشٍٍ دون تفكير ** وان شفتها منته ب ويـا السعـاده وان رحت عنها ولعت فوقك اسعير ** وشنت عليك الحرب حرب الاباده واللي ماصار اترهمه غصب ويصير ** ومن جورها لازم تزور العيـاده والبعض منهن دايم اقدامها اتسيـر ** علـى امهـا والام راس القيـاده وتنفذ اللي تسمعه دون تاخير ** وترسـم امخططهـا لفـرض السيـاده واليا حصل من بينكم شـيٍٍ اصغيـر ** تفيـد منهـو ماطلبهـا الافـاده وتوافي اهلهـا بكـل التقاريـر ** ليـن الرجـل يعـاف شربـه وزاده واليا ظربها كف ماله معاذير ** راحت هو ياكـل عشـاء البيـت سـاده راحت طموح وبلشوه العصافير ** ومن همهـم حـارب منـام الوسـاده وان جاء يرجعها عيونه مطايير ** قالوا قبـل ترجـع تجيـب القـلاده وسبحه من الأربش وأطقم أساوير ** ومن جورهن لا واعنـاه وهجـاده وان كان ماانسابك ارجالٍٍ مناعير ** هيجـن وهوبـل ياحيـاة القـراده وارجو السموحه من جميع الغنادير ** وهن الأصل منهن للاقطار سـاده ومصنع رجاجيلٍٍ تقود الطوابيـر ** والحـرب تقـدح للمعـادي ازنـاده والمعذره وان كان بالقاف تقصير ** وماكل من يجهد نجح في اجتهـاده وللكلمه الجزله زبون وجماهير ** وقـول بـلا حكمـه مافيـه استفـاده والله يجعل لي من الذنب تكفير ** يـوم ان راع الـزرع يلقـا حصـاده ويرسل على ال؟؟؟؟؟ زلزال كشمير ** حتى الفلل تصبح سـواة الرمـاده |
صح لسان الشاعر ولاهنت يافلاح على ابداعك في الاختيار |
ولا انت يالامير شكراً لمرورك العطر على منقولي
|
صـح لسـأنك ولسـانه
ولا هنتـ على النقـل يا فـلاح :) |
مارحبا ملكع ولاهنت على المرور يالامير
|
|
يعطيك العافية أخووي ( فلاح الحصيني ) لا هنت .على نقلك للأبيات وصح لسان شاعرها تقـــــــبل مـــــروري وخــــــــالـــــص شكــــــري تحيــــــــــــااااتـــــى لك أخووووك(فهد عيد الجبلي) |
واليا ظربها كف ماله معاذير ** راحت هو ياكـل عشـاء البيـت سـاده
راحت طموح وبلشوه العصافير ** ومن همهـم حـارب منـام الوسـاده وان جاء يرجعها عيونه مطايير ** قالوا قبـل ترجـع تجيـب القـلاده وسبحه من الأربش وأطقم أساوير ** ومن جورهن لا واعنـاه وهجـاده شكله مقروووص هالشااعر ^ _ ^ والله جمع كل انوااع النسااااا صح لسانه وشكرا اخووي فلاح على هالاختياار |
صح لسسانه
ولاهنت على النقل يالشيخ ... |
راحت طموح وبلشوه العصافير ** ومن همهـم حـارب منـام الوسـاده
عز الله انه صدق وذكر جميع انواع النساء وعلى قولة خيتو جمرة شكله مقروص **-** هيجـن وهوبـل ياحيـاة القـراده ههههههههههه روعة يعطيك العافية اخوي ماتقصر على هالطرح لاهنت وسلمت يمناك عالنقل المميز بنت مطير |
| الساعة الآن 05:55 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
