|
ماودي الناس
مـن عز نومـي صـحـيـت وشفت في عـيني..! دمـع تـهـادى عـلى جـفـنـي وأنـا غـافـي ستـرت دمـعي بـكمـي قـبـل يـغـريـنــي ..! وأخذت هـذا الجـسد من باقـي لحـافـي وسريت تايـه ورى خـطوات رجـليـني ..! لا الوجـه وجـهي ولا أوصافي هي أوصـافي أمـشـي وأقـول لـطـريقي لا توديـنـي ..! لـعـيون ناس تبي تدري عن الخافـي أمانتك .. خـلها مـابـينك وبـينـي..! خابرك يـالدرب خوة عمـر وسنـافــي مـاودي الـنـاس تـدري وش يـبكـيـنـي ..! كرامة النـفـس ورث أبـوي وأســـلافــي أمـشي وأحس الـخناجر في شراييني ..! والـبرد يمشي وراي ويـنهش أطـرافـي وحـيـد والـليل بردونه يـغطينـي ..! تـقول كن الـبلد روح بها الـسافــي إلين ماأوحيت لي صوت يناديني ..! صوت أعـرفه مـثل ما أجهل وش خلافي قمت أتلفت وأنادي ... لا تخليني..! مـاغيره الـصوت .. هذا صوتـه الدافي تـعـال .. شف غـيـبتك كيف أثرت فيني..! تـعـال .. شفني وأنا أغرق عقب مـجدافي تـعال.. خـذني ورحبي مـن عـناويني ..! تـعـبت أعدي على جـمرك وأنا حـافـي تـعـال وإقـطف بـصوتك زهـرة سنيني..! كل الـمواعـيـد عـقـبك شمـعهـا طافي تـعال وش فـيك خايـف ؟ أنت ناسيني ؟ قـطـعـت صوتي عـليك وطال ميـقافـي حتى بـديت أشعر إن الحب معميني ..! وإن أنت حلم عـثى فـيـني وأنا غـافـي لـكـن أمـانـه ترى اللي فـيني كافيني ..! إن رحـت مـنـك كذا مارحت مـتعـافـي بـصـّدق الحلم وأحذر لا تـصـحـيـني ..! فـي خـاطري كلمتـين وإن قـلتـهـا كافـي أمـانـة الله عـليـك إن غـبت عـن عـيـني..! لا يـكـون قـلبك مـثل قـلب الـزمن جافـي مـع كـل دمـعـه تـذكـر رعـشـة يـدينـي ..! ومـع كـل ضـحـكـه تـذكـر قـلبـي الواااااااافـي |
مصيبة والله القصيده هذي بصراحة
بس المصيبه الاكبر ان مافيه ردود عليها ليش ؟ صح السانك فلاح الحصيني |
ذوووقك نفس ذووقي
كنت منزلتهآ قبلك هنآ :D سلمت يمنآك يـ عسسسل جد قصيده مجرمه .. دمتي بود |
مشكوووووؤره على الذوق والاختيار الراقي
|
فلاح اهلابك بمتصفحي.. يسلموو ع المرور .. |
جنون الحب يؤيؤيؤ وربي مادريت...شاكره لك مرو رك يالغلالا.. |
شجاع الهيت يسلموو ع المرور يالغلا.. دمت بوود |
لاهنتي اختي فخر الحمادين على القصيده الجميله
تقبلي مروري اخووك الجارح |
فخر الحمادين
صح السانك على القصيدة الجميلة اذا كنتي صاحبة القصيدة الرائعة الحزينة جدا ... اما اذا لم تكن لكي اختي الغالية فيبدو اننا في قسم همس القوافي ولسنا في قسم الشعر العام ... ومن تميز اللى تميز اجمل وارقى ... ننتظر جديدك اختي الغالية فلا تحرمينا من اختياراتك الرائعة والجميلة والتواصل المثمر تقديري وتحياتي اخوكــــــــــــــــــ سلطان الجبلي |
الجاارح هلابك خيووو.. منور المتصفح.. دمت بووود.. |
| الساعة الآن 02:25 PM. |
Powered by vBulletin® Copyright ©2000 - 2026, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
