إذا المراجل لبسة شماغ وعقال*****قل للعذارى يلبسنّ العمايم
 

اعجبتني هالقصيده وحبيت انقلها لكم.. مادري من قايلها



إذا المراجل لبسة شماغ وعقال*****قل للعذارى يلبسنّ العمايم

ما عاد يفرق زول حرمه ورجال****دام الفعايل تشبه البعض دايم

المرجله ما هيب كلمه وتنقال*******وتروح ما راحت هبوب النسايم

وإلا خشونة صوت أو رفع الأثقال****أو رزة صدور وفعل الزلايم





ولا هي بعد مفتاح موتر وجوال******وإلا ردى لسانن حديثه شتايم

المرجله شيمه عن القيل والقال******رفيع نفس (ن) حر بالجو حايم

المرجله عقلٍ وزنه وزن جبال******ودون العقل وش فرقنا بالبهايم

يا مسندي لو مايل الوقت بي مال*****يا ولد أبويه يا عظيم العزايم





يا معرب الجدين من العم والخال*****يا نخوة المفزوع وقت الهزايم

المرجله يا خوي هي طولة البال******هي العزم هي الصبر فالظلايم

فيها الكرم عزة دله وفنجال*********فيها الكرامه عن ردى الطبع شايم

و الدين لامنه خذا القلب منزال*******مشى طريق الحق وابليس نايم




ومن لا عرف ربه في طيب الحال****لابد وقت الضيق بالهم هايم

حتى صلاتك مع جماعات ورجال*****يا عظم أجرك بين ساجد وقايم

ولا من رفع ربي له كل الأعمال*******حسن الذكر لا قالو فلان صايم

وخلك شريف القصد يا طيب الفال****سوء المقاصد فالبيوت الهدايم




النفس خيل لك إذا كنت خيّال*********ومن لا قوى نفسه قوته الهزايم

ولا صرت ما تدري ليش أنت رجال*****والله خسارة فيك ذبح التمايم



اتمنى ان تعجبكم
ارق التحايا

صح لسانك

قصيده جزله
يعطيك العافيه

لاهنت علي القصيده الجزله ..

لاخلا ولاعدم ..

وان شاءالله فالها المليون ..

المرجله شيمه عن القيل والقال******رفيع نفس (ن) حر بالجو حايم

المرجله عقلٍ وزنه وزن جبال******ودون العقل وش فرقنا بالبهايم


قمه في الروعه

طبت وطاب منقووولك

اهنيك على هذه الذائقه الرائعه في انتقاء القصيده

تحياتي لك

قصيده اكثر من رائعه=================اتمنى الكل يقراهل ويطبقها ويتعلم منها دروس المرجله لان في وقتنا هذا قل فيه الرجال وكثررر لبس النسااااء للعمائم واخذت النسااااء دووور الرجال=-=-=-=-=-=-=وحبيت اوصيكم اخواني وخواتي على الصلااااااااااااة فهي النجاااااااااة سائلة المولى عز وجل ان يهدينا للصلاة ويعينا على ذكره وشكر وحسن عبادته ويتقبلهااا وان لايؤاخذنا بما نسينا او اخطئنا ويتجاوز عن ذنوبنا برحمته الواسعه انه سميع مجيب الدعاء=-=الللهم اهدني واهدي اخواني واخواتي لماتحبه وترضاه ومشكوور اخوي مرمح على هذه الابيات الرائعه والقيمه وانا بانتظااااااااااااااار جديدك