::منتدى الجبلان الرسمي:: - جمال الطبيعه الخلاب قصيده لشاعر الامير:خالد سعود الكبير ,,

قصيده لشاعر الامير: خالد سعود الكبير ,, وهو شاعر رائع في شعره وله قصائد كثيره ولاكن اخترت لكم هاذه القصيده لأنها نالت اعجابي واتمنى ان تنال اعجابكم ,,,

هلا بالخاطر اللي ليخطر يرتاح معـه البـال هلا باللي إلى جاني يـروق لجيتـه بالـي
جفولٍ ليحضرني وانحرج من زحمـة الأزوالا .. قوم لخاطره من مجلسـي واروح بلحالـي
أشبه جيته مثل الحبيب اللـي فراقـه طـال .. لنطحني وابتسم عقب الزعل في مدهل خالـي
الي رد السلام وقال وشلونك وكيف الحـال .. حسبت أن السعادة كلها ما خلقـت إلا لـي
أرحبه تراحيـب الثـرى للصيـب الهمـال .. لى هل وهطل واجزل وبارك غيثـه الوالـي
يجيني والحمـول ثقـال لاتتـرك ولاتنشـال .. ويسري والخفوق المبتلى من همها سالـي
وانا لولا الخواطر والقلم والشعر والترحـال .. تسليني عن همومي تلقيت الخلـى الخالـي
انا شاعر ولا احب المشاعر في الضمير تغال .. وراعي الذوق ما يخفى عليه المر والحالـي
أفاضلها وأميـز بيـن مايتـرك وماينقـال .. واعرف ان السكوت احيان والصدات اجدالي
تمهل يانديمـي طالبـك لا تجـرح الآمـال .. ترى بعض الهموم الغاليه محـذور تنقالـي
تحملها لعلي بالحـوادث والزمـان احتـال .. ترى صرختك في جوفي سببها صاحبٍ غالي
وانا لولا الغلا واخشى ياراعي يسحر العذال .. حراام إني لا ألبي طلبتـك واطـف مكيالـي
وانا اشوف القوافي شرفت مع هايل منهـال .. وقفلتها على ذا البيت اولى له واولـى لـي .

وسلامتكم ,,,,,,"
وانشالله نالت اعجابكم ..