محــاوره مـن الطـراز الـقـديـم وملبـسـه بـثـو الـمـعـانـي
 

*** السلام عليكم ورحمة الله وبركاته *** محــاوره مـن الطـراز الـقـديـم وملبـسـه بـثـو الـمـعـانـي
بيين الشاعر \ فـــــــلاح الــحـصـيني و فـهـد سـعـوؤد الـطـويـر

الـيـكم الـمحـاوره واتمنى ان تنال على اعجاابكم ,,,

فـلاح الحصيني :

دام اشرقت شمس الضحى بعد الظلام ...والقافله قمنا نسوق اجمالها

فوق الكحيله وفي يدي رزم الخطام + والله لا عنيها و انا خيالها

فهد الطوير:

الورد ينبت يا الحصيني كل عام .. والسدره العليا يظل أظـلالـهـا

فوق الكحيلـه عـنها والدرب شام... صـاحبـك عارف عرضها وأطـوالها

فلاح الحصيني :

خلك معي يا صاحبي حسب النظام + مخراجها ماهو مثل مدخالها

اطيور شلوا عودت مثل الحمام + وعافت مواكرها في روس جبالها

فهد الطوير:

صاحبك يفرق فالحلال وفالحرام .. ويا كم دله شاربن فنجالها

راسي الضبي عقب اللحم عود عظام ... ولا البضايع ما ربح دلالها

فلاح الحصيني :

انا اعرفك يا صاحبي مابه كلام + مال الحموله غير ظهر جمالها

لاحت بروقن من ورا وادي تهام +سحابتن شحت علينا خيالها

فهد الطوير:

الله يبارك في رفيعين المقاام....الي ليا قالو نجيد اقولها

عسا السحابه مع صواديف القمام ... يمطر على دارن بطى همالها

فلاح الحصيني :

(صدام) مات وكفنوه امتر خام + عقب الرئاسه دولته يرثالها

ياليتها عقب البطا برد وسلام +لاكن سحابت صيف وش ترجالها

فهد الطوير:

يا( بوش )انا بشكرك في حكم العدام ... واهل العراق الله يعين احولها

الي يحج البيت ما يلبس حرام ... ما تنقبل لو نيته يعنالها


والى هنا وصلنا الي ختاام وتشيب القاااف

شكراً اخي فهد الطوير على تثبيت هذه المحاوره الشعرية ،،،،

تقبل مروري / فــــلاح الحصــــينــــي

هالله هالله

صح الله السنتكم

ولاهنت يابوعبدالله ويابوسعود

<---------في صف فلاح خمس دقايق وفي صف فهد خمس دقايق

تستاهل يا فلاح وهذا حقك يا القرك وحق كل شاعر


جزاع انت في صف فلااح 6 دقاايق وبصفي 4 دقاايق من

السطر والحميه هههههههههههه والله لا يهينك

مشاء الله عليكم

امتعتونا حقيقة

بالمعاني الجزله

حياك الله اخوي اخو حصة ونحن هنا لمنتدانا الغالي شكرا لمرورك العطر

صح السانكم والعب حماسي والمعاني كثيره

اطيور شلوا عودت مثل الحمام + وعافت مواكرها في روس جبالها

الله ابداع يابو عبدالله ويابو سعود
لكم خالص تحياتي ومحبتي/ محمد الجبلي