صـــقــــر الـــنـــصــافـــي
 

شاعـر الجـزيرة .....صقـر الـنـصـافـــي


ياكثر مانذكر من الناس غالين ...... حدر الثرى ماعاد فيهم رجوعي

راحوا مراح منه ماهم املفين ... صارت منازلهم عذاب لشوعي

.الله على وقت مضى قبل هالحين ..اعسر علي اليوم من حب كوعي ..

. اليا ذكرته والمخاليق غافـيـن ... جريت مايفـتح مفالج ضلوعي

يوم إن وقتي مقبل يا ادعج العين ... عروس عشق ومعجبتها الدفوعي

واليوم وقتي صار بين اليهاهين ... لو طاب لي يوم خبث لي اسبوعي .

دنيا نبي منها عدال الموازين ... وتميل لوني في خطاها جزوعي


تضحك لناس بالفرح مستمرين ... وناس تجيهم بالكدر والفجوعي .


وصارت بها سود المقانع شياهين ... وفحولها صارت اتبوع التبوعي

الله الله



شاعر لن يتكرر


صح لسان صقر النصافي من صميم القلب



اشكرك ياخوي عالنقل الرائع



لاهنت

الله يرحمه بواسع رحمته

نعم شاعر لن يتكرر

لاهنت على النقل

العفو يا اخواني الشكر لله ثم لكم لان منتداكم طيب ولا يجي فيه الا كل طيب ... وطيب الدار من طيب اهلها واشكرك كل الشكر اخوي عبدالعزيز بن لامي واشكرك ياخوي محمد بن جبرين واشكر ايضا الاخ الكريم سعود بن لامي وكل القائمين على هالمنتدى الطيب والسلام خير الختام