إن كنت تنشد يالمسيكـي .. عـن الحـال=مالي علـى .. كتمانهـا عنـك .. حيلـه
الصبر عـن بـوح الاحاسيـس .. قتـال=والبوح فـي بعـض المواقـف ، فشيلـه
لـو كـل مايطـري علـى البـال ينقـال=ماكـان شفـت ان الثقيلـه .... ثقيـلـه
ابطيـت اكافـح ضيقـة البـال بالـبـال=وادفـع بـلا .. هاجوسهـا كـل .. ليلـه
ليـن اقبلـت مثـل .. السحابـه بهمـال=تشفـي غليـل اللـي .. تزايـد غليـلـه
طاحت ، ولاْوفـق مـن حنايـاك منـزال=وابطلبـك .. يابـدر ( تكمـى ) المخيلـه
ان قيل ترعد .. قلهـم : صـوت زلـزال=وان قيل تبرق .. شف لهـا ادنـاة حيلـه
مابـي .. تناقلهـا هـل القيـل والـقـال=وتصير مـن بعـد القصيـره .. طويلـه
يابدر .. ماني عال .. لـو صحتـي عـال=شفنـي مـن الصدمـات نفسـي عليلـه
اشيـل حمـلٍ .. لـو يشيلنـه .. جبـال= الله ، وامانـه .. غيـر تصبـح نثيـلـه
أرمي .. من هموم الزمن .. واسحب أدبال=وانزل عن ( الجوكـر ) وغيـري يشيلـه
من كثر ماشفت بحياتي مـن ؟؟؟؟؟ ....!!=بديـت اشــك ان ال؟؟؟؟؟ ... فضيـلـه
ماطاح من عيني رجل ..!! طاحوا .. رجال=ورجال ( يابـن حنيـف ) ماهـي قليلـه
اقرب من اللي قالهـم ضمـن ماقـال .. :=راكـان بـن حثليـن .. راعـي الجزيلـه
( هذا .. ولد عمٍ ، وهـذا .. ولـد خـال=وهـذا .. رفيـقٍ مالقينـا .. بديـلـه )
سبحـان منهـو يابـد غيّـر الحـال ..!!=وحـط الجفـا بيـن الخليـل .. وخليلـه
هذا الزمـن يبغالـه .. لسـان دلاّل .. !=من يستحـي هالوقـت .. واعزتـي لـه
وقتٍ به ( الراعي ) غـدى .. راعـي دلال=كـلٍ علـى طاريـه .. ينفـض شليـلـه
ومن كان ساسه للـردى مضـرب امثـال=اليـوم .. يحسـب مـن كبـار القبيـلـه
المال .. يابن حنيف ملعون .. ابو المـال=ذل العزيـز .. وعـز .. نـاسٍ ذليـلـه