هبوب الريح/مصافحه اولى
 

صباح الخير يالغالين

كيف احوالكم عساكم طيبين

ابيات متواضعه تعبر عما بداخلي واتمنى ان تحوز على رضاكم

هبـوب الريح لاهبت تهز الخـاطر المكـسور=وعـلي تعـود ذكـرى اللي فتني برقه اسلوبه

حبيب ٍ يفـتن النـاظر ويدخل للقلوب سـرور=وانا اللي له سكبت الحرف لانّه ثامن أعجوبه

اجيب الدر شانه و اقول انّه يجـيد الـدور=وانا اللي عـرفت ان المحبه صارت اكذوبه

يمر وبسمتي بانت وانا مـن داخـلي مقـهور=ومدري كيف ينسى اللي يعيش بشوف محبوبه

انا احبه واقـول انه شبيه ٍ فـي بنات الحـور=جمـيل وجـمّله ربّـي بطـيبه نفس واعذوبه

يتوب الـزين من حبّي وانا باقول له مـعذور=وانا ما تبـت حبّـه ولاني معـلن الـتوبه

لاهنت و صح لسانك وياهلا بك ويانا في منتدى الجبلان قصيدة رايعة


تحيتي لك

من قال لاهان يالغلا وصح الله بدنك ولاهنت على مرورك لاعدمتك

.



.



نواف الميزاني


نص يحمل وراه شاعر متمرس ومبدع


صح السانك ألف


الشطر الثاني من البيت يالأخر يوجد به نقص واعتقد انه

" سقوط سهو "

لأن النص أجزل من أن ينتقص شطر او شطرين

يتوب الـزين من حبّي وانا باقول له مـعذور=وانا ما تبـت حبّـه ولاني معـلن الـتوبه

وانا ماتبت " عن " حبه ولاني معلن التوبه



نواف سجلني أحد المعجبين والمتابعين بك في هذا المنتدى


تابع ؟ فلك من يتابع


:)

ياهلا ومرحبا بك

وصح سانك على الابيات


تحياتي لك بود

نواف الميزاني رائع فديتك
صح السانكhttp://www.aljblan.net/vb/images/icons/kk.gifhttp://www.aljblan.net/vb/images/icons/kk.gif

يا مرحبا يا نواف
منوّر المنتدى بهالنص النقي
صح لسانك ، ولا تباعد (f)

اخوي سلطان الجبلي حياك ربي يالغلا وبياك وانا والله يشرفني الانضمام له المنتدى الرايع با اعضائه

اخوي فهد الجبلي شهاده منك ياطويل العمر واعتز فيها وصح الله بدنك يالغلا والشطر الاخير كلمه من سقطت سهوا ولاهنت على هالمرور المشرف لاعدمتك

صح الله بدنك يابن حليبد ولاهنت على مرورك