|
( اصعب سؤال ) اللي جوابه للأسف مثله ( سؤال ) !!
بسم الله الرحمن الرحيم السلام عليكم و رحمة الله و بركاته اضع بين ايديكم احدى روائع الشاعر محمد جارالله السهلي.. ( اصعب سؤال ) اللي جوابه للأسف مثله ( سؤال ) !! ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكرك ذيك الليال ؟ ) كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محال !! لكنها صارت كذا ! واللي (( اهم )) اني دريت : ان الحياه فبعد احبابك اذا جف الوصال اتعيشها لو تقتنع انك خلااص اصبحت ( ميت !!) يا صاحبي لو كل شي يمر بالخاطر يقال ما كانت العبره تــــولجني اليامنك طريت ؟! شفني قدرت احبس دموعي بس ( دمع القاف ) سال ويا كبرها ساكت ولكن داخل اوراقي بكيت !! عمر الحكي ما كان دافي لاابتدى بقولة تعال لجل اتجاهل رجفة حروفي اليامني حكيت .. الحال في بعدك قسم بالله ما اسميه حال انوي على الضحكه واحس كلي خطا لاني نويت ؟! اتصور انك من رحلت اشوفك لجسمي ظلال لا شفته امشي ببتعد واثره معي مهما مشيت !! مدام يعني في بحرك لفرحتي مليون جال وش فيه موجك ما ركد ؟ قربت اموووت وما رسيت .. يرضيك ما عادت معي تفرق اذا جالك مجال لاني اقتنعت انك نهايه واني ببطي ما بديت !! صرت ( اعقد حجاجي ) اذا جابوك باطراف الجدال وانا قبل لاقالوا اسمك كني : ميت ثم حييت .. تعبت اعيش الدور وافتح للمعاذير الخيال واتخيل اني جيت في بالك وبانك استحيت .. وتردلي كلك (( وله )) وتقول : ( كن البعد طال ؟ ) ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال للحب واحساس القصيد ان عانق الليل وسريت .. ربي يصبرني على الفرقا مدام الحظ مال وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) لا قلتلي ( وش ذكرك ؟ ) ثم قلتلك ( متى نسيت ؟ ) |
قصيده في قمه الـروعه!! صح لسان محمد السهلي على هالابداع
والشكر موصول لكـ يالتوم على نقل القصيده... |
|
صح لسان شاعر السهلي
وصح أختيارك يافهد تقبل مروري أخوك هشام الظويفري |
صح لسان الشاعر محمد جار الله السهلي والله لا يهينك يا فهد على النقل اختيارك مميز شاكرلك تحيتي |
مــرحبا فيكــم جمــيع نورتــوا المــوضــوع بردودكـم المـمــيزه :)
|
يعطيك العافية فهد التوم
قصيده راائعه وإنتقاء عذب.. صح لسان الشاعر وصح نقلك الراقي والمميز.. تحياتي لكـ |
فهد التوم
دوماً مبدع ومتفرد بالجمال والإبداع صح لسان شاعرها تقبل تقديري وودي ... |
تــركي,, عــوود اللـيل
حــياكم الله مـروركم نور الـصـفحه.. |
حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال للحب واحساس القصيد ان عانق الليل وسريت .. ربي يصبرني على الفرقا مدام الحظ مال وانت بيجيلك يوم تعرف ليه في بعدك شكيت .. :: صح لسااانك اخوي فهد وصح لسان السهلي قصيدة رااائــعــة وجزلــة شكرا لك :) :: |
| الساعة الآن 12:22 PM. |
Powered by vBulletin® Copyright ©2000 - 2025, Jelsoft Enterprises Ltd. , TranZ By Almuhajir
جميع المشاركات المكتوبة تعبّر عن وجهة نظر كاتبها فقط . ولسنا مسؤلين عنها بأي شكل من الأشكال .
