الليل موحش دون الاحباب ياطير=الليل ماهو ليل دون الحبايب
لاشك ماعندي للاوضاع تفسير=الا انها دنيا العنا والعجايب
راحت سنيني بين ضحكه وتزوير=وأوراق عمري في يدين الهبايب
وابطيت اراوي بين عذال ومشير=وراسي غدا من هول الاحداث شايب
قصة غرامي فالبشر قصه غير=قصة وفا قلب من الشوق ذايب
وحاولت ابين ماحصل بأسم تعبير=من قبل لا تركز علي النصايب
عشق نشا مثل النفل والنواوير=ماله سبايب وان بغيت السبايب
الا انها نظرت وبسمه وتأثير=حمر الشفايف والوجن والذوايب
وسهم(ن) رماني كسر القلب تكسير=سهم(ن) على ماقيل للقلب صايب
عقبه تكدر خاطري كل تكدير=والحب اعده من كبار المصايب
وبديت في رحلة عذاب وتعزير=رحلة غراامي مبتداها نشايب
خلي عطيته هيبه وتقدير=وعن حب غيره اصبح القلب طايب
سبع سنين عشتها في مشاوير=فيها الفرح وعن نظرة العين غايب
صابر واقول ان القدر فيه تغيير=واقول بكره ياترى ويش جايب
واليوم جسمي صاير فيه تخدير=والدم في وسط الشرايين رايب
وان ماحصلي صاحبي دون تأخير=فأنا من الدنيا والافراح تايب
وياطير تكفى بسألك رد ياطير=تقدر تعيش الليل دون الحبايب؟

الله الله ..

ما عندي لك ياخوي نمر بن جبلان غير .... فالك التوفيق ..

صح لسانك ... ولاهنت على هالابداع ..

http://www.l22l.com/l22l-up-3/635028172f.gif

الى الامام ..

تحياتي وتقديري ...

اخت القمر