|
[ صدق شين وصدق ياعينك قويه ]
لقلوبكم اكاليل البيلسان ،، قضيه وانت الحكم فيها .. !! لكم لاتحاول تعتذر: كافي احتقانه ................. مابقى فيني } مشاريه [ وبقيه ] ماحصل منك ترى فيني لعانه .................. صدق شين / وصدق ياعينك قويه ماتركت فـ داخلي شي بـ مكانه .................. ولابقى لك عذر في عيوني هنيه الغياب / وقسوته وايضا زمانه ................... كلهم / في صف واجتمعوا [ عليه ] كم جرحً ماقدرت الجم { عنانه } .................. وكم وجهه في دروبك { سرمديه أستعنتك للمقابيل بـ حصانه .................. وارتحلتك جوع / وشعوري مطيه ماعرفت الضيق } لين الضيق هانه ................... والوهن اركى خطام ~ الجرهديه كل جرحً منك في ظهري ميانه .................. اي ميانه / وانت تطعني جفيه ماسهجت العشق الا بـ امتنانه ................. ولارضيت الا ترى فـ بنت العبيه وش عذر هذه السنين الي عشانه .................. كانت احلامي/ مع احلامك وفُيه وين وعدك : والعهد : وين الامانه .................. وين حلفك وين حظنك : والوصيه الامان الي زرعته في كيانه ................. واقعً تضحك عليه بـ واقعيه طارت اسراب الطيور وشوف كانه .................. بالزاويا / وحدتي / تفرك يديه ما تخون ولكن غيابك خيانه ................. ماعشقت وكنت تلهى دوم فيه يابن أدم كل شخص وعنفوانه ............... مارضى للحزن والا المهميه يابن أدم كل شخصً شاخ شانه ................ ماكسره الذل وعزومه أبيه صدق ماتستاهل شوية حنانه ................ كنت قاسي وقسوتك ماهي شويه صدق من قال الوفا ماله امانه ................. خص لامن صار فـ امثالك خطيه صدق طبع العشق في هالوقت خانه ................... كل شخصً داخله نفسً رديه كل يوم يطيح قدامي تكانه ................ وياكثر ماشافت عيوني بليه وكل يوم احاول انسى مامضانه ................... ويتجدد مقبله شر وأذٌيه والشعر ماعاد يغرينا لسانه ................ صار في هالوقت مجهول الهويه ان كتبنا شي عان العكس عانه ............... ماعرفنا شلون بنحل القضيه وانت يالي تعتذر يكفي احتقانه .............. صدق شين وصدق ياعينك قويه ؟ |
ان كتبنا شي صار العكس عانه ............... ماعرفنا شلون بنحل القضيه ــــــــــــــــــــــــــــــــــــــــــــــــــ ـــــــــ ما شاء الله ما شاء الله إبداااع غير مستغرب من أستاذ الأبداع والتميز أبيات وافية يا فارس وصح الله لسانك مليون ولا يكفوون وسجلني أول الحضور وتقبل مروري |
صـــح لــســـــانـك
لاهنت . . . علـى الجـزله بارك الله فيك ويسلم منطوقك . . . تقبل ودي قبل ردي |
صلح لسانك أخوي على الرائعة
قواك الله والى الامام تقبل مرووووري أخوك:ماضي السهلي |
قسوه جديده اول مره اراها في نصووص فارس
عتب قاسي وواقع قاسي وظروف قاسيه مدري احسست انك تكتبه وانت غااضب ؟ وحتى وانت قاسي يافارس مبدع ما تخون ولكن غيابك خيانه ................. ماعشقت وكنت تلهى دوم فيه ماتخون ولكن غيابك خيانه واضح غضبك من هالظرووف الغياب / وقسوته وايضا زمانه ................... كلهم / في صف واجتمعوا [ عليه ] هذا انت تعددهم والنفس تعبت ؟ اكتب تعليقي ومازلت اتامل هالنص وكل مره اشوف شي جديد فارس شهادتي فيك مجروحه فانت من الشعرااء المتمكنين وظاغين الاحسااس فانت تبني نص على اوتار مشاعرنااا تبنيه بالكلمه الحلوه والصور المتجدده والفكره الشيقه التي تجعلناا نبحر معك وباحسااسك لنعيشه والشعر ماعاد يغرينا لسانه ................ صار في هالوقت مجهول الهويه اصعب شي بعد كل كلامي اذا قلت ماعاد يغرينا الشعر ^ _ ^ دام ابداعك وصح لساانك واحسااسك يافارس المعذره على هالمرور الغريب وكتبته على عجل |
رووووووح جمرة ماخلت شي .. ^_^
بالعكس انا ما اشوف فارس قاسي .. وهذا الدليل .. طارت اسراب الطيور وشوف كانه .................. بالزاويا / وحدتي / تفرك يديه ولو كان غاضب فـ ماينلام .. لقى غياب واهمال وتطنيش صدق شين وصدق يااا عينه قوووويه .. تسلم يا فارس .. وصح لسانك |
كل يوم يطيح قدامي تكانه ................ وياكثر ماشافت عيوني بليه بيت عن ديوان شعر بيت ما يكتبه الا عمالقة الشعر النبطي وانت واحد منهم يا فارس قصيده مساحتها كبيره بالقلب صح لسانك والى الأمام يا فارس الجبلان لاهنت على الأبداع |
فهد عيد
حضورك اخجل الابجديه الف شكر يابعدي |
بقتبس لي بيت احترت ..
أبــــــ:)ــــــــداع .. صــح لســـانك يالذيب .. لاهنننننننننننننننننننننت .. |
|
| الساعة الآن 07:55 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
