::منتدى الجبلان الرسمي:: - قصه حقيقيه حدثت لي انا شخصياً(حصري لمنتدى الجبلان)

هذه قصه حقيقيه حدثت لي انا شخصياً ......ارجوا ان تحوز على رضاكم

هذه قصه حدثت لي انا شخصياً وكانت بأيام الغزو عندما كنا في قريه العليا ,وكان

عمي عنده حلال وذهبنا معه ذات مره لننام هناك , وكان توه ساكن المكان الجديد

وشاف حيه وذبحها وقطها بعيد شوي ,يوم جاء الليل ولا صوت فحيح قوي حنا بالخيمه

قام وصاح عمي يعيال قوموا كان منظر يروع ليل وصوت فحيح , ياعمي العلم

قال لحظه لحد يطلع من الخيمه , بعد خمس دقايق سمعنا صوت التنكر اشتغل

انا قلت اظاهر عمي يبي ينحاش ويخلينا ,وكان معاي عيال عمي ثلاثه وانا رابعهم

شغل التنكر وقربه عند الخيمه .وصاح تعالوا يعيال ناموا فوق التنكر وصعدنا كلنا فوق
التنكر وضبط لنا فراش فوق شد التنكر ,ومن اشتغل التنكر الصوت وقف , وسألته عمي

شنو الصوت هذا قالي ارقد ماكو شي , قعدنا فوق التنكر ربع ساعه تقريباً ورجع

الصوت ثاني مره , هالمره الصوت اقوى صوت فحيح يروع , يوم اني طليت من

فوق التنكر ولا اشوف شي يلمع كان اصيح عمي شي يلمع , صاح علي وقال ارقد

ماكو شي , كنا صغار بالعمر وخايفين والصوت يجي من يمين ويروح يسار

ونتغطا بالفراش ومن الخوف نمت , يوم جا الصبح قمت من النوم ولا عمي

قاعد تحت يتقهوه واقعد عيال عمي وننزل من فوق التنكر , ولا الله لايوريك

الارض محفره وفيها جرت داب والله عمري بحياتي ماشفت كبرها , والارض

تروع وجرتها كله تحت التنكر ,وقعدنا نتقهوه عند عمي كان اقوله عمي وش اللي

امس هذا وقالي هذي ام الحيه اللي ذبحتها جايه تنتقم لبنتها بس تريقوا بسرعه

خنشوف مكان ثاني غير هذا, ومن الروعه تريقنا بسرعه وقمنا ضبطنا الاغراض

وجا الصبي يسوق التنكر وحنا عالوانيت الحمر , وبعدنا عن مكانا يمكن عشرين

كيلو, ونزلنا اغراضنا وضبطنا امورنا يوم جانا الليل ولا نفس الصوت ولا عمي

يوم تضايق ووجها تغير وقال لاحول ولاقوة إلا بالله الله يلعن الساعه اللي ذبحت

فيها بنتج , وحنا الله لايوريك حالنا , ألحين عرفنا الصوت هذا شنو مو نفس امس

درينا انها حيه وشفنا جرتها الله لايوريكم , اخذ معه صاطوره وقال ابجيب لكم التنكر

ولحد يطلع الا لما اجيكم تسمعون , وطلع راح للتنكر وشغله وجابه عند الخيمه

وجانا واخذنا الفرش وركبنا التنكر وامرحنا فوقه ونفس الشي فحيح قوي هالمره

وماوقف إلا على وجه الفجر نمنا كم ساعه يوم قمنا نزلنا ولا لاعبه بالارض لعب

جرتها وكلا عند التنكر ,رحنا لعمي ها ياعمي العلم قال العلم الليله ونا عمك ,

يوم جا وقت المغرب ضبط الفرش لنا فوق التنكر وقال امرحوا فوق ولو يصير

اللي يصير لحد ينزل من فوق التنكر لو تشوفوني اتقطع قدامكم ويقعد ولده يبجي

ويصيح على ولده يالرخمه تبجي , ونروح نصعد عالتنكر قال انا ابنام بالوانيت

حنا قلنا بيصير شي , يوم اضلمت الدنيا ولا الصوت يوم انه جانا من بعيد وكل شوي

يقرب ولا الوانيت يوم اشتغل وحنا فوق التنكر ونسمع الصوت فحيح الحيه وصوت

قزوز الوانيت يمين التنكر ويساره يمكن ساعه وقف صوت الحيه وعمي على وانيته

نزل معاه شبل ونسمع صوت طق , والله انا متغطين بالفراش ونسمع صوت عمي

يقول ألعن الله ابوج ياملعونة الوالدين , يوم قمنا من النوم نزلت تحت ولا الحيه

مقطعه وراسها كبير ياناس شي خيالي مقطع وجسمها مقطع تقطيع , من بعدها

الحمدلله ماجانا شي , ردينا الديره وقلت السالفه لبوي ونشدوا عمي عن السالفه

وقالهم ......

للعلم سبت عمي للحيه صارت عياره عليه للحين يقولون له ,

وسلامتكم