ايميل فله.....................؟؟

هذاا ايميل وصل لي

وبجد عجبني
قلت احطه لكم
وخاصه للشبااب



أحب ابارك لكم الشهر قرب قدوم الشهر الفضيل الله يصبّرنا

وانتوا ياحظكم بسسسس

صارت لي مواقف كثير مدري وش اقول ومدري وش أخلّي

بس انشالله اليوم موقف تسدّحت عليه من الضحك

قابلت واحد من الشباب بالصدفه في السيتي

معاي سنفور نحيس تنسحّب بالسيتي

وسلّمنا عليه سلام حاااار وقالي انت وش تسوي هنا

قلت له اني جاي أكمل دراستي وأطلب العلم

جلس يضحك ويقول علينا



انا قلت له لاتكثّر كلام وعشاك عندي اليوم

قال تمّ ياسعود

كلمني تلفون وقال ياسعود وانا اخوك

ماتبي شي وانا جاي على الطريق

قلت له سلامتك

قال وش عشاك

قلت له مشخووول

الولد سكت سكته دوّت له شوارع بيرث

وبلع العافيه وقفل التلفون

وانا رحت لمطبخي كالعاده اطبخ لخوينا المشخول

مدري اذا تعرفون المشخول ولا لا

المشخول : أكله خليجيه راح يشخلون فيه الرز الابيض وتنحطّ الكشنه تحت بالقدر وبعدين نرجّع الرز من جديد

المهم جا خوينا عندي البيت وقال وينه

انا



قلت له وش مشخوطه يافلالالالان

قال اللي بتشخطونه

تسدّحت ضحححححك
قلت له استريح يافلالان وأبشر بعزّك

وانا دخلت المطبخ





مقاديري

--طماطم- بطاطس-ملح -نسكافيه -زيت - فلفل --


هههههههههههههههههههههه

ياجماعه هذي علبة نسكافيه حاط فيها بهارات الوالده

ماعندي علبه فاضيه قلت أقتصد بس وأخلي الهياط





وأبتدى مشوار التقطيع بصل وطماط وبطاطس ودجاج

والدموع اربع اربع من هالبصل حسبي الله على ابليس












نقلي البطاطس نص قلي .. ونحط الرز بالقدر ونسلقه

ونحط البصل ونحمسه مع البهارات والفلفل

ونسلق الدجاج













يستوي الدجاج نحطّه على الكشنه

















نشخل الرزّ ونشخله ولما يفضى القدر نحط الكشه في القدر حق الرز

ونحط نص المقدار حق الرز

ونخلطه مع بعض لما يتغيّر لونه

وبعدين نحط الرز الابيض فوق الباقي من غير خلط

ونحطّه على نار هاديه















أنتبهوا من الحراره طااار وجهي من البخار












ماتعشّى خويي

قال هاااااااااا

قلت له شوووف يافلان الطبخه اسمها مشخول

وانت فهمتني غلط وانا أخوك

ماعندنا مشاخيط

عندنا نوجّب الضيوف وعلوم رجال

وكانك على خبري فالله يستر عليك

وجلس يضحك وعلّم أمه بالسالفه

هههههههههههههههههههههههههههه






ارفع راسك انت سعودي

ياشباب أحنا عايشين بنعمه .. وعندنا شغالات وناس تغسل ورانا وتشيل

أحمدوا ربكم على النعمه اللي انتوا عايشين فيها

ماأحد يحس فيها الا اللي يطلع ويتمرمط مثلي

ولكم أحلى تحيّه
وأنتظروا السمبوسه الطائره في رمضان

أويلالالاه يالفيمتو
من الشيف سعود

منقول من الايمل




.

الموضوع الأصلي: ايميل فله.....................؟؟ || الكاتب: * جمرة مطير * || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::