|
القرقاح+غازي المطيري/بن مشيط+العير
فـلاح الـقـرقـاح
عزو الصفين يالمطـران ساعـه ودي اسمع ويش حاصل بالإذاعه صل ياغازي مع صف الجماعـه الحقيقه مانقـول الا الحقيقـه قامت رباعيه على الطرق القديم واما بها ولا بقطع (ا) رقابهـا مـحـمـد بـن مـشـيـط قوم يابن عبيد عندي علم ثاني وامره قلبي وينطق بـه لسانـي كنت في الامه وخصمي مانساني والحقيقه مانقـول الا الحقيقـه تعال يابن عبيد اخذها بالصميم انته كما سمحه وانا مشعابهـا غـازي الـمـيـمـونـي اسمع القرقاح وادري عن كلامه لو وجـه مايبشـر بالسلامـه مير كلن عز راسه من حزامـه والحقيقه مانقول الا الحقيقـه الظاهر انك لاعليل ولا سقيم لكن نفسك ماملكت اعصابها عـبـدالله الــعــيــر أدري انك منت ذاخر يا محمد مير شبّ النار وافطن لاترمّد اذكر الله وادحر بليس وتحمّد الحقيقه مانقول الا الحقيقـه هذي تمشّيها على واحد غشيم انته كما سمحه وانـا حلابهـا فـلاح الـقـرقـاح السلامه وينها الليله ياشاطـر ويش عرّضك المهالك والمخاطر شربت الما الليه بعشرين فاطـر والحقيقه مانقول الا الحقيقـه ان كان ماخاويت والله العظيم لعطيك ضربه يوجعك مضرابها مـحـمـد بـن مـشـيـط وصلك المري ولا لك عنه فكه لو شردت من الحفر لشراف مكه فيك عله فيك ريبه فيك شكـه الحقيقـه مانقـول الا الحقيقـه ابليس ضمّك في العليا والنسيم وانته كما سمحه وانا ركابهـا غـازي الـمـيـمـونـي المخاطر ياقحطاني راس مالـك لاتسولف بالمهالك وانت هالك اشرب اشرب والله مكّرم سبالك الحقيقـه مانقـول الا الحقيقـه الظاهر انك صرت شيطاناً رجيم من يوم بقعا عارضك مشهابهـا عـبـدالله الــعــيــر يالجنوبـي لاتحيمرلـي عيونـك ثم اخلك بالمخايل في جفونـك انت وعل وساع ماتكسر قرونك الحقيقـه مانقـول الا الحقيقـه سمحان يابن مشيط في الديره مقيم يعطي على سمحه وربـي جابهـا فـلاح الـقـرقـاح عاين اللي يبصم وتضهر سنونه من كثر مافيه ماترمش عيونه اثرني مغشوش في ذيك النمونه الحقيقه مانقـول الا الحقيقـه وش عاد يبغي بالزواج وبالحريم قط طمّح الاولى وقفل بابهـا مـحـمـد بـن مـشـيـط كـل علـم مايجمّلنـا يشوقـك وانت فوق الارض ولا النجم فوقك يابعيـراً لازم الليـه نسـوقـك الحقيقـه مانقـول الا الحقيـقـه النار يابن عبيد وانفخ ياشريم ابشر بكيّه ماحسبت حسابها غـازي الـمـيـمـونـي الرفيق اليا تبرّا مـن رفيقـه قلت انا مالي برفقتهم طريقه ياعساهم كل ابوهم في حريقه الحقيقه مانقول الا الحقيقـه اليا تجمعتم على خط القصيم كلاً يقول النـار ياشبابهـا عـبـدالله الــعــيــر والله انك ماتسوق الا قعـودك فودك الله بس يقطع جنس فودك ان بغاك العير في سلوى يرودك الحقيقـه مانقـول الا الحقيقـه انته تبا الجنه واردك للجحيم النار ياشارون وانت اولابها منقوووووووول |
انته تبا الجنه واردك للجحيم
النار ياشارون وانت اولابها هالله هالله ,, ابيات جنونيه ,, رحم الله من مات ,, واطال الله في عمر من بقى !! صحح الله السنتهم ,, ولاهنت يالمستشار |
ياهلا ومرحبا والله فيك يابن عمي فهد كلهم ما شاء الله عليهم ابياتهم جنونية اسعدني مرورك الجميل تقبل اجمل تحياتي أخوك/المستشار |
الله الله
محاورة شعار عملاقة الله يرحم الميت ويطول عمر الباقي والمستشار معهم تسلم يالمستشار على نقلك |
ياهلا ومرحبا عزيزي المردد واللهم آمين , والله يعافيك اسعدني مرورك الجميل تقبل اجمل تحياتي أخوك/المستشار |
| الساعة الآن 04:48 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
