قالـت بسافـر ياحبيـبـي واخلـيـك
والله يعيـنـك يـاغـلايـه لـحـالـك
وعن عادتي بطلت يومي اسليـك
جوال ماأخذته ولا ابغـا وصالـك
هذي الهموم السود ويحك تناديك
ماهمهـا دمعـك ولا ضـيـق بـالـك
ولانـي بقايلـتـن يافرحـتـي فـيـك
بعـد السفـر لاجيـت ردي سؤالـك
يالله حبيبـي قـم فتـحـت اذانـيـك
وخذ الكلام الصدق وخلـه عقالـك
انـا احبـك للعـمـا حـيـل وابكـيـك
اعشقك طيب وقلـب حتـى هبالـك
قلت المحبه يالغـلا ماتجـي هيـك
وش ذنبي ان كانه عسيـر منالـك
انتي وانا والكل من دون تشكيـك
في دبرة الرحمـن نمشـي مسالـك
لولا الامل بالخير ما أظني آجيك
عسى الولـي يأمـر علـي اعنالـك
ولوكل أمنيتـن تبـي تستـوي ليـك
ماكانهـا يمنـاك تـرجـي شمـالـك
وخلاصة الشعر المقفى على ايك
. اوله ومـا اتـلااه فـلا علـى آلـك
تمشيـن والرحمـن طالبـه يشفيـك
وتجيـن والاعيـان مشتـاقـه آلــك
مشاعـري نظمتهـا مـنـك وإلـيـك
بهـا رضـاك ابغـاه انتـي إلحالـك
.
.
|