رائعه من روائع ( بن فطيس المرّّي
 

غيبتك لـو هـي دقيقـه تعتبرصـدّه
الوقت دونك سجن وغيابـك اسياجـه
لا تعتذر لي ترى ماعـاد فـي شـدّه
اعيد حكي ٍ يكـود الصـدر مخراجـه
دامه يوصـف بجـود ابيـك وبجـدّه
وشلون تبخل على المجروح بعلاجـه
ووشلون قـاوااك قلبـك رده وصـدّه
مع انه بيّن عليه الضعـف والحاجـه
ياقـو قلبـك بــرد ايميـنـك وردّه
بخلت بمصافحـه وارهيـت بحراجـه
لو ماسقى غيم عينه جرهـدي خـدّه
تراه يبكـي وقلبـه يلحـق اخلاجـه
ولو شفته يمازحك تـراه مـن جـدّه
الضحك عن درب ضيق الصدر ماعاجه
غير الغلا والوله عليـك وش حـدّه؟
يـادرب ليلـه ويامسـراه وسراجـه
كنّه يعرفك قبـل يلقـاك مـن مـدّه
مع ان مابينـك ومـا بينـه امواجـه
هواك بـدو ٍ نـووا للقلـب بالشـدّه
ورياض قلبي لشوف البـدو محتاجـه
والوصل..بحر ٍ متى انت بتسمح ابمدّه
السيف صبري وبحرك شح بامواجـه
قصيدي اللـي قريتـه واللـي اعـدّه
قديـم لا يزعلـك معنـاه واخراجـه
وفراغ قلبي غلاك ارهى علـى سـدّه
ليتك تشوف الغلا وابراجـه وعاجـه
اقوى رياح العـذل مـا تقـدر تهـدّه
والا الجفا لـو تنفـس هـدم ابراجـه
تغانـم الوصـل لـن البعـد لابــدّه
ياتيك في يوم ثـم ياخـذك بادراجـه
اللي لي انـك تليـن وتتـرك الشـدّه
واللي لك اني ما سولف بك لهراجـه
ولاني بزعلان واللـي نرتجـي مـدّه
يا باب قلبـي ويـا قفلـه ومزلاجـه
زعلة تغلي ومن تزعلـه مـن قـدّه
ما دام كـل ٍ يبـي دربـك ومنهاجـه
غالي وتبخل علـي وتطّـول الصـدّه
الله يسامح غـلاك ويلعـن الحاجـه

محمد بن حمد بن فطيس المري ..

سلمت يمينك وبيض الله وجهكــ يا بن مسلم....
على نقلك لقصيدة الشاعر المبدع ابن فطيس المري....

لا خلا ولا عدم

تقبل مروري .,.,.,.,

الله لا يحرمني منك اخي الساالمي

مشكوور على مروورك الراائع

ما قصرت

تحياتي

الله الله الله
قصيده جزله درر مو كلمات
تسلم يمينك يابن مسلم على النقل الرائع للقصيده

رياااااااااااض قلبي لشوف البدوووو محتاجه================جدن راااااااااااائع هذا البيت---------------------- قصيده جزله ومليئه بالصور الشعريه كالاستعارات المكنيه والتشبيهات والتجسيد وهذا يضيف على القصيدة روعه وخيال وحس موسيقي رائع =-=-=-=-=-= كم وكم وكم انت راااااااائع يبن فطيس المري وفااااااااالك المليون تسلم يبن مسلم

مساء الخير

قصيده في منتهى الابداع والجزاله

صح لسان الشاعر بن فطيس المري

ودام لنا ابداعكومنقولك اخي العزيز

لاهنت . . .

لاخلا ولاعدم . . .

فعلآ رائعه من شاعر رائع . . .