متواضعه .. ارجو ان تنال الرضا والقبول

الغريب اللي مفارق له وطن مثل الكويت=مو غريبة لو سهر ليله وكل علة تعله
الغريبة ليل غربة لاني حي ولاني ميت=بين ربعي والقرايب دمعي عيني دوم أهله
مابكت عيني لذنب(ن) اقترفته وابتليت=لا ولا فرقى هنوف(ن) والهوى واللي يتله
عاذلي سود الليالي زابنتني وان مسيت=امسي بضيقة صدر واللي يزيد الطين بله
عادني باول شبابي شاب راسي بقول بيت=قاله اللي باخص(ن) سر الحيا دقه وجله
قال ابوي الوقت هذا زين لامنك لقيت= صاحب(ن) يحفظ مودة صاحبه مايستغله
للسؤال عقول تسترضى وانا بعقلي رضيت=المصيبه بالسؤال اللي عجز عقلي يحله
لو هقيت اني وانا ساهي على ظله وطيت=والله اني لعتذر منه واقبل راس ظله
قله يابندر* تراني من بعد ضيه طفيت=لايعجل في عذابي طالبك ياخوي قله
الصداقة تجبرك تغفر ذنوبي لو خطيت=ذاك في حكم الصداقه كيف في حكم الاخله
في حديث المصطفى عند البخاري ماقريت=الاخوة دين يسمح للاخو سبعين زله
كم سهرنا من ليالي تبكي لامني شكيت=امسح دموعك ترى الشكوى لغير الله مذله
اشتكيلك جور دنيا لو سقتني مارويت=آه ياوقت(ن) مضى واليوم شاكيكم على الله
وكان بالدنيا بقت لي رجوة(ن) لامن رجيت=سيف صدك لو قويت انك تسله لا تسله

الموضوع الأصلي: الــغــريــب ...!!! ابن سمدان || الكاتب: خلف بن سمدان || المصدر: منتدى الجبلان الرسمي

المصدر: ::منتدى الجبلان الرسمي::