|
قصيده لشاعر الكبير بندر بن سرور العتيبي ,,
هذه قصيده لشاعر بندر بن سرور وانشالله ان تنال اعجابكم ,,,,,,,
الله من عين طرقها صواديف عميت ويبسن العروق الصخافي شفت الوزا بالعين من عرض ماشيف شفته وغيري ما فطن له وشافي وقت تغير فيه حتى العواصيف جا في عواصيف الرياح أختلافي شره قناطير وخيره مقاطيف يفطن له اللي يرضع الديد غافي كم واحد جاله زمانه على الكيف واغترته نفسه يبا الجود وافي يطلع مطاليع العيا بالسواليف بين العذارى عد روحه اسنافي يفرح بهرج بالقفى يكره الضيف قتات والقتات بالنار هافي يعلق قصيره علقة النار بالليف عي ولد عي زنوده ضعافي ان رخصت الحذوه توفي عن الحيف وان غليت الحذوه مشى اللاش حافي يرقد ويلحق والدينه تخاليف دايم ومرقد ميت النار دافي هو مادرى ان الجود يبغى تكاليف سهر الليالي مقبلات مقافي يبغى يدين للعطايا مغاريف ويبغى رجول ماتمل الوقافي والصبر بنحور السنين الشواحيف اللي قساها مثل حد الرهافي مايقدرون الجود سود الأطاريف امشاركة بيض النسا باللحافي وسلامتـــــــــــكـــــــــــــــــم ,,,,, انشالله نالت اعجابكم ,,,,,,,,,,,,,,,,,,,, |
الله من عين طرقها صواديف
عميت ويبسن العروق الصخافي علي يابن العم مشكور وصح السانك ولسان شاعرها والله يرحم بندر بن سرور ويسكنه فسيح جناته تقبل مروري/ ولد عمك جزاع |
شكرن علىى مرورك يا ولد العم الجميل والله يرحم بندر بن سرور ,,,
|
علي الحصيني
بيض الله وجهك الذوق الرائع حيث انني من اشد المعجبين ببندر بن سرور الله يرحمه تقبل تحياتي الملعبي |
هو مادرى ان الجود يبغى تكاليف
سهر الليالي مقبلات مقافي يبغى يدين للعطايا مغاريف ويبغى رجول ماتمل الوقافي قصيده جزله صح لسان بن سرور وانا بصراحه معجب بمشاركاتك والله يعطيك العافيه على جهودك |
شكرن علىى مرورك يا الملعبي الجميل الذي اسعدني<<
|
شكرن علىى مرورك اخوي صافي الاحساس وعجابك لي هاذي شهاده اعتز فيهأ ..
|
| الساعة الآن 05:20 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
