يامل قلب من عنى الحب يسهر=ينصاه هم بموجع البعد ينصاه
ياماسة الاشعار غدى الحظ ودبر=اقفى ولا ظني مع الوقت نلقاه
من عقب ريم كنها عقد ودرر=راحت وقالت دور لمثلي اشباه
قلبي على فرقاه صاح وتكدر=اخفي دموع العين والجوف به اه
عقبه خفوقي صك بابه وتعذر=ماينفعه لو كامل الحسن قد جاه
خابره قلبي شوفته شوفة الحر=ماكل زول يعجب العين يرضاه
ياماسة الاشعار بلانا مقدر=والي كتبه الله غصب(ن) رضيناه
غيرك شكى من المر ياشاكي المر=وغيرك يضيع بدرب تمشيبه خطاه
ماكل علم يبهج الروح ويسر=ولا كل راجي ياصل الحلم رجواه
دنياك هذي بها مطبات وحفر=الا الذي ربه من الشر ياقاه
الشر يبقى للذي يزرع الشر=وكل حصاده من مصافيط يمناه
اصبر على جرح الزمان وتصبر=وقتك كفيل مع مضى الوقت ينساه
الماس جوهر لامضى الوقت يندر=مايتركه كود الذي يجهل الجاه