مدري ورى ليلة الذكرى تبكيني
وانا احسبني صبور وصعب بكايه
ازرى منول على ناس كثيريني
واثر المعافين نقاده وزرايه
مرت عليه شهور ومرت سنيني
ومريت احسب العيون القشر نسايه
وقفت بالدار اصد يسار ويميني
كني بغبة بحر من قو ذكرايه
هاجوس يبعد وهاجوسن يدنيني
يلعب بقلبي مثل ماتلعب المايه
ولا حكى القلب لكنه حكت عيني
اثر العيون تحكي وتفسر الغاية
الله من حسرة بالصدر تكويني
وعلامة الحزن بانت في محيايه
والله يالايام مدري وش تخفيني
حظي مع الرايحه واللا مع الجايه
|