الشاعر/فلاح العراك الهاملي المطيري /وأنا أدوج بالصمان كان الله أحياني ..
 

بسم الله الرحمن الرحيم
*
*


اليوم ناتي بشاعر كبير وله صولات وجولات بالشعر وهو الشاعر فلاح العراك الهاملي المطيري ... وهذه قٌصيدة قالها في الصمان مراتع مطير ومجارات للشاعر ابو حواس واليكم القصيده :



انـا يـوم اديـر الجيب واشـيـل غـرضـانـي
علـى نـو مـاامشـي عجل مانـي علـى راضه


وابا ادوج بالصمان كان الله احياني
وابـا اظـهـرعلـى صلـب المشاليف وفيـاضـه


مـنـازل لمطيـر اللـي يـفـكـون الاضعـانـي
ومـراتـع دبـشـهـم فــيربيعـه ومقيـاضـه


لـعــل الـحـيـا يـزيـه قـدام الاوطـانــي
وعلـيـه الـبـروق مــن اول الـوسم نـواضـه


لعـلـه مــن الـبـاطـن لـيـا جـو سيقـانـي
يــزل الشهـر والسـيـل مـانـش بـريـاضـه


زمــان مـضــى مــااحـديطبـه بلعـانـي
يــوم الـبـنــادق لاشقـر المـاص لفـاضـه


حـمــاه الـدويـش اللـي يـنـوح للاكـوانـي
زعيـم لـيـا ثـور عجـاج الـرمـكخـاضـه


هـاك الحيـن يـوم الخيـل تقضب بـالارسـانـي
حمـى الشـرف والصمـان فيصل بمـركـاضـه


وكـسـر لـه جـمـوع جمعت عقـب سلطـانـي
وحمـى العطفـه اللـي لاشقـر الـراس نقـاضـه


ونـهـارالصبـاح اللـي غـدى فيـه عبطـانـي
غـزتـنـا البيـارق وانكفـت غصب فضـاضـه


حشـرهـا رصـاص مطيـر خطـلان الايمـانـي
ومـشـو لابتـي والمـوت وردوا علـى حياضـه


هــاك اليـوم يشبـع مـن لبـن كـل جيعـانـي
واهـل الفـوز حنـا واكثـر النـاس مغتـاضـه


لـنــا معـجـزات عنـد روغـات الاذهـانـي
وعـوايـد فـعـول مطيـر للـراس نهـاضـه


تـرى بـالقصيـده مـالـنـا مقـصـد ثـانـي
هـدفـنـا شـواعيــر للاشـعـار خـواضـه


وانــامــااتعـرض حـذف نـاس تحـدانـي
وعلـى مـن ينـوش حـدودنـا لـيتعـراضـه


وانـا هاضنـي مـا قـال ابـو زيـد و ارضـانـي
كـلام لا بـوحـواس لـو يسـمـعـه هـاضـه


وابــا افـزع لابـو حـواس قـدام ينخـانـي
وعليه تـرى الفـزعـه مثل حـج الافـراضـه




لشــاعر : فلاح العراك الهاملي



تقبلو تحياتي


جـــالي اللوايم
__________________

صح الله السانه عزالله انه كفى ووفى بهالقصيده

ماهي غريبه على الهوامل الطيب



اسمحلي اخوي جالي بما انك من الهوامل ومن عائلة البراك بالتحديد


انا اقوووول اشهد ان عندكم وحده تسوى مطـــــــير كلها

هي

امنا وام الكل <<< هذا لقبها

والكل يحبها ماتدخل مكان الا الكل يقف لها احتراما واجلالا

لطيبة قلبها الي يشهدلها القاصي والدانــــــــي

ذكرها عند الحريم والرياجييل بالطيب

الــــــــــعــــــــــنــــــــود البــــــــراك

عسى الله يكثر من امثلها



اسمحلي ياجالي انا كنت بقولها من زمان ولقيتها فرصـــــه
دامك ذكرت

الشاعر فلاح العراك الهاملي

يا هلا وغلا فيج ياا دمعه ناقه

ومشكووووووووووره ,,,


كل حريم الهوامل والجبلان والمطران فيهم الخير والبركه

وتأكدي أن المراه إللي صاينه أسمها وأسم قبيلتهاا ولها مواقف طيب تعرف بالخير والكل يذكرها بخير

وأنها تساوي الرجال

ويمكن أحسن بعد من بعض الرجال

فعول المراه الطيبه لاتقل عن فعول الرجال الطيبه

وبالنسبه لخالتي العنود ماعليج زود يادمعه


نورتيناا

جالي اللوايم صح لسان الشاعر فلاح العراك الهاملي المطيري
وعزالله انه ماقصر وبيض الله وجهه قصيده جزله من شاعر جزل
والشكر موصول لك على هالنقل الطيب وتسلم يالذيب

العفو ياا بوسعيده

وأنت منبع الجزاله

نورت

عساك سالم

والنعم فيك ياخالد السالم وفي خوالك

وصح بدنك وماعليك زود

حيييييييييت

صح لسان شاعرها وتسلم يمين ناقلها ،،
قصيدة جزله ورائعه ،،
أهنئك ع ذائقتك الشعرية ،،
لاهنت
تقبل
م
ر
و
ر
ي

الله يسلمج ياافخر

وأسعدني مرورج

صح لسان العراك على القصيده الطيبه

ولاهنت اخووي على تقلهااا