|
حال الذيب
الذيب لامنه عـوا جاوبـه ذيـب
وذيب المساري جاوبنـه ضلوعـه جايع ومستسبع ولاله من مجيـب صوت البنادق لاسمعهـا تروعـه ساري بليله فوق روس المراقيـب وليا نـزل سالـم تعثـر طلوعـه والحصني المكار محشوم ومهيـب مقـدرن لوقيـل شينـه طبوعـه من يوم قيس القدر كم يملك الجيب ونفوس بعض الناس صارت دنوعه وبعض الشباب يقلدون الرعابيـب لاجاك في مشيه حنـان وميوعـه والرجل ماينقاس في فعله الطيـب ولاينعرف وشلون شكلـه ونوعـه والبنت بالماسنجر تشيـل وتجيـب هـذا ترحـب لـه وهـذا تلوعـه ترسل وتستقبـل جديـد المكاتيـب والجايع الضرمـان تسـد جوعـه مادام ذي دنيا الحيـل والالاعيـب بامشي بدربٍ واترجـى رجوعـه |
مادام ذي دنيا الحيـل والالاعيـب
بامشي بدربٍ واترجـى رجوعـه اللــــــــــــــــــه ,, ذيب المساري ,, مـــبـــدع .. صح السانك الى ابعد الحدود يالغالي ولاهنت ,, الى الامام ,, دوماً .. .. .. |
صح الله السانك ياذيب
لون قصيدتك فيها مسبه لنا بس ماعليــــــــــــــه هذي وجهة نظرك وانا شخصيا احترمـــــــــــها |
الذيب لامنه عـوا جاوبـه ذيـب
وذيب المساري جاوبنـه ضلوعـه ^ ^ هذا البيت فعلا عجبنــــــــــي |
الذيب لامنه عـوا جاوبـه ذيـب
وذيب المساري جاوبنـه ضلوعـه جايع ومستسبع ولاله من مجيـب صوت البنادق لاسمعهـا تروعـه ساري بليله فوق روس المراقيـب وليا نـزل سالـم تعثـر طلوعـه ذيب المساري أشهد بالله انك شاااااعر يعرف يترجم احاسيسه بدقه هالمطلع هذا رهييييييييييب من يوم قيس القدر كم يملك الجيب ونفوس بعض الناس صارت دنوعه وبعض الشباب يقلدون الرعابيـب لاجاك في مشيه حنـان وميوعـه------------------ شوف عيني الدعوه خربااااااااااااااااااااااااااااانه ولاكن فيه شبااب يعجبووونك ان خليت خربت اما من قيس قيس القدر كم يملك الجيب بهذي انا اشهد لك ذيب المسااااري صح لساااانك واشهد انك شااااااااااااااااااعر جزل والله العظيم اني ما اجامل بالعاده اجاباتي مختصره ولاكن قصيدتك فرضت علي التعبير في هالطريقه ملاحظه بسيطه اوجها لأختي دمعه تقولين انه سب البنات لاتنسين انه بدى بالشباب قبل البنات وهذا كلام متوجه الى فئه معينه وتقبلو فائق احترامي وتقديري ALMajh00L |
صح لسانك ياذيب ..... وفيت وكفيت طال عمرك .
لك مني حبة خشم . |
الذيب لامنه عـوا جاوبـه ذيـب
وذيب المساري جاوبنـه ضلوعـه جزلة من جزل وصح لسانك ملايين يا كحيلان قصيدة جميلة جدا تقبل مروري |
من يوم قيس القدر كم يملك الجيب
ونفوس بعض الناس صارت دنوعه وبعض الشباب يقلدون الرعابيـب لاجاك في مشيه حنـان وميوعـه صح السانك ولاهنت ياخوي ولاتبخل علينا بكل جديدك |
| الساعة الآن 07:01 AM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
