::منتدى الجبلان الرسمي:: - صوره من مقناص محمد بن فطيس وشايع العيافي وقصيده

بسم الله الرحمن الرحيم

مطلق عمد صافي وسيـع المناخيـر // كن دق صدره دقة شماغ بسام

http://farm2.static.flickr.com/1135/...cfa296.jpg?v=0

قصيدة المقناص لشاعر المليون : محمد بن فطيس

الله علـى الربطـة يعيـن الصقاقيـراللـي تعـد الريـش وتعـد الأيــام
يقطّـعـون أوقاتـهـم بالتسـايـيـروشوف المقانيـص القديمـة بالأفـلام
تشوف راعي الطير عـاف المظاهيـرومن شوفت القمرا وعـدً لهـا صـام
قعد مابيـن أهـل البنـاء والنجاجيـروفي دورته ماهتم فـي فـرق الاقيـام
يبغي مقيظـه مايجـي فيـه تقصيـرمن خوف لوم اللـي إلـى شافهـا لام
ويجيـب لطيـوره حليـب العصافيـرإلـى تباطـى حذفهـا لريشـة العـام
يويق صبح وظهر والعصـر وعصيـرويظهر عشاها عقب ماجا مـن الـزام
يقسـم علفهـا بالتسـاوي بتقـديـروقدامهـا كنـي بـه يكسّـر عـظـام
كنـه تـزيـده لاتعـشـت دنانـيـروالى أدرجت مايفتكر في هـل الشـام
تمسي وهو مامسـى روابـع وتفكيـريرمي به الهاجس على جـال الأحـلام
ويذكـر مكـانٍ داجـه العـام بالخيـرويطري علية أزين مقانيصـه أعـوام
وذيك الوناسـه والقنـص والمشاويـروخوة رجـال هـل مقانيـص وحشـام
الله جمعهـم كلـهـم فــي سيـايـروقدامهـا فرقهـم ظـروف وأحـكـام
على الوعد (ف)أول محطـة طوابيـروفي كل موتـر عزبـة فـوق قسـام
فلان ينطر لـه رفيـقً علـى السيـروفلان خـذ للربـع مـن كـل الأنعـام
وفلان عند البنشـري يركـب أسبيـروفـلان قدامـه يركـب لـه أسـيـام
وفـلان عجـل مايبـي زود تأخـيـرشغـل وراح وواعـد الربـع قــدام
فـي شفهـم ماحسّبـوا للمخاسـيـرلـو زادت أصفـارٍ مياسيـره أرقـام
في حلها (ف) الطيـب ماهـو بتبذيـريراقبـون الله مـع أحكـام الإســلام
وراعي القنص عمن يسب القنص غيرشـف ذاإذا ذهّـن وشـف ذا إذا نـام
يغـطّ غطّـة ذيـب وأن ذهّـن يطيـرويقوم عـاد اللـي معـه مابعـد قـام
ويشب في اللي قبـل يحتـاج تكسيـرفـي ليلـةٍ مافـاد فيـهـا التلـطـام
وفيمـا تفـوح إدلال صفـرٍ مباهيـرخـذ ركعتـيـنٍ بالخـفـا لله قـيـام
وإلـى قضـى ركـد دلالـه مساطيـروأذن ولا يحـتـاج للـربـع قــوام
تمالـوا وركبـوا وراحـوا مـداويـرللـي يـروّع زولهـا كـل ضـرغـام
برقا الجناح اللي إلـى قامـت تسيـرأول مايـطـري للـربـوع التشـيّـام
تشاوروا ووصلـوا لخيـر الأشاويـروهدوا غـرام الشـارده عقـب لـزًام
هـدوا معيـدً عوقهـا عقـب تذييـرأصله وحش مطروح في ديـرة ألغـام
مغتـر ولا طبعـه بطبـع المغاتـيـرمن يـوم رب ووالـف الـدس ماحـام
مطلق عمد صافـي وسيـع المناخيـركـن دق صـدره دقـة شمـاغ بسـام
عودٍ ويخالى به على الفرخ والجيرجَسروعلى المدخـال فـي الجـول عـزام
أعطاهم الصيـده بعـد ماخـذ السيـروعلـم فـروخٍ كـان تحتـاج عِــلاّم
هدّوا وصادوا والهـدف هـدّة الطيـرماهمّـهـم لـدهــام والا لـعــزّام
تبدّلوا (ف)الـزرع شـوف النواويـروتبدّلوا فـي الزحمـة فيـاض وخيـام
على لحم صيـد وحليـب المصاغيـرتبدّلـوا بالسيـر والقـيـد درهــام
وسجّوا من همـوم البلـد والفواتيـروهموم الأسهم ذاك عـارض وذا سـام
وتريّحوا من قولـة(ن) صـار تفجيـرومن شوفة الفتنة ومن كـذب الإعـلام
نشـوف تفجيـرات ونشـوف تعزيـرولاجهلنـا ماحصـل بـعـد صــدام
لكن شـوف وحـر جـوف ومقاديـروش الجهد غيـر الدعـاء والتهشـام
الزبـدة أن البـر مـن غيـره آخيـرلاصار مـع ربـعٍ صقاقيـر وحشـام
وبعض الرجال اللـي يلـوم الصقاقيـرماهـو يعـد الريـش ويعـد الأيــام
تـراه مربـوطٍ مثـل ربطـة الطيـرويقصر جريره حـده البيـت والـزام

وسلامتكم

تحياتي

طــهــران