|
البارحه والليــــــــــل !!
م / ص .. الخير على الجميع !!
للتواصل .. اتمنى ان تصل !! .. البارحه بليل والبدر ضــــــــــــــــــــاوي صكت علي هموم مـ حصي عددها والصاحب اللي كان للبعد نــــــــــــــــــاوي اقفت ركابه والــــطعون بمهدها حتى فياف الحب بعدك خــــــــــــــــــلاوي طاحت خيامك يوم " شابن " عمدها انا جروح الحب وانت المـــــــــــــــــداوي انا الدموع اللي " فراقك " حصدها انا نجوم الليل والذيب عــــــــــــــــــــــاوي انا الليال اللي " نهارك " وجدها من بعدك عيوني وقلبي عمـــــــــــــــــــــاوي ادوُر لنفسي " حبيب " لسعدها على وصال الحب ما عدت قــــــــــــــــــــاوي للي رحل واحلى " الليالي " جحدها يا ليل !! قلي يومه البدر ضـــــــــــــــــــــــاوي كم هي همومي .. كان تحصى عددها .. .. ف/الجبلي |
من طول الغيبات جاب الغنايم
صح لسانك أخوي فهد. أبيات بغاية الجمال. وماقصرت. وأنت من احد الشعراء المميزين. وياليت ماتطول علينا بإبداعاتك. بس عندي وجهة نظر بكلمة لو تغيرها تكتب بدال كلمة انا جروح الحب( انا جريح الحب) وهذه مجرد وجهة نظر لاغير والرأي لك أنت كصاحب القصيدة ولك وجهة نظرك ولك تصويرك فأنا لاأجبرك. عموما مرة اخرى أقول لك صح لسانك مليون وننتظر جديدك بشوق. |
الرائع " بعيد الهقاوي "
مرحبا والله ومسهلا !! صح بدنك الف .. وشكراً على الاطراء .. والمرور العطر :) وبالنسبه للملاحظه !! والله انها اطلعت معي كذا !! انا كيف تطلع معي القصيده احطها .. ما اغيٌر ولا ابدل !! وبعدين انا جروح الحب .. تعني !! انا كتله من الجروح مانيب لحالي اللي احبك !! انا ونفسي والقلب والاحساس والشعور والحزن والهم والليل .... الخ :) الله يبعد عنك النار انشالله قل امين :) بعيد الهقاوي .. اسعدني مرورك كثيراً !! فأنت شخص مروره مميز جداً .. شكراً شكراً شكراً :) .. .. |
الشاعر والعزه
فهد الجبلي قصيده جميله من ابداع ليس بغريب على شاعر بحجمك البارحه بليل والبدر ضــــــــــــــــــــاوي صكت علي هموم مـ حصي عددها والصاحب اللي كان للبعد نــــــــــــــــــاوي اقفت ركابه والــــطعون بمهدها جميل يافهد وصح اللسانك لك مني خالص الموده المحب |
فهد الجبلي
صح لسانك واحساسك ولاهنت يالقرم ونص مثل هذا ليس غريب على شاعر مثلك دمت بود لا خلا ولا عدم |
لاهنت يافهد
قصيده ماعليها كلام سهل ممتنع وصعب في نفس الوقت ابدعت يالجبلي وصح لسانك ملياار تحيتي لك |
جاسم المطيري . .
الشاعر العذب .. صاحب البيت الجميل !! .. عذر البكا ياعين انك تصلين يعني على ماقيل حق(ن) وطاعه وبيت اخر .. لا يحضرني سوى شطر منه مدام ان القدر فرقا !! بمش الدمع بيديني .. يسعدني ويشرفني مرور شاعر بحجمك .. اخي جاسم !! صح بدنك والف شكر لك على المرور العطر :) .. .. |
صح السانك يافهد قصيده في غاية الجمال منتظرين جديد الاكثر من رائع /////
تقبل مروري / فلاح الحصــيـــنــي |
جزاع بن كويعب ..
مرحبا ومسهلا . . صح الله بدنك .. ولاهنت يالغالي !! .. :) |
فهد الجبلي اخاف ان تخدش خرابيش قلمي المتواضع جمال سمفونيتك الرائعه بكل ماحملته من معاني ومن همسات ومن جمال سحرك الذي رسمته لنا في هذه الصفحه فهنيئا لنا تواجد قلمك الغالى لك ودي وودادي أخي ملاك الجبلان |
| الساعة الآن 01:47 AM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
